1 Petrus 5:5 - Porjanjian Boharu Torjomahan Baso Dilakng Soari-ari

⁵ Ubo nian jam, kaitn inyo muda': Kaitn gola' tundu' ko boko urakng inyo lobih tuho. Kaitn somuo gola' rondah hati hala molayati inyo bukai. Obai, pomandiran ni'in udah totulis di Buku Suci: “Allah molawatn urakng inyo buhau. Apo Sio monunju'an koboi'an-Nyo ko urakng inyo boi' hati.”

1 Petrus 5:5 ပူးပေါင်းရင်းမြစ်များ

Lukas 22:26

Apo, kaitn co ulih ubo nian! Sobali'nyo, urakng inyo palikng pontikng di antaro kaitn gola' bosipat rondah hati, bolaku samaꞌan urakng inyo kotakng kinyo pontikng. Siku' urakng pomimpitn gola' bolaku samaꞌan siku' urakng hulutn.

Roma 12:10

Kaitn gola' hala mongasihi ubo koluarga ongko gola' hala ndoholuan morogo'i siku'-monyiku'.

Roma 13:14

Apo, kito gola' monjadi samo sama'an Tuhatn Yesus Kristus ongko hala monuruti Sio. Jangannam kito bopikir agi' mongona'i caronyo pakai' mongosihan kohonda' monsio.

Efesus 5:21

Kaitn gola' hala tundu' ko inyo bukainyo jam pakai' mohormati Kristus.

Filipi 2:3

Jangan buhau ongko bogoyap pujian sia-sia. Apo, rondahancam hati kaitn. Anggap ja' urakng bukai lobih pontikng doi' kolai siku'.

Kolose 3:12

Obai nantai, hidupcam agatn caro inyo boharu. Kaitn nantai boko urakng inyo dipilih Allah, pakai' umputn Sio inyo husus huatan dikasihi-Nyo. Jadi, jadicam urakng inyo mongasihi, boi' hati, rondah hati, lomah-lombut, huatan sabar.

1 Timotius 5:1

Aman kolai moolikan siku' urakng lolaki inyo lobih tuho doi' kolai, jangan kolai moolikannyo agatn koras. Apo momadahinyo socaro hormat samo sama'an kolai bopandir ko Bopai kolai siku'. Onji'i nosihat ko boko lolaki inyo lobih muda' doi' kolai samo sama'an adikng kolai siku'.

Ibrani 13:17

Kaitn gola' monaati boko pomimpitn kaitn. Tundu'cam ko sia'. Obai, sia' inyo bojago-jago agatn jiwa kaitn. Sia' gola' botanggukng jawab ko Allah pakai' polayatan sia' nantai. Taat'icam sia' oca' sia' ulih molayati agatn sonang hati. Aman kaitn kinyo monaati sia', sia' paca'an salu' ongko nantai kinyo boguno pakai' kaitn.

Yakobus 4:6

Apo Allah udah monunju'an koboi'an-Nyo ko kito. Hal nantai sosuai agatn tulisan ni'in dalapm Buku Suci, “Allah bonci' agatn urakng inyo buhau. Apo Sio monunju'an koboi'an-Nyo ko urakng inyo rondah hati.”

1 Petrus 3:8

Kosimpulannyo, kaitn somuo gola' bosatu dalapm hati huatan pikiran, hala mohibur inyo bukai, hala mongasihi agatn boi' hati ko boko somadikan kaitn inyo bukai, huatan jangan buhau.

1 Petrus 4:1

Obai Kristus udah mondorita' socaro jasmani, jadi kaitn pan gola' monguat'an diri kaitn agatn pikiran obai kaitn tajahan mondorita' samo sama'an Sio jam. Obai, urakng inyo mondorita' socaro jasmani, io udah botongga'am bulah dosa.

1 Petrus 4:5

Apo sia' tajahan dihakipi. Sia' gola' moaku'i somuo dosa sia' ko Sio inyo mohakipi urakng inyo hidup ongko urakng inyo mati.