1 Petrus 4:15 - Porjanjian Boharu Torjomahan Baso Dilakng Soari-ari

¹⁵ Jangannam ado di antaro kaitn inyo gola' mondorita' obai kaitn mombunuh urakng bukai, mongolit, bulah kojahatan damo bulah korusuhan.

1 Petrus 4:15 ပူးပေါင်းရင်းမြစ်များ

Matius 5:11

Diborokaticam urakng inyo dihanyam, didorako'i, dituduhan inyo jahat obai kaitn pocayo ko Aku.

1 Tesalonika 4:11

Koi udah kalo momadahi kaitn mongona'i boko hal ni'in, apo ni'in koi moingant'an kaitn agi'. Bousahacam hidup damai agatn urakng bukai. Jangan sonjumpat'an urusan urakng bukai apo urus ja'am diri kaitn siku'. Rajitncam bokorojo pakai' momonuhi kopontikan kaitn masikng-masikng.

2 Tesalonika 3:11

Koi mongatoan somuo ni'in obai koi mondinga' ado urakng pocayo inyo pocalan. Sia' co honda' bogota'-bokorojo. Sia' bayo sibuk sonjumpat'an urusan urakng bukai.

1 Timotius 5:13

Solaitn nantai, boko botina' balu inyo ija' muda' biasonyo monjadi losa' bogota'-bokorojo. Sia' mombuakng-buakng watu koluar mansu' rumah boko urakng. Apotolagi', sia' gala' bocacai tumbukng. Sia' gala' sonjumpat'an urusan urakng bukai. Sia' bopandir boko hal sama'an nantai soharusnyo inyo kinyo boi' pakai' di kisahan.

2 Timotius 2:9

Obai aku momboritoan Kabar Boi' nantai, aku ajab sonsaro, malahan aku ditahatn agatn rantai dalapm ponjara ubonyo aku sama'an ponjahat. Apo pomboritoan pomandiran Allah kinyo totongga'an.

1 Petrus 3:14

Apo, mungkitn tajahan ado boko urakng inyo monyakiti kaitn obai kaitn bulah kobondaran di hadapan Allah. Aman ubo nian, kaitn tajahan diborokati. Jadi, jangan gola' agatn sia'. Jangan kuatir,

1 Petrus 3:17

Lobih boi' kaitn mondorita' obai bulah koboi'an, aman nantai kohonda' Allah, daripado kaitn mondorita' obai bulah kojahatan.