1 Petrus 4:17 - Porjanjian Boharu Torjomahan Baso Dilakng Soari-ari

¹⁷ Ni'in, udah tuntukam watu Allah mohakipi somuo urakng. Sio mula'i agatn kito, ia'an boko urakng husus umputn Sio siku'. Aman ubo nantai, lapo inyo tajahan tojadi ko boko urakng inyo co pocayo Kabar Boi' doi' Allah? Pasti sia' pan paca'an dihukupm.

1 Petrus 4:17 ပူးပေါင်းရင်းမြစ်များ

2 Tesalonika 1:8

Sio paca'an mohukupm sia' inyo co honda' mongonal Allah, sia' co honda' pocayo Kabar Boi' mongona'i Yesus, Tuhatn kito.

1 Petrus 2:8

“Nantai am ‘Batu bulah sia' topanjur.’ Batu inyo bulah sia' tokorahap.” Sia' topanjur ko batu nantai obai sia' kinyo monaati Pomandiran Allah. Nantaiam inyo udah ditontuan Allah pakai' sia'.

Roma 2:9

Somuo urakng inyo bulah kojahatan paca'an sonsaro huatan mondorita', potamo-tamo urakng Yahudi, huatan jam urakng bukai Yahudi.

Lukas 23:31

Obai aman urakng molabuhan ni'in ko kayu inyo bansah, la'apo inyo tajahan tojadi ko kayu inyo rangkai?”

Ibrani 5:9

Agatn caro nantai, Sio monjadi Ponyolamant inyo sompurna. Jadi, Sio ulih moonji'i kohidupan kokal ko somuo urakng inyo taat ko Sio.

Ibrani 2:4

Malahan Allah mombutian Pomandiran nantai bondar obai Sio moonju' kuaso ko sia' pakai' molabuhan somuo macapm mujisat ongko obai sia' bodapat bomacapm komampuan husus inyo dionju' ulih Roh Allah sosuai agatn kohonda'-Nyo.

Ibrani 2:2

Obai soandainyo, Pomandiran Allah inyo disampaian boko molekat ko boko angki-bayatn kito ija' joman komai tonyato bondar sampai boko urakng inyo kinyo monurutinyo dihukupm sosuai agatn porbuatan sia',

Galatia 5:7

Sokomai kaitn monunju'an komajuan cukup boi' watu tuyut Yesus. Jangan dilongahan urakng bukai honda' mohalak-halaki kaitn. Jangan sampai kaitn co monaati ajaran inyo bondar.

Ibrani 11:8

Obai Abrahapm pocayo, jadi io monaati Allah. Timpu nantai, Allah moningkau io botula' ko nogori inyo nononyo tajahan dionju' Allah ko io ongko koturutannyo. Abrahapm kinyo tohu tompat tujuannyo, apo io totap botula'.

Galatia 3:1

Boko somadikan di Galatia. Kaitn urakng budu! Kaitn udah dikotumbuki ulih ajaran urakng bukai! Sobondarnyo aku udah kalo monorakan agatn kotakan jolas mongona'i komatian Yesus Kristus di kayu salib.

Roma 1:1

Surat ni'in doi' aku, Paulus, urakng inyo molayati Kristus Yesus. Aku ditingkau pakai' monjadi rasul, huatan dihususan pakai' momboritoan Kabar Boi' doi' Allah.

Galatia 6:10

Obai nantai, huncapm kito bulah koboi'an sotiap kali ado kosompatan. Huncapm kito bulah koboi'an ko somuo urakng, hususnyo ko sosamo urakng inyo pocayo agatn Yesus.

Ibrani 3:6

Apo Kristus sotia sobagai Ana' inyo bokuaso agatn rumah Allah, ia'an kito. Kito ia'an rumah-Nyo aman kito totap kuat pocayo ko Yesus huatan yakitn moharap'an agatn somuo hal inyo paca'an dionju' Sio ko kito nononyo. Somuo hal nantai mombulah hati kito rindakng.

1 Petrus 2:5

Kaitn pan samo sama'an boko batu inyo hidup, ia'an boko batu inyo digunoan pakai' bulah Rumah Allah inyo Rohani. Sio momilih kaitn pakai' monjadi samo sama'an boko imam inyo husus pakai' molayati Sio. Jadi, kaitn gola' mombaba' boko poonju' pakai' monyombah Allah, ia'an boko posombahan rohani inyo monyonangan hati Allah obai Yesus Kristus.