1 Tesalonika 1:1 - Porjanjian Boharu Torjomahan Baso Dilakng Soari-ari

¹ Ko inyo tohormat boko urakng pocayo di kota Tesalonika. Kaitn inyo monjadi umputn Allah Bopai ongko Yesus Kristus, Tuhatn inyo bokuaso di pucu' kito. Salapm doi' aku, Paulus ongko doi' Silas huatan Timotius. Kasih karunia ongko sonang-asau doi' Allah, Bopai kito, huatan Tuhatn Yesus Kristus monyoroto'i kolai.

1 Tesalonika 1:1 ပူးပေါင်းရင်းမြစ်များ

2 Tesalonika 1:1

Ko inyo tohormat boko urakng inyo pocayo di kota Tesalonika. Kaitn inyo pocayo ko Allah Bopai kito huatan Yesus Kristus, Tuhatn kito. Salapm doi' aku, Paulus. Doi' Silas huatan Timotius jam.

Kisah Boko Rasul 20:4

Ado boko urakng inyo monyoroto'i io dalapm pojalatan nantai, ia'an: Timotius, Sopater (ana' Pirus doi' kota Berea), Aristarkhus ongko Sekundus (koduo urakng nantai doi' kota Tesalonika), Gayus (doi' kota Derbe), huatan Tikhikus ongko Trofimus (koduonyo doi' propinsi Asia).

Kisah Boko Rasul 18:5

Lopas nian, Silas ongko Timotius datakng doi' propinsi Makedonia. Jadi, Paulus ulih momakai somuo watunyo pakai' momboritoan ko somuo urakng inyo boagama Yahudi. Paulus momboritoan agatn jolas obai Yesus nantai Rajo Inyo Dijanjian Allah.

Yudas 1:1

Surat ni'in doi' aku, Yudas, hulutn Yesus Kristus. Aku pan somadikan Yakobus. Surat ni'in ko boko urakng inyo ditingkau, ia'an boko urakng inyo dikasihi Allah Bopai, boko urakng inyo Allah jago oca' ulih monjadi umputn Yesus Kristus.

1 Petrus 5:12

Aku monulis surat singkat ni'in di tulukng Silas. Io nam somadikan, somadikan soiman inyo sotia. Aku monulis surat ni'in pakai' momadahi huatan moonji'i somangant ko kaitn. Aku pan honda' oca' kaitn yakitn obai isi suratku ni'in bondar-bondar mongona'i koboi'an Allah. Kaitn gola' totap hidup dalapm koboi'an-Nyo nantai.

2 Korintus 1:19

Obai, Ana' Allah, Yesus Kristus, pan kinyo gangga'-gua'an di antaro ‘Au’ ongko ‘Cado’. Aku, Silas ongko Timotius udah momboritoan ko kaitn mongona'i Kristus, ia'an Rajo Inyo Dijanjian Allah. Molalu'i Sio, somuo janji Allah monjadi nyata, samo sama'an ado jawaban ‘Au’ doi' Allah. Jadi, di dalapm Kristus bayo ado ‘Au’. Nianam sobabnyo, watu kito mongatoan ‘Amin’ pakai' momuji Allah, kito mongatoan ‘Amin’ dalapm damo Kristus.

Kisah Boko Rasul 19:22

Jadi, Paulus mongiripm duo urakng kawal korojonyo, ia'an Timotius ongko Erastus. Sia' mondoholu'i io ko propinsi Makedonia. Apo io monotap cukup manah agi' di kota Efesus di propinsi Asia.

Kisah Boko Rasul 17:11

Boko urakng Yahudi di Berea bobeda doi' boko urakng Yahudi di Tesalonika. Boko urakng Yahudi di Berea nantai lobih mudah monorima' ajaran Paulus ongko Silas. Sia' sobobondarnyo honda' tohu ajaran mongona'i Yesus nantai memang bondar kata'an cado. Jadi, sotiap ari sia' monyolidiki Buku Suci.

Ibrani 13:23

Aku honda' oca' kaitn mongotohu'i obai somadikan kito, Timotius, udah dilopasan doi' ponjara. Aman io hagar datakng ko si'itn, koi duo tajahan monjongu' kaitn.

Kolose 1:1

Boko somadikan umant Allah di kota Kolose inyo sotia pocayo ko Kristus. Doi' aku, Paulus. Aku ditingkau pakai' monjadi rasul Kristus Yesus obai nantai kohonda' Allah. Salapm jam doi' Timotius, somadikan kito jam. Aku bodoa oca' Allah Bopai kito monunju'an koboi'an huatan moonji'i sonang-asau ko kaitn.

Filipi 1:1

Surat ni'in doi' ku, Paulus bosamo agatn Timotius. Koi urakng inyo bokorojo molayati Kristus Yesus. Surat ni'in pakai' somuo urakng husus umputn Allah di kota Filipi inyo bosatu dalapm Kristus Yesus, tomansu' agatn somuo ponotua' ongko diakon jomaat.

Efesus 1:2

Aku bodoa oca' Allah Bopai kito huatan Tuhatn Yesus Kristus monunju'an kasih karunia ongko moonji'i sonang-asau ko kaitn.

Galatia 1:22

Obai nantai, boko jomaat Kristus di Yudea bolupm kalo botomu agatn aku socaro lansukng.

2 Korintus 1:1

Surat ni'in doi' ku, Paulus. Aku dipilih pakai' monjadi rasul Kristus Yesus obai nantai kohonda' Allah. Salapm jam doi' Timotius, somadikan kito. Surat ni'in pakai' jomaat Allah di kota Korintus ongko somuo urakng inyo husus umputn Allah di somuo propinsi Akhaya.

Kisah Boko Rasul 16:29

Kopala' ponjara nantai monyiuh hulutnnyo monguti' obor. Ongko, sia' bonggidi'an mansu' ko dalapm. Kopala' ponjara topogola', io bogogora' ongko tokodudu' di hadapan Paulus ongko Silas.

Kisah Boko Rasul 16:25

Pas tongah malapm, Paulus ongko Silas tongahan bodoa huatan bonyanyi puji-pujian ko Allah. Somuo tahatan inyo bukai mondinga'an sia'.

Kisah Boko Rasul 16:19

Boko habakng botina' nantai moniant obai sia' co paca'an mondapat'an kountukan agi' doi' pogota'an io. Obai nantai, boko habakng nantai monangkap Paulus ongko Silas, ongko mombaba' sia' duo ko boko pojabat kota di tompat potomuan umum di pasar.

Kisah Boko Rasul 15:40

Apo Paulus momilih botula' samoan Silas. Boko somadikan di Antiokhia bodoa pakai' sia' duo oca' Tuhatn momborokati sia' dalapm polayatan.

Kisah Boko Rasul 15:27

Jadi koi udah moutus Yudas ongko Silas pakai' monyampaian huatan momandiran surat ni'in ko kaitn.

1 Yohanes 1:3

Koi momboritoan ko kaitn mongona'i somuo inyo koi tiat huatan inyo koi dinga', oca' kaitn paca'an bosatu hati agatn koi. Kosatuan inyo koi pulah ia'an koi bosatu agatn Allah Bopai huatan agatn Ana'-Nyo, Yesus Kristus.

Kisah Boko Rasul 15:22

Boko rasul, boko ponotua' huatan somuo boko urakng inyo pocayo agatn Yesus monorima' nosihat Yakobus. Sia' momutusan pakai' monulis surat ko boko urakng bukai Yahudi inyo pocayo agatn Yesus. Sia' momilih boboropo urakng doi' antaro sia' pakai' monyampaian surat nantai. Boko urakng nantai paca'an botula' ko kota Antiokhia bosamo Paulus ongko Barnabas. Jadi, sia' momilih Silas ongko Yudas (inyo disobut Barsabas). Koduo urakng nantai pomimpitn inyo dihormati di antaro boko urakng inyo pocayo agatn Yesus di Yerusalem. Surat inyo sia' sampaian, dinga' ni'innan bunyinyo: “Salapm ko boko somadikan inyo bukai Yahudi di kota Antiokhia, di propinsi Siria, di propinsi Kilikia. Hormat doi' koi, boko somadikan kaitn di kota Yerusalem. Koi boko rasul huatan boko ponotua'