1 Petrus 5:9 - Porjanjian Boharu Torjomahan Baso Dilakng Soari-ari

⁹ Jadi, kaitn gola' totap pocayo kokuat pakai' molawatn Rajo Sitatn nantai. Obai, kaitn tohu obai boko somadikan soiman di soluruh dunia mondorita' jam samo sama'an kaitn jam.

1 Petrus 5:9 ပူးပေါင်းရင်းမြစ်များ

Lukas 22:32

Apo Aku udah bodoa pakai' kolai, Simon, oca' kolai totap pocayo ko Aku. Watu kolai bobali' sotia agatn Aku, kolai gola' monguat'an iman boko somadikan kolai, ia'an boko murid-Ku.”

Yohanes 16:33

Aku momadahan somuonyo nantai ko kaitn oca' hati kaitn ado sonang-asau obai kaitn bosatu agatn Aku. Kaitn paca'an mondorita' di dunia ni'in. Apo, pontokuhancam hati kaitn! Aku udah mongalahan kuaso di dunia ni'in!”

Kisah Boko Rasul 14:22

Di boko kota nantai, Paulus ongko Barnabas monguat'an hati boko urakng pocayo. Sia' duo moanjuran boko urakng nantai oca' totap pocayo agatn yakitn ko Yesus. Sia' bopandir, “Kito gola' moalapi kotakan banya' ajab sonsaro, oca' kito ulih hidup sonang dalapm Koraja'an Allah.”

1 Korintus 10:13

Kaitn dicubo'i agatn caro inyo dialapi boko urakng bukai jam. Apo Allah hala sotia. Sio kinyo mombiaran kaitn dicubo'i lobih daripado kokuatan kaitn. Solaitn nantai, watu kaitn dicubo'i, Allah pan paca'an moonji'i jalatn koluar ko kaitn. Oca' kaitn mampu mohadapi coba'an nantai.

Efesus 4:27

Jangan molongahan Rajo Sitatn pakai' mombulah kaitn bodosa.

Efesus 6:16

Dalapm somuo koadaan, kaitn gola' totap kuat pocayo ko Kristus. Nantai ia'an porisai inyo ulih dipakai kaitn pakai' mombuta'i somuo ana' panah boapi doi' Rajo Sitatn.

Kolose 2:5

Biar pan aku co nyiant bosamo agatn kaitn, apo hatiku ado di antaro kaitn. Aku sonang mondinga' obai kaitn hidup agatn toatur huatan kuat pocayo ko Kristus.

1 Tesalonika 3:3

Jadi kaitn co lomah somangant watu kaitn mohadapi ajab sonsaro. Kaitn siku' udah mongotohu'i obai ajab sonsaro nantai ia'an kohonda' Allah pakai' kito.

1 Timotius 6:12

Samo sama'an urakng bouyuh-jorih dalapm potandikan, kolai pan gola' bouyuh-jorih oca' kolai pagutn pocayo lalu mondapat'an hidup inyo somanah-manahnyo di sorugo. Pakai' hal nantaiam kolai udah ditingkau huatan udah mongatoan di hadapan urakng banya' obai kolai pocayo ko Yesus.

2 Timotius 3:12

Memang boko urakng inyo bondar-bondar honda' hidup monyonangan Allah, ia'an somuo urakng inyo pocayo ko Kristus Yesus, sia' paca'an didorako'i.

2 Timotius 4:7

Aku udah bouyuh-jorih agatn boi', aku udah moahiri potandikan huatan aku totap sotia sampai ahir.

Ibrani 11:33

Obai sia' pocayo, jadi sia' mongalahan boko koraja'an, sia' bulah inyo bondar, sia' mondapat borokat inyo dijanjian Allah. Ado doi' sia' inyo mongatupan nyao boko singa.

Ibrani 12:8

Allah momantu somuo ana'-Nyo. Jadi, aman kaitn kinyo tuyut dipantu' sama'an sia', boroti kaitn bukainyo boko ana'-Nyo inyo sah.

Yakobus 4:7

Obai nianam, turuti kohonda' Allah huatan lawatncam kohonda' Rajo Sitatn, lalu io paca'an botongga' moncubo bulah kaitn bodosa.

1 Petrus 1:6

Sonangcam agatn hal nantai, biar pan somontaro watu ni'inan kaitn gola' monjadi salu' obai bomacapm-macapm poncoba'an.

1 Petrus 2:21

Obai, Allah momilih kaitn pakai' nantai. Kristus siku' moonji'i contoh oca' kaitn moniru porbuatan-Nyo. Ia'an, Sio udah totap kuat mondorita' pakai' kaitn.

1 Petrus 3:14

Apo, mungkitn tajahan ado boko urakng inyo monyakiti kaitn obai kaitn bulah kobondaran di hadapan Allah. Aman ubo nian, kaitn tajahan diborokati. Jadi, jangan gola' agatn sia'. Jangan kuatir,

1 Petrus 4:13

Apo, soharusnyo kaitn sonang obai kaitn mondorita' samo ubo Kristus jam. Agatn ubo nantai, kaitn tajahan sonang jam nononyo watu Sio datakng lalu monyatoan obai Sio bokuaso.

Wahyu 1:9

Aku, Yohanes, somadikan kaitn inyo sonasib agatn kaitn, inyo bosamo ajab sonsaro agatn warga Koraja'an Allah, huatan bosamo botahatn mohadapi ajab sonsaro kapikng monantian Yesus. Aku udah momboritoan Pomandiran doi' Allah ongko boko hal inyo Yesus padahan ko aku. Obai nantaiam, aku dibuakan ko sobuah pulau inyo bodamoan Patmos.

Wahyu 6:11

Boko urakng inyo dibunuh siku'-monyiku' dionji'i jubah putih. Sia' diboritohu pakai' torahat agatn sabar sotogal agi'. Obai ija' ado boko somadikan inyo molayati Yesus inyo paca'an dibunuh, samo sama'an sia'. Sia' gola' monanti sampai jumlah urakng nantai udah diponuhi.

Wahyu 7:14

Aku bopandir ko io, “Aku cuku tohu, habakng. Duatn mongotohu'inyo.” Jadi io bopandir ko aku, “Sia' ni'inam boko urakng inyo koluar doi' masa ajab sonsaro inyo bosar. Sia' udah bulah jubah sia' monjadi putih, monopasinyo agatn darah Ana' Domba.