1 Petrus 5:12 - Porjanjian Boharu Torjomahan Baso Dilakng Soari-ari

¹² Aku monulis surat singkat ni'in di tulukng Silas. Io nam somadikan, somadikan soiman inyo sotia. Aku monulis surat ni'in pakai' momadahi huatan moonji'i somangant ko kaitn. Aku pan honda' oca' kaitn yakitn obai isi suratku ni'in bondar-bondar mongona'i koboi'an Allah. Kaitn gola' totap hidup dalapm koboi'an-Nyo nantai.

1 Petrus 5:12 ပူးပေါင်းရင်းမြစ်များ

Ibrani 13:22

Boko somadikan, aku muhun oca' kaitn sabar monorima' somuo nosihatku dalapm surat. Obai, suratku ko kaitn ni'in kinyo panjakng.

Kisah Boko Rasul 11:23

Pas Barnabas tuntukng ko su'utn, io moniant caro kohidupan sia' borubah obai Allah bulah koboi'an ko sia'. Obai nantai Barnabas mooso kotakan rindakng. Io monguat'an hati sia' oca' sia' somuo totap pocayo huatan monaati ko Tuhatn Yesus agatn soponuh hati.

2 Korintus 1:19

Obai, Ana' Allah, Yesus Kristus, pan kinyo gangga'-gua'an di antaro ‘Au’ ongko ‘Cado’. Aku, Silas ongko Timotius udah momboritoan ko kaitn mongona'i Kristus, ia'an Rajo Inyo Dijanjian Allah. Molalu'i Sio, somuo janji Allah monjadi nyata, samo sama'an ado jawaban ‘Au’ doi' Allah. Jadi, di dalapm Kristus bayo ado ‘Au’. Nianam sobabnyo, watu kito mongatoan ‘Amin’ pakai' momuji Allah, kito mongatoan ‘Amin’ dalapm damo Kristus.

1 Korintus 15:1

Boko somadikan, ni'inan aku honda' moingant'an kaitn mongona'i Kabar Boi'. Sokomai aku udah momboritoan Kabar Boi' ko kaitn ongko kaitn monorima'nyo. Kaitn pan udah somombondarannyo pocayo ko Kabar Boi' nantai.

Kisah Boko Rasul 20:24

Apo aku co poduli. Biar pan aku dibunuh, aku totap co poduli. Tuhatn Yesus udah moonji'i tugas ko aku pakai' momboritoan Kabar Boi' obai Allah udah monyatoan koboi'an-Nyo ko monsio. Aku gola' monyolosaian tugasku nantai. Nianam inyo pontikng, bukainyo hidup aku.

2 Tesalonika 1:1

Ko inyo tohormat boko urakng inyo pocayo di kota Tesalonika. Kaitn inyo pocayo ko Allah Bopai kito huatan Yesus Kristus, Tuhatn kito. Salapm doi' aku, Paulus. Doi' Silas huatan Timotius jam.

1 Tesalonika 1:1

Ko inyo tohormat boko urakng pocayo di kota Tesalonika. Kaitn inyo monjadi umputn Allah Bopai ongko Yesus Kristus, Tuhatn inyo bokuaso di pucu' kito. Salapm doi' aku, Paulus ongko doi' Silas huatan Timotius. Kasih karunia ongko sonang-asau doi' Allah, Bopai kito, huatan Tuhatn Yesus Kristus monyoroto'i kolai.

Yudas 1:3

Boko somadikan inyo ku kasihi! Kito samo-samo disolamant'an huatan aku bondar-bondar honda' monulis ko kaitn mongona'i nantai. Apo, aku mooso gola' monulis ko kaitn pakai' monguat'an kopocaya'an kaitn. Agatn sama'an nian, aku honda' oca' kaitn totap bojuakng mompotahatan iman kito, ia'an boko ajaran bondar inyo udah disampaian ko boko urakng husus umputn Allah.

3 Yohanes 1:12

Mongona'i Demetrius boko urakng mongatoan io nantai urakng boi'. Kohidupan io sikuꞌ inyo monunju'an nantai obai io hidup sosuai agatn ajaran inyo bondar. Koi pan mongatoan io urakng inyo boi'. Ongko kolai tohu obai koi hala momandiran inyo bondar.

2 Petrus 2:15

Sia' udah moninggalan caro hidup inyo bondar. Sia' tuyut caro hidup inyo salah. Sia' tuyut caro hidup Bileam, ana' Beor. Timpu joman komai, nabi Bileam nantai opat monorima' upah doi' porbuatan inyo jahat.

2 Petrus 1:12

Memang kaitn udah mongotohu'i somuo ni'inan. Kaitn udah kuat pocayo agatn ajaran bondar inyo udah disampaian ko kaitn. Apo, kohonda' ku pakai' hala moingant'an kaitn mongona'i somuonyo nantai.

Kolose 4:9

Aku moutus io bosamo agatn Onesimus, inyo boasal doi' tompat kaitn jam. Io nantai somadikan inyo sotia huatan ku kasihi. Sia' duo paca'an momadahan ko kaitn somuo inyo tojadi di si'itn.

Kolose 4:7

Aku moutus somadikan inyo ku kasihi, Tikhikus, ko kaitn. Io paca'an momadahan ko kaitn somuo kabar mongona'i aku. Io nantai kawal boi' dalapm pokoroja'an molayati Tuhatn. Io molayati agatn sotia.

Kolose 1:7

Kaitn mongotohu'i somuo nantai doi' Epafras, somadikan inyo koi kasihi. Sio nantai kawal boi' dalapm pokoroja'an molayati Kristus agatn sotia. Sio molayati di antaro kaitn.

Efesus 6:21

Aku moutus Tikhikus ko kaitn. Io ia'an somadikan kito inyo tokasih. Io sotia molayati Tuhatn. Aku moutus io oca' kaitn mongotohu'i borito mongona'i aku ongko boko somadikan inyo ado bosamoku. Io paca'an momadahan somuonyo ko kaitn. Agatn sama'an nantai, io paca'an monguat'an hati kaitn.

Efesus 3:3

Sio momboritoan ko aku roncana-Nyo inyo komai kinyo dikotohu'i monsio. Di pucu' Aku udah monulis socaro panda' ko kaitn mongona'i hal nantai.

2 Korintus 1:24

Aku co bomasud obai koi honda' momoso lapo inyo gola' kaitn pocayo. Obai, koi tohu kaitn pocayo agatn kuat ko Kristus. Apo, inyo ku masud ia'an koi honda' bokorojo samo oca' bulah kaitn bondar-bondar sonang-nyaman.

Roma 5:2

Obai kito pocayo ko Yesus, jadi kito jam ulih moalapi koboi'an inyo Allah torus-monorus ditunju'an ko kito. Nantaiam koadaan hubukan kito agatn Allah watu ni'in. Apo kito jam sonang-nyamanam obai kito yakitn moharapan obai nono kito paca'an mondapat'an hidup inyo mulia bosamo Allah di sorugo.

Yohanes 21:21

Pas moniant murid nantai, Petrus bopandir ko Yesus, “Tuhatn, ubo apo agatn io nian? Lapo inyo paca'an tojadi agatn io?”

Kisah Boko Rasul 15:22

Boko rasul, boko ponotua' huatan somuo boko urakng inyo pocayo agatn Yesus monorima' nosihat Yakobus. Sia' momutusan pakai' monulis surat ko boko urakng bukai Yahudi inyo pocayo agatn Yesus. Sia' momilih boboropo urakng doi' antaro sia' pakai' monyampaian surat nantai. Boko urakng nantai paca'an botula' ko kota Antiokhia bosamo Paulus ongko Barnabas. Jadi, sia' momilih Silas ongko Yudas (inyo disobut Barsabas). Koduo urakng nantai pomimpitn inyo dihormati di antaro boko urakng inyo pocayo agatn Yesus di Yerusalem. Surat inyo sia' sampaian, dinga' ni'innan bunyinyo: “Salapm ko boko somadikan inyo bukai Yahudi di kota Antiokhia, di propinsi Siria, di propinsi Kilikia. Hormat doi' koi, boko somadikan kaitn di kota Yerusalem. Koi boko rasul huatan boko ponotua'

1 Petrus 1:13

Obai somuo nantai, kaitn gola' bosiap-siap dalapm akal budi kaitn huatan hala mongondalian diri oca' monyonangan Tuhatn. Nononyo, Yesus Kristus tajahan datakng agi' monyatoan diri-Nyo. Timpu nantai, kaitn tajahan disolamant'an. Jadi, kaitn gola' bobondar boharap agatn koboi'an Allah nantai.

1 Petrus 4:10

Allah udah monunju'an koboi'an-Nyo ko kaitn agatn moonji'i somuo kaitn komampuan husus inyo bobeda-beda. Jadi, gunoancam komampuan husus doi' Allah nantai agatn caro inyo boi', ia'an kaitn gola' monggunoan komampuan husus doi' Allah nantai oca' hala molayati urakng pocayo inyo bukai.