1 Petrus 5:14 - Porjanjian Boharu Torjomahan Baso Dilakng Soari-ari

¹⁴ Kohonda'nyo kaitn hala monyampaian salapm kasih sobondarnyo ko boko somadikan inyo sosamo pocayo. Ko somuo kaitn inyo pocayo ko Kristus, aku bodoa oca' Sio hala moonji'i kaitn sonang-asau di dalapm polindukan-Nyo.

1 Petrus 5:14 ပူးပေါင်းရင်းမြစ်များ

Matius 5:47

Aman kaitn monyampaian salapm bayo ko boko somadikan kaitn mo, nantai bukainyo porbuatan inyo lobih boi' doi' urakng bukai. Obai boko urakng inyo bolupm mongonal Allah bulah ubo nian jam.

Yohanes 14:27

Timpu watu Aku botula', Aku moonji'i sonang-asau-Ku ko kaitn. Sonang-asau-Ku inyo Aku onju' ko kaitn, bukainyo sama'an ponyaman inyo dunia onju'. Jadi jangan golisah. Jangan gola'.

Yohanes 16:33

Aku momadahan somuonyo nantai ko kaitn oca' hati kaitn ado sonang-asau obai kaitn bosatu agatn Aku. Kaitn paca'an mondorita' di dunia ni'in. Apo, pontokuhancam hati kaitn! Aku udah mongalahan kuaso di dunia ni'in!”

Yohanes 20:19

Pas ari udah malapam watu ari Minggu nantai, boko murid Yesus bokumpul di sobuah rumah. Sia' monyongkal boko lawakngnyo obai sia' gola' agatn boko pomimpitn urakng Yahudi. Sopongirap, Yesus datakng, bodiritn di tongah-tongah sia'. Kato-Nyo, “Sonang-asau pakai' kaitn!”

Yohanes 20:26

Sominggu lopas nantai, boko murid Yesus bokumpul agi' di rumah nantai. Kali nintai, ado Tomas bosamo agatn sia'. Sia' monyongkal boko lawakngnyo samo sama'an komai jam. Kali labuh, Yesus datakng agi', bodiritn di tongah-tongah sia'. Kato-Nyo, “Sonang-asau pakai' kaitn!”

Roma 16:16

Onju'cam salapm inyo ponuh kasih ko inyo bukai. Salapm ko kaitn doi' somuo jomaat Kristus.

Roma 8:1

Obai nianam, watu ni'in Allah kinyo mohukupm urakng inyo ado di dalapm Kristus Yesus.

1 Korintus 1:30

Jadi, kaitn ado hubukan dokat agatn Kristus Yesus obai porbuatan Allah, bukainyo obai porbuatan kaitn. Yesus monjadi kopintar-corodi'an Allah bagi kito. Molalu'i Yesus, kito monjadi bondar di hadapan Allah. Kito pan monjadi umant husus pakai' umputn Sio. Sio monanggukng hukupan dosa kito pakai' monobus kito.

1 Korintus 16:20

Salapm doi' somuo urakng pocayo di si'itn. Kohonda'nyo kaitn siku'-monyiku' hala nogur-nyapo.

2 Korintus 13:12

Kohonda'nyo kaitn hala nogur-nyapo agatn ponuh kasih ko siku'-monyiku'. Salapm doi' somuo urakng husus umputn Allah di si'itan.

2 Korintus 5:17

Boko urakng inyo ado di dalapm Kristus, sia' monjadi monsio boharu. Sia' udah botongga' hidup agatn caro inyo manah. Sobondarnyo, sia' hidup agatn caro inyo boharu.

Efesus 6:23

Boko somadikan, aku bodoa oca' Allah Bopai ongko Tuhatn Yesus Kristus moonji'i sonang-asau ko kaitn huatan mombulah kaitn mongkitn mongasihi huatan mongkitn pocayo ko Sio.

1 Tesalonika 5:26

Sampaiancam salapm inyo ponuh kasih doi' koi ko somuo urakng inyo pocayo di santai.

1 Petrus 1:2

Allah, Bopai kito, momilih kaitn sosuai agatn roncana-Nyo. Roh Allah mombulah kaitn monjadi borosih doi' dosa oca' kaitn monaati Yesus Kristus. Allah molabuhan nantai jam oca' kaitn ulih monorima' hasil doi' darah Yesus Kristus inyo dicurahan ko kaitn watu Sio mati di kayu salib. Aku bodoa oca' Allah monunju'an koboi'an ongko moonji'i sonang-asau ko kaitn agatn bolimpah.

3 Yohanes 1:14

Aku boharap co manah agi' aku ulih monjongu' kolai lalu kito ulih bopandir bohadapan.