1 Petrus 3:13 - Porjanjian Boharu Torjomahan Baso Dilakng Soari-ari

¹³ Aman kaitn rajitn bulah koboi'an, co nyiant ado urakng inyo tajahan monyakiti kaitn!

1 Petrus 3:13 ပူးပေါင်းရင်းမြစ်များ

Roma 13:3

Apo, urakng inyo bulah koboi'an jangan gola'am dihukupm pomorintah. Bayo urakng inyo bulah kojahatan harus gola'. Kata'an kolai honda' hidup co gola' agatn pomorintah bai? Bulah koboi'an, lalu pomorintah tajahan momuji kolai.

Roma 8:28

Kito tohu obai Allah moatur somuo la'apo pan inyo tojadi oca' ado hasil inyo boi' pakai' kito inyo mongasihi Sio, ia'an kito inyo Sio tingkau pakai' monjadi poana'an-Nyo obai nantai roncana-Nyo.

1 Korintus 14:1

Bousahacam agatn somombondarannyo pakai' salikng mongasihi. Somombondarannyo jam honda' mondapat'an boko komampuan husus doi' Roh Allah, hususnyo komampuan pakai' monyampaian boko posatn-pontal doi' Allah.

Efesus 5:1

Obai nantai, boko somadikan, sobagai poana'an Allah inyo dikasihi-Nyo, kaitn gola' moikuti toladatn Allah.

1 Tesalonika 5:15

Poniant'an oca' co nyiant di antaro kaitn inyo mombalas kojahatan agatn kojahatan. Sobali'nyo bousaha pakai' hala bulah koboi'an ko boko somadikan kaitn huatan ko somuo urakng.

1 Timotius 5:10

Botina' balu nantai gola' dikonal sobagai urakng inyo hala bulah koboi'an. Contohnyo: io mombosaran poana'annyo agatn caro boi', io gola' agatn coraca'an bosodia moonji'i koluntukan, io gola' rondah hati molayati boko urakng pocayo huatan mombasu'i kaki sia', io gala' monulukng urakng inyo moalapi kosusahan. Io gola' moutamoan boko porbuatan boi' sama'an nantai dalapm kohidupannyo.

Titus 2:14

Yesus monyorahan diri sampai mati. Agatn caro nantai, Sio mombebasan kito doi' boko kojahatan. Sio jam bulah kito borosih doi' boko dosa kito oca' kito monjadi boko urakng umputn Sio siku', ia'an boko urakng inyo bondar-bondar totap hala bulah koboi'an.

3 Yohanes 1:11

Somadikanku inyo tokasih, jangannam monumpakng boko hal inyo jahat. Tumpakngcam inyo boi'. Urakng inyo bulah koboi'an, io boasal doi' Allah. Apo urakng inyo bulah kojahatan, io co kalo mongonal Allah.