1 Petrus 4:14 - Porjanjian Boharu Torjomahan Baso Dilakng Soari-ari

¹⁴ Sonangcam kaitn aman urakng bukai momojah kaitn obai damo Kristus. Obai, nantai rotinyo Roh inyo bokuaso ado di kaitn, ia'an Roh Allah.

1 Petrus 4:14 ပူးပေါင်းရင်းမြစ်များ

Matius 5:11

Diborokaticam urakng inyo dihanyam, didorako'i, dituduhan inyo jahat obai kaitn pocayo ko Aku.

Matius 5:16

Porbuatan boi' kaitn samo sama'an torakng. Jadi, kaitn gola' bulah koboi'an di hadapan urakng oca' sia' ulih moniant nantai. Lalu sia' paca'an momuji Allah Bopai kaitn di sorugo.”

Lukas 6:22

Diborokati kaitn inyo dibonci', ditula', dihanyam, ditunju' jahat obai Ana' Monsio.

Yohanes 15:21

Ado inyo paca'an mondorako'i kaitn obai kaitn ni'inan murid-Ku, obai sia' co mongonal Bopai inyo moutus Aku.

Yohanes 8:48

Boko pomimpitn agama Yahudi monimbas Yesus, “Pasti bondaram, aman koi mongatoan obai Duatn ninam urakng Samaria huatannyo korasu'an sitatn!”

Yohanes 9:28

Jadi sia' mohayam io. Kato sia', “Kolai nam murid Urakng nantai, apo koi ni'in boko murid Musa.

Yohanes 9:34

Timbas sia', “Kolai udah bodosa doi' kolai lahir! Apo kolai honda' mongajar koi?” Lalu, sia' mousir io koluar.

Kisah Boko Rasul 13:45

Apo watu boko urakng Yahudi moniant urakng banya' nantai, sia' monjadi kotakan tungi. Sia' mohayam Paulus. Sia' jam monikaki la'apo inyo diajarannyo.

Kisah Boko Rasul 18:6

Apo boko urakng Yahudi nantai molawatn huatan mohayam Paulus. Jadi, io mongibasan dobu doi' pakai'annyo pakai' tando poringant'an. Kato Paulus ko sia', “Aku udah botanggukng jawab momboritoan Kabar Boi' ko kaitn somuo. Apo kaitn totap co pocayo agatn Yesus. Nononyo aman kaitn dihukupm Allah, nantai kosalahan kaitn siku'. Aku co botanggukng jawab agi'. Jadi, mula'i watu ni'in, aku paca'an botula' momboritoan Kabar Boi' ko boko banso inyo bukainyo banso Yahudi.”

Kisah Boko Rasul 28:22

Apo koi kalo mondinga' mongona'i kopocaya'an inyo kolai jumpati nantai. Banya' urakng di mono-mono bopandir molawatn kopocaya'an nantai. Jadi, koi honda' mondinga' lansukng doi' kolai mongona'i kopocaya'an kolai nantai.”

Kisah Boko Rasul 5:41

Boko rasul nantai botula' doi' santai tomaho rindakng, obai Allah moanggap sia' cucu' moalapi ajab sonsaro samo sama'an Yesus. Nanam caro Allah morogo'i sia'.

2 Korintus 12:10

Obai nantai am, aku sonang mohadapi bomacapm kosusahan pakai' molayati Kristus. Aku sonang aman aku lomah, aman aku dihanyam, aman aku mohadapi mosalah, aman aku disiksa, aman aku mondorita'. Obai, timpu aku lomah, watu nianam aku kuat.

2 Korintus 4:10

Somanah koi hidup, koi hala diancapm mati obai koi molayati Yesus. Samo sama'an koi hala mombaba' komatian Yesus di dalapm bukakng-tubuh koi. Apo koi molabuhan nantai oca' kohidupan Yesus ulih di tiat di dalapm diri koi. Ia'an di dalapm bukakng-tubuh koi inyo paca'an mati.

2 Korintus 4:16

Nantaiam sobabnyo koi co putus asa. Biar pan bukakng-tubuh koi cocat tuho goluam, apo hati koi doi' ari ko ari diboharu'i.

Galatia 1:24

Jadi, sia' momuji Allah obai Allah udah morubah caro hidupku.

Ibrani 11:26

Io bopikir mongona'i upah inyo dionju' Allah nononyo. Obai nantai, io mooso aman io dihanyam demi Rajo Inyo Dijanjian Allah, hal nantai lobih borogo daripado somuo kodampuan di nogori Mesir inyo ulih monjadi umputn io.

Yakobus 1:12

Allah momborokati urakng inyo botahatn mohadapi poncoba'an. Aman io botahatn, lalu Allah paca'an moonji'i io kohidupan somanah-manahnyo di sorugo. Nianam upah inyo Allah udah janjian ko somuo urakng inyo mongasihi Sio.

Yakobus 5:11

Porotian bo ni'in: Boko urakng inyo totap kuat mohadapi pondorita'an, sia' nam inyo kito anggap bobondar sonang. Ingantcam mongona'i Ayub. Sio botahatn mohadapi pondorita'an. Ahirnyo, Tuhatn momborokati Ayub. Jadi, kito tohu obai Tuhatn boi' hati huatan monunju'an kasih-Nyo ko kito.

1 Petrus 2:12

Kaitn gola' hidup agatn caro inyo boi' di antaro boko urakng inyo bolupm mongonal Allah. Agatn ubo nantai, biar pan sia' mongatoan kaitn jahat, sia' tajahan moniant porbuatan kaitn inyo boi'. Akibatnyo, sia' pan tajahan momuliaan Allah watu Sio datakng nononyo.

1 Petrus 3:14

Apo, mungkitn tajahan ado boko urakng inyo monyakiti kaitn obai kaitn bulah kobondaran di hadapan Allah. Aman ubo nian, kaitn tajahan diborokati. Jadi, jangan gola' agatn sia'. Jangan kuatir,

1 Petrus 3:16

Apo, timbas cam sia' agatn hormat, lomah-lombut, tulus hati di hadapan Allah. Kaitn gola' molabuhan nantai oca' watu boko urakng monjahai'an mongona'i porbuatan boi' kaitn dalapm Kristus, jadi sia' tajahan komaluan.

1 Petrus 4:16

Apo, aman kaitn mondorita' obai kaitn urakng Kristen, jangan kaitn malu mongona'i nantai apo momuliaan Allah ja'am.

2 Petrus 2:2

Banya' urakng paca'an monumpakng caro hidup sia' inyo dikuaso'i hawa napsu inyo jahat. Obai sia' molabuhan nantai, jadi urakng bukai paca'an mohayam Jalatn Kristus Inyo Bondar.