1 Petrus 4:4 - Porjanjian Boharu Torjomahan Baso Dilakng Soari-ari

⁴ Apo ni'in kaitn co hidup ubo nantai agi'. Boko urakng hiratn mapo kaitn co moikuti caro hidup sia' inyo bodosa. Obai nantaiam, sia' monjahai'-jahai'an kaitn.

1 Petrus 4:4 ပူးပေါင်းရင်းမြစ်များ

Matius 23:25

Allah paca'an mohukupm kaitn boko guru agama Yahudi huatan boko urakng Farisi. Kaitn pompadah boi' samo sama'an cangkir ongko pirikng inyo kaitn borosihi bayo dibuai luarnyo mo. Apo di dalapm hati kaitn tama' huatan jahat.

Lukas 15:13

Boboropo ari lopas nantai ana' kobunsuan nantai monjual boko pombagiannyo nantai ongko botula' ko nogori inyo jouh. Di su'utn io momborosan duitnyo agatn hidup bopoya-poya.

Kisah Boko Rasul 13:45

Apo watu boko urakng Yahudi moniant urakng banya' nantai, sia' monjadi kotakan tungi. Sia' mohayam Paulus. Sia' jam monikaki la'apo inyo diajarannyo.

Kisah Boko Rasul 18:6

Apo boko urakng Yahudi nantai molawatn huatan mohayam Paulus. Jadi, io mongibasan dobu doi' pakai'annyo pakai' tando poringant'an. Kato Paulus ko sia', “Aku udah botanggukng jawab momboritoan Kabar Boi' ko kaitn somuo. Apo kaitn totap co pocayo agatn Yesus. Nononyo aman kaitn dihukupm Allah, nantai kosalahan kaitn siku'. Aku co botanggukng jawab agi'. Jadi, mula'i watu ni'in, aku paca'an botula' momboritoan Kabar Boi' ko boko banso inyo bukainyo banso Yahudi.”

Roma 13:13

Kito gola' hidup agatn caro inyo sopatn sama'an urakng inyo hidup dalapm torakng. Jangannam kito ruah-runsakan ongko hala komabu'an. Jangannam kito bulah dosa kojahatan ongko tuyut kohonda' bukakng inyo jahat. Janganam kito tungi ongko hala bokolohi.

Efesus 5:18

Jangan kaitn mabu' obai anggur, obai urakng mabu' kinyo ulih monahan kohonda' bukakng-tubuhnyo. Apo kaitn gola' moikuti Roh Allah,

1 Petrus 2:12

Kaitn gola' hidup agatn caro inyo boi' di antaro boko urakng inyo bolupm mongonal Allah. Agatn ubo nantai, biar pan sia' mongatoan kaitn jahat, sia' tajahan moniant porbuatan kaitn inyo boi'. Akibatnyo, sia' pan tajahan momuliaan Allah watu Sio datakng nononyo.

1 Petrus 3:16

Apo, timbas cam sia' agatn hormat, lomah-lombut, tulus hati di hadapan Allah. Kaitn gola' molabuhan nantai oca' watu boko urakng monjahai'an mongona'i porbuatan boi' kaitn dalapm Kristus, jadi sia' tajahan komaluan.

2 Petrus 2:12

Apo boko guru palsu nantai mohayam boko hal inyo kinyo sia' kotohu'i. Sia' samo sama'an bonatakng liar inyo kinyo boakal, inyo lahir ongkah pakai' ditangkap huatan dibunuh aja'. Porbuatan jahat sia' paca'an mombulah sia' bonaso samo sama'an bonatakng liar nantai jam.

2 Petrus 2:22

Porbuatan sia' nantai monunju'an obai poumpamoan ni'in bondar: “Kudu' paca'an makatn agi' apo inyo udah dimutahannyo.” Huatan “Babi inyo udah dimandi'i paca'an bobali' agi' mongudakng di dalapm luta'.”

Yudas 1:10

Apo boko urakng totontu nantai mohayam boko hal inyo kinyo sia' kotohu'i. Sia' bayo monjumpati boko kohonda' bukakng samo sama'an bonatakng liar inyo kinyo boakal. Boko hal nantai inyo mombulah sia' bonaso.