1 Petrus 4:18 - Porjanjian Boharu Torjomahan Baso Dilakng Soari-ari

¹⁸ Nantai sosuai agatn tulisan ni'in di dalapm Buku Suci, “Boko urakng inyo hidup bondar di hadapan Tuhatn pan, sia' uyuh mondapat kosolamant'an. Jadi, lapo inyo tajahan tojadi agatn boko urakng bodosa inyo molawatn Tuhatn?”

1 Petrus 4:18 ပူးပေါင်းရင်းမြစ်များ

Lukas 23:31

Obai aman urakng molabuhan ni'in ko kayu inyo bansah, la'apo inyo tajahan tojadi ko kayu inyo rangkai?”

Yudas 1:15

Sio paca'an mohakipi somuo urakng. Sio paca'an mohukupm somuo urakng obai porbuatannyo inyo jahat. Sio paca'an mohukupm somuo urakng bodosa obai boko pomandiran jahat inyo dipandiran ko Tuhatn.”

1 Korintus 10:12

Obai nantai, urakng inyo moanggap dirinyo kuat pocayo gola' boboi'. Jangan sampai io jatu' dalapm dosa.

Roma 1:18

Apo doi' sorugo Allah monunju'an ponggodi-Nyo pakai' somuo urakng inyo bodosa huatan bulah kojahatan. Obai, kojahatan nantai mohalaki monsio mongonal ajaran inyo bondar.

Kisah Boko Rasul 14:22

Di boko kota nantai, Paulus ongko Barnabas monguat'an hati boko urakng pocayo. Sia' duo moanjuran boko urakng nantai oca' totap pocayo agatn yakitn ko Yesus. Sia' bopandir, “Kito gola' moalapi kotakan banya' ajab sonsaro, oca' kito ulih hidup sonang dalapm Koraja'an Allah.”

2 Petrus 3:7

Apo, Allah mongombolo langit ongko bumi inyo ado watu ni'in agatn Pomandiran-Nyo jam. Sio mongombolo somuonyo nantai sampai watu Sio mohukupmnyo agatn api, ongko mombonasoan boko urakng inyo kinyo taat ko Sio.

1 Petrus 5:8

Apo kaitn gola' hala mongondalian diri kaitn, huatan hala bojojago. Rajo Sitatn nan musuh kaitn. Sitatn honda' mohancuran kopocaya'an kaitn. Sitatn nan samo sama'an singa inyo mondorah, bojalatn kolilikng-kolimbat bogoyap urakng inyo ulih ditolatnnyo.

Roma 5:8

Apo, Allah monunju'an kasih-Nyo ko kito agatn caro ni'in: Timpu kito ija' urakng bodosa, Kristus mati pakai' kito.

Ibrani 4:1

Obai nantai, boko somadikan, kito gola' boboi'. Allah udah bojanji obai somuo urakng inyo pocayo ulih mansu' ko dalapmtompat torahat inyo Sio siap'an. Janji Allah nantai ija' bolaku pakai' kito watu joman ni'in. Apo, kaitn gola' boboi' oca' conyiant di antaro kaitn inyo culih mansu'.

Roma 5:6

Kito kinyo ulih monjadi bondar agatn kokuatan kito siku'. Apo pas timpu inyo ditontuan Allah, Kristus mati pakai' kito. Sio molabuhan nantai biar pan timpu kito kinyo pocayo ko Allah.

Kisah Boko Rasul 27:24

Katonyo, ‘Paulus, jangan gola'. Kolai gola' ija' mohadap Kaisar negara Roma. Allah paca'an monunju'an koboi'an hati-Nyo ko kolai. Allah bojanji obai somuo urakng inyo bosamo-samo agatn kolai di kapal ni'in paca'an solamant.’

Lukas 15:1

Ado boko ponagih pajak huatan boko urakng bukai inyo dianggap kinyo boi' ulih masrakat. Biasonyo, sia' datakng mondingaꞌ Yesus mongajar.

Kisah Boko Rasul 27:31

Moniant nantai, Paulus bopandir ko Yulius huatan boko projuritnyo, “Aman boko ana' buah kapal nantai kinyo totap di kapal ni'in, kaitn co mungkitn solamant.”

1 Timotius 1:9

Kito tohu obai Allah moonji'i Hukupm Torat bukainyo pakai' mongomboi'i caro hidup boko urakng inyo bondar. Apo Sio moonji'i Hukupm Torat pakai' mongomboi'i caro hidup boko urakng inyo hidup sokohonda'nyo siku' huatan tikakng-bongkakan, boko urakng inyo kinyo boagama huatan boko urakng hala gala' bulah dosa, boko urakng inyo kinyo honda' hidup suci huatan boko urakng inyo kinyo mongonal Sio, boko urakng inyo mombunuh urakng bukai, tomansu' boko urakng inyo mombunuh indai Bopai sia'.

Yakobus 5:6

Kaitn udah mohukupm huatan mombunuh urakng inyo co bosalah huatan urakng nantai kinyo molawatn kaitn.