1 Petrus 3:19 - Porjanjian Boharu Torjomahan Baso Dilakng Soari-ari

¹⁹ Ongko dalapm koadaan Roh nantai pan, Sio labuh momboritoan kabar doi' Allah ko boko roh inyo di ponjara'an.

1 Petrus 3:19 ပူးပေါင်းရင်းမြစ်များ

1 Petrus 4:6

Nantaiam sobabnyo Kabar Boi' udah diboritoan jam ko boko urakng mati. Ia'an, oca' sia' dihakipi dalapm bukakng-tubuh samo sama'an somuo monsio. Apo oca' Roh Allah dapat mohidupi sia' jam monuruti kohonda' Allah.

Wahyu 20:7

Lopas masa soribu tohutn nian udah habis, Rajo Sitatn paca'an dilopasan doi' ponjaranyo.

Wahyu 19:10

Aku lansukng tokorobah tokosungkapm di pohadapan kaki io pakai' monyombah io. Apo io bopandir ko aku, “Jangan monyombah aku! Aku bayo hulutn inyo molayati Allah, samo sama'an kolai huatan boko somadikan kolai, ia'an boko urakng inyo pocayo ko somuo inyo Yesus ajaran. Sombah Allah aja'am. Obai somuo inyo Yesus ajaran nianam pomandiran doi' Roh Allah.”

1 Petrus 3:18

Obai, Kristus udah mati sokali pakai' somuo dosa kito. Sio kinyo bodosa, apo Sio mati pakai' boko urakng inyo bodosa oca' Sio mombimbikng kito ko Allah. Sio inyo udah dibunuh dalapm koadaan-Nyo sobagai monsio, apo Roh Allah mombulah Sio hidup agi'.

1 Petrus 3:20

Ia'an nantai, boko roh doi' boko urakng watu joman Nuh inyo mati molalu'i pasakng obai sia' kinyo taat ko Allah. Allah sabar agatn sia' somanah Nuh mombulah kapal bosarnyo nantai. Apo bayo boboropo urakng mo disolamant'an, ia'an nantai dolapatn urakng. Sia' disolamant'an molalu'i ara'i nantai.