1 Petrus 3:8 - Porjanjian Boharu Torjomahan Baso Dilakng Soari-ari

⁸ Kosimpulannyo, kaitn somuo gola' bosatu dalapm hati huatan pikiran, hala mohibur inyo bukai, hala mongasihi agatn boi' hati ko boko somadikan kaitn inyo bukai, huatan jangan buhau.

1 Petrus 3:8 ပူးပေါင်းရင်းမြစ်များ

Matius 18:33

Jadi kohonda'nyo kolaipan monunju'an oso salu' ko kawal kolai, samo sama'an aku udah monunju'annyo ko kolai!’

Lukas 10:33

Apo lopas nantai ado siku' urakng Samaria inyo tongahan bopojalatan, molalu'i jalatn nantai jam. Watu ditiatnyo urakng nantai, io kotakng kasih.

Kisah Boko Rasul 2:1

Watu Ari Pentakosta, somuo urakng inyo pocayo agatn Yesus bokumpul. Sia' bokumpul di sobuah rumah.

Kisah Boko Rasul 27:3

Kohobu'annyo, koi tuntukng di Sidon. Yulius komandatn pasukan nantai boi' hati agatn Paulus. Io moijitan Paulus turutn pakai' monjongu' boko kawalnyo di Sidon. Sia' ulih moonji'i la'apo inyo io pontikan.

Kisah Boko Rasul 28:7

Kinyo jouh doi' tompat nantai, ado tanah umputn Publius. Io nantai gubernur pulau nantai. Io monorima' koi agatn boi'. Koi monoluntukng di rumahnyo somanah tigo ari.

Kisah Boko Rasul 4:32

Agatn kuaso inyo luar biaso, boko rasul hala momboritoan mongona'i Tuhatn Yesus udah hidup agi' doi' komatian. Allah kotakan monunju'an kasih-Nyo ko somuo urakng inyo pocayo nantai. Sia' hala sohati sopikiran. Co nyiant doi' sia' inyo moanggap kodampuannyo nantai umputn io siku'. Somuo inyo umputn sia' digunoan pakai' kopontikan bosamo.

Roma 12:10

Kaitn gola' hala mongasihi ubo koluarga ongko gola' hala ndoholuan morogo'i siku'-monyiku'.

Roma 15:5

Sio nam Allah inyo monguat'an hati kito ongko bulah kito botahatn mohadapi ajab sonsaro. Aku bodoa oca' Sio bulah kaitn hidup dalapm kosatuan sosuai agatn kohonda' Kristus Yesus.

1 Korintus 1:10

Boko somadikan, agatn kuaso Tuhatn kito, Yesus Kristus, aku monosihat'i oca' kaitn bosatu hati. Jangan kaitn bosongkayo monjadi bomacapm kolompok. Apo kohonda'nyo kaitn somombondarannyo bosatu dalapm porasa'an huatan pikiran kaitn.

1 Korintus 12:26

Aman sobuti' bukakng-tubuh kompodihan, ongko somuo boko bagian bukakng-tubuh inyo bukai kompodihan jam. Aman sobuti' bagian bukakng-tubuh dihormati, ongko somuo bagian bukakng-tubuh inyo bukai sonang-nyaman jam.

Efesus 4:2

Ia'an, kaitn gola' hala rondah hati, lomah-lombut huatan sabar. Tunju'an kasih kolai agatn caro hala tulukng-monulukng.

Efesus 4:31

Jangan agi' sakit hati, somu, godi. Jangan boporap damo mohayam urakng bukai. Jangan bulah somuo macapm kojahatan sama'an nantai.

Efesus 4:32

Apo kaitn gola' boi' hati huatan monunju'an bolas-kasihan. Kaitn gola' moamputi urakng bukai samo sama'an Allah moamputi kaitn molalu'i Kristus.

Filipi 2:3

Jangan buhau ongko bogoyap pujian sia-sia. Apo, rondahancam hati kaitn. Anggap ja' urakng bukai lobih pontikng doi' kolai siku'.

Filipi 3:16

Apo, inyo pontikng kito totap hidup agatn caro watu ni'in inyo udah Allah tunju'an ko kito.

Kolose 3:12

Obai nantai, hidupcam agatn caro inyo boharu. Kaitn nantai boko urakng inyo dipilih Allah, pakai' umputn Sio inyo husus huatan dikasihi-Nyo. Jadi, jadicam urakng inyo mongasihi, boi' hati, rondah hati, lomah-lombut, huatan sabar.

Ibrani 13:1

Kaitn gola' totap hala mongasihi sobagai boko urakng inyo bosomadikan dalapm Tuhatn.

Yakobus 2:13

Watu ari ponghakipan Allah co paca'an monunju'an koboi'an ko urakng inyo co monunju'an koboi'an. Apo, boko urakng inyo monunju'an koboi'an, sia' co gola' dihukupm.

Yakobus 3:17

Apo boko urakng inyo ado hikmat doi' Allah, caro hidup sia' sama'an ni'in: Inyo palikng pontikng sia' hidup agatn caro inyo borosih. Sia' gala' agatn podamaian. Sia' lomah-lombut huatan hatinyo tobuka' pakai' monuruti kohonda' urakng bukai. Sia' monunju'an kasih sayangnyo ko urakng bukai huatan hala bulah koboi'an. Sia' co momihak ko boko urakng totontu, apo hala botorus torakng.

Yakobus 5:11

Porotian bo ni'in: Boko urakng inyo totap kuat mohadapi pondorita'an, sia' nam inyo kito anggap bobondar sonang. Ingantcam mongona'i Ayub. Sio botahatn mohadapi pondorita'an. Ahirnyo, Tuhatn momborokati Ayub. Jadi, kito tohu obai Tuhatn boi' hati huatan monunju'an kasih-Nyo ko kito.

1 Petrus 1:22

Obai kaitn monaati kobondaran, kaitn udah monjadi suci di hadapan Allah. Jadi, kaitn dapat mongasihi somadikan kaitn inyo sosamo pocayo, agatn hati tulus. Obai nantai, kaitn gola' bobondar hala mongasihi agatn soponuh hati.

1 Petrus 2:17

Hormati cam somuo urakng, kasihi cam boko somadikan kaitn inyo sosamo pocayo, gola' cam agatn Allah, ongko hormati jam rajo.

1 Petrus 5:5

Ubo nian jam, kaitn inyo muda': Kaitn gola' tundu' ko boko urakng inyo lobih tuho. Kaitn somuo gola' rondah hati hala molayati inyo bukai. Obai, pomandiran ni'in udah totulis di Buku Suci: “Allah molawatn urakng inyo buhau. Apo Sio monunju'an koboi'an-Nyo ko urakng inyo boi' hati.”

2 Petrus 1:7

Lopas nantai pan, kaitn gola' mongasihi boko somadikan kaitn bukai inyo pocayo. Kotakan toahir, kaitn gola' mongasihi somuo urakng.

1 Yohanes 3:14

Apo kito mongasihi somadikan kito. Obai nantai, kito tohu obai kito kinyo dikuaso'i komatian agi', apo kito udah borubah. Kito mondapat'an hidup inyo sobondarnyo. Urakng inyo co mongasihi, rotinyo io ija' dikuaso'i komatian.