1 Petrus 3:4 - Porjanjian Boharu Torjomahan Baso Dilakng Soari-ari

⁴ Apo, bousaha pulah diri kaitn lobih boi' di dalapm hati, samo agatn hidup inyo lomah-lombut huatan tenang. Pomboi' ubo nian tahatn sampai somanahnyo huatan kotakng borogo di mato Allah.

1 Petrus 3:4 ပူးပေါင်းရင်းမြစ်များ

Kolose 3:12

Obai nantai, hidupcam agatn caro inyo boharu. Kaitn nantai boko urakng inyo dipilih Allah, pakai' umputn Sio inyo husus huatan dikasihi-Nyo. Jadi, jadicam urakng inyo mongasihi, boi' hati, rondah hati, lomah-lombut, huatan sabar.

Roma 2:29

Sobali'nyo, urakng inyo bondar-bondar Yahudi ia'an urakng inyo hatinyo bojiwa Yahudi; huatan urakng inyo bondar-bondar disunant ia'an sunant di hati inyo dikorojoan ulih Roh Allah, bukainyo ditulis dalapm buku. Urakng sama'an nian monorima' pujian doi' Allah, bukainyo doi' monsio.

Matius 11:29

Tuyut'i cam porintah-Ku. Bolajarcam doi' Aku, obai Aku lomah-lombut huatan rondah hati. Aman kaitn molabuhan nantai, ongko jiwa kaitn paca'an mooso sonang.

Titus 3:2

Ingant'ancam ko sia' oca' jangan monjahai'an damo urakng bukai huatan jangan botikakng. Apo sia' gola' bondar-bondar coraca'an ongko lomah-lombut agatn somuo urakng, tomansu' agatn boko urakng inyo bolupm pocayo ko Yesus.

Matius 23:26

Uai urakng Farisi inyo buto! Borosihicam, di luar huatan di dalapm hati kaitn.

Roma 7:22

Dalapm diriku, aku honda' somuo porintah huatan poraturan Allah dalapm Hukupm Torat.

2 Korintus 4:16

Nantaiam sobabnyo koi co putus asa. Biar pan bukakng-tubuh koi cocat tuho goluam, apo hati koi doi' ari ko ari diboharu'i.

1 Tesalonika 4:11

Koi udah kalo momadahi kaitn mongona'i boko hal ni'in, apo ni'in koi moingant'an kaitn agi'. Bousahacam hidup damai agatn urakng bukai. Jangan sonjumpat'an urusan urakng bukai apo urus ja'am diri kaitn siku'. Rajitncam bokorojo pakai' momonuhi kopontikan kaitn masikng-masikng.

Efesus 4:2

Ia'an, kaitn gola' hala rondah hati, lomah-lombut huatan sabar. Tunju'an kasih kolai agatn caro hala tulukng-monulukng.

1 Petrus 3:15

Apo dalapm hati kaitn hormaticam Kristus sobagai Tuhatn inyo bokuaso pakai' kaitn. Kaitn gola' hala siap monjolasan alasan kaitn boharap ko Kristus. Kaitn gola' monjolasan nantai ko sotiap urakng inyo botakutn mongona'i hal nantai.

1 Timotius 2:2

tomansu' boko rajo huatan somuo pomimpitn. Bodoacam oca' timpu kito hidup taat ko Allah huatan bulah koboi'an ko somuo urakng, kito ulih hidup agatn tenang huatan sonang-asau.

Lukas 11:40

Kaitn budu! Allah inyo bulah tobi' luar, pasti bulah bagian dalapmnyo jam.

Yakobus 1:21

Jadi, kaitn gola' botongga' molabuhan boko hal inyo kotor huatan jahat. Lopas nian, jangan buhau. Apo torima'cam Pomandiran Allah agatn rondah hati. Allah udah monyimpatn Pomandiran-Nyo dalapm hati kaitn. Pomandiran-Nyo nantai ado kuaso pakai' monyolamant'an hidup kaitn.

2 Timotius 2:25

Io gola' onsi' mongajar boko urakng inyo gala' molawatn. Sopo tohu Allah moonji'i kosompatan ko boko urakng inyo gala' molawatn nantai pakai' botongga' bulah dosa huatan tohu mongonal ajaran inyo bondar.

2 Tesalonika 3:12

Obai koi ado hak doi' Tuhatn Yesus Kristus, koi monyiuh huatan moonji'i poringant'an ni'in ko sia': Hidupcam agatn caro inyo boi'. Bokorojocam pakai' momonuhi kopontikan hidup siku'.

Matius 5:5

Diborokaticam urakng inyo rondah hati, obai sia' paca'an mowarisi bumi.

Roma 6:6

Kito tohu obai caro hidup kito inyo manah udah mati samo sama'an dibunuh di kayu salib bosamo Kristus. Nantai tojadi oca' kuaso dosa dalapm diri kito ulih dihancuran. Agatn sama'an nian, kito kinyo agi' monjadi hulutn dosa.

Lukas 16:15

Apo Yesus bopandir ko sia', “Kaitn bousaha oca' di hadapan urakng bukai kaitn kotiat'annyo boi' huatan hala bondar. Apo Allah tohu isi hati kaitn inyo sobondarnyo jahat. Banyaꞌ hal inyo dirogo'i ulih monsio, kinyo dirogo'i ulih Allah.

1 Petrus 1:23

Obai, kaitn dionji'i kohidupan boharu ibaratnyo kaitn lahir agi'. Kaitn dilahiran agi' bukainyo obai monsio inyo ulih mati apo obai kaitn pocayo agatn Pomandiran Allah mongona'i Kristus. Pomandiran Allah nantai hidup ongko botahatn sampai somanah-manahnyo.

Kolose 3:3

Obai, caro hidup kaitn inyo manah nantai udah mati. Kaitn dionji'i hidup inyo boharu. Kristus ia'an puku' hidup kaitn nantai. Ni'in, hidup kaitn nantai tobumbutn bosamo Kristus di dalapm Allah. Apo, watu Kristus bobali' agi' ko dunia ni'in, urakng bukai paca'an moniant hidup kaitn bosamo Sio dalapm komulia'an.

Galatia 5:23

onsi' ngoroti, monguaso'i diri. Co nyiant poraturan mono pan inyo morarakng urakng honda' hidup sama'an nantai!

2 Korintus 10:1

Aku ninam, Paulus, udah tohu obai ado boboropo urakng di antaro kaitn inyo bopandir bunyi ni'in: “Timpu Paulus ado bosamo agatn kito, io sabar. Io borani monogur kito bayo agatn surat timpu io jouh doi' kito.” Jadi, ni'in, aku muhun ko kaitn agatn sabar samo sama'an Kristus jam sabar ongko boi' hati.

Matius 21:5

“Padahan ko boko pondudu' di kota Yerusalem, ‘Porotiancam, Rajo kaitn tongahan datakng ko kaitn! Sio lomah-lombut. Sio monunggakng koledai botina', ongko siku' ana' koledai inyo muda'.’ ”

Roma 1:23

Sia' kinyo monyombah Allah inyo hidup kokal, apo monyombah boko lompatukng inyo dipulah dalapm bontu' mahluk inyo ulih mati, sama'an monsio, burukng, bonatakng inyo bokaki ompat, huatan bonatakng inyo morayap.