1 Petrus 4:8 - Porjanjian Boharu Torjomahan Baso Dilakng Soari-ari

⁸ Inyo kotakan pontikng, kaitn gola' bobondar hala mongasihi. Obai, urakng inyo mongasihi ulih moamputi boko kosalahan.

1 Petrus 4:8 ပူးပေါင်းရင်းမြစ်များ

1 Korintus 13:1

Sokironyo aku ulih bopandir dalapm bomacapm baso monsio damo boko baso molekat, apo aman aku co mongasihi urakng bukai, boroti komampuanku nantai kinyo boguno. Aku samo sama'an totawak inyo sombarakan ditombuh damo lonceng inyo bayo bulah tingal kolindakan mo.

1 Korintus 13:4

Urakng inyo mongasihi ia'an urakng inyo hala sabar huatan hala bulah koboi'an agatn urakng bukai. Urakng inyo mongasihi nantai ia'an urakng inyo kinyo tungi. Io kinyo bopangkakng diri huatan kinyo buhau.

Kolose 3:14

Inyo palikng pontikng doi' somuo sipat nantai ia'an samo mongasihi. Kasih nantai bulah kito monjadi satu huatan monjadi sompurna.

1 Tesalonika 3:12

Koi pan bodoa oca' Tuhatn bulah kaitn hala mongasihi huatan kasih nantai mongkitn botambah-tambah sampai bokolobihan. Koi pan bodoa oca' Tuhatn bulah kaitn mongkitn mongasihi somuo urakng samo sama'an koi mongkitn mongasihi kaitn.

2 Tesalonika 1:3

Boko somadikan, koi bosukur ko Allah obai kaitn. Cucu' mo koi bosukur obai kaitn mongkitn kuat pocayo ko Yesus. Somuo kaitn pan mongkitn mongasihi siku'-monyiku'.

1 Timotius 1:5

Aku moonji'i nosihat ni'in oca' boko urakng inyo pocayo hala mongasihi agatn hati inyo jujur, agatn saro hati pakai' bulah koboi'an, huatan bondar-bondar pocayo ko Yesus.

Ibrani 13:1

Kaitn gola' totap hala mongasihi sobagai boko urakng inyo bosomadikan dalapm Tuhatn.

Yakobus 5:12

Boko somadikan, hal ni'in kotakng pontikng: Watu kolai bojanji, jangan cubo bosumpah pakai' monguat'an janji nantai agatn namo lapopan di sorugo damo di bumi. Aman kolai bopandir, “Au, aku paca'an molabuhan nantai.” Lalu, labuhancam nantai. Aman kolai bopandir, “Cado, aku co paca'an molabuhan nantai.” Lalu, jangan molabuhan nantai Labuhancam la'apo ja' inyo kolai janjian. Aman cado, nononyo Allah paca'an mohukupm kolai.

Yakobus 5:20

Urakng inyo mombimbikng io nantai, gola' mongotohu'i ni'in: Aman urakng bodosa nantai bobali' monuruti ajaran inyo bondar, jadi jiwa urakng nantai paca'an disolamant'an doi' noraka huatan banya' dosa jam paca'an diamputi.

1 Petrus 1:22

Obai kaitn monaati kobondaran, kaitn udah monjadi suci di hadapan Allah. Jadi, kaitn dapat mongasihi somadikan kaitn inyo sosamo pocayo, agatn hati tulus. Obai nantai, kaitn gola' bobondar hala mongasihi agatn soponuh hati.

3 Yohanes 1:2

Somadikanku inyo tokasih, aku bodoa mudah-mudahan somuonyo boi'-boi' agatn kolai. Mudah-mudahan kolai sehat-sehat jam, samo sama'an aku udah tohu obai kolai totap pocayo agatn kuat.