1 Petrus 3:15 - Porjanjian Boharu Torjomahan Baso Dilakng Soari-ari

¹⁵ Apo dalapm hati kaitn hormaticam Kristus sobagai Tuhatn inyo bokuaso pakai' kaitn. Kaitn gola' hala siap monjolasan alasan kaitn boharap ko Kristus. Kaitn gola' monjolasan nantai ko sotiap urakng inyo botakutn mongona'i hal nantai.

1 Petrus 3:15 ပူးပေါင်းရင်းမြစ်များ

Kolose 4:6

Bopandircam agatn ramah huatan co tohu suah. Agatn ubo nian, aman ado urakng inyo monakutan sosuatu mongona'i boko hal inyo kito pocayo, ongko kaitn paca'an tohu caronyo pakai' monimbasinyo.

1 Petrus 3:2

Sia' dapat pocayo aman sia' moniant porbuatan kaitn inyo tulus huatan kaitn mohormati sia'.

Kolose 1:27

Allah honda' momadahan ko sia' obai roncana-Nyo kotakan boi' pakai' boko banso inyo bukainyo banso Yahudi. Ni'innam roncana-Nyo: Kristus ulih hidup di dalapm diri kaitn urakng inyo bukainyo urakng Yahudi. Rotinyo, kaitn ulih yakitn moharap'an obai kaitn paca'an monorima' kohormatan doi' Allah.

Ibrani 6:1

Obai nantai, mara am kito maju agatn boko ajaran mongona'i Sio inyo mombulah kito lobih botumbuh monjadi dewasa dalapm Kristus. Jangannam kito moulaki agi' boko ajaran dasar, ia'an ajaran obai urakng gola' botongga' molabuhan boko hal inyo pocumo huatan pocayo cam ko Allah,

Kolose 1:5

Kaitn pocayo huatan mongasihi obai kaitn yakitn moharap'an somuo inyo disodiaan pakai' kaitn di sorugo. Kaitn udah mondinga' mongona'i nantai dalapm Kabar Boi' inyo bondar

Kolose 1:23

Nantai paca'an tojadi aman kaitn totap pocayo ko Yesus agatn kuat. Jangan sampai kaitn tongga' pocayo. Kaitn gola' sotia huatan yakitn moharap'an obai Allah momonuhi somuo inyo Sio janjian dalapm Kabar Boi'. Memang kaitn udah mondinga' Kabar Boi' nantai. Kabar Boi' nantai udah diboritoan ko boko urakng di mono-mono. Aku ni'in, Paulus, udah monjadi polayatn inyo momboritoan Kabar Boi' nantai.

Ibrani 3:6

Apo Kristus sotia sobagai Ana' inyo bokuaso agatn rumah Allah, ia'an kito. Kito ia'an rumah-Nyo aman kito totap kuat pocayo ko Yesus huatan yakitn moharap'an agatn somuo hal inyo paca'an dionju' Sio ko kito nononyo. Somuo hal nantai mombulah hati kito rindakng.

1 Petrus 3:4

Apo, bousaha pulah diri kaitn lobih boi' di dalapm hati, samo agatn hidup inyo lomah-lombut huatan tenang. Pomboi' ubo nian tahatn sampai somanahnyo huatan kotakng borogo di mato Allah.

1 Petrus 1:17

Allah mohakipi somuo urakng sosuai agatn porbuatan sia' siku'-monyiku'. Sio kinyo momihak boko urakng totontu. Jadi, aman kaitn monyobut Sionam Bopai kaitn, jadi kaitn gola' hidup mohormati Sio, somanah kaitn monumpakng sobagai urakng asikng di dunia ni'in.

Kisah Boko Rasul 24:25

Paulus pan monjolasan mongona'i boko hal ni'in: Urakng inyo pocayo gola' molabuhan porbuatan inyo bondar di hadapan Allah. Urakng inyo pocayo pan gola' mongondalian diri. Paulus pan monjolasan obai suatu ari nononyo somuo urakng paca'an dihakipi. Watu Feliks mondinga' mongona'i caro hidup sama'an nantai, io kotakan gola' bondar. Ongko io bopandir, “Jadiam! Botula' cam. Nononyo aman ado watu, aku moningkau kolai agi'.”

Kisah Boko Rasul 21:39

Paulus bopandir, “Aku ni'in bukainyo pomborontak nantai. Aku ni'in urakng Yahudi. Aku boasal doi' Tarsus, kota inyo pontikng di propinsi Kilikia. Aku ni'in warga doi' kota nantai. Jadi, ulih cado aku bopandir ko urakng banya' ni'in?”