1 Petrus 3:11 - Porjanjian Boharu Torjomahan Baso Dilakng Soari-ari

¹¹ Sia' gola' botongga' bulah kojahatan, lalu bulah koboi'an. Sia' gola' bousaha bobondar pakai' hidup damai agatn urakng bukai.

1 Petrus 3:11 ပူးပေါင်းရင်းမြစ်များ

Matius 5:9

Diborokaticam urakng inyo mombaba' damai, obai Allah paca'an monyobut sia' boko poana'an-Nyo.

Ibrani 12:14

Bousahacam hidup damai agatn somuo urakng. Bousaha jam hidup borosih doi' dosa. Obai, urakng inyo kinyo borosih doi' dosa, kinyo tajahan ulih moniant Tuhatn.

Roma 14:19

Obai nantai, kito gola' bousaha oca' porbuatan kito mombulah somuo kito hidup agatn damai. Kito gola' bousaha monulukng urakng bukai pakai' lobih kuat pocayo ko Yesus.

Kolose 3:15

Kaitn samo sama'an sobukakng-sotubuh. Allah moningkau kaitn pakai' hidup dalapm sonang-asau agatn inyo bukai. Obai nantai, kohonda'nyo sonang-asau doi' Kristus monguaso'i hati kaitn. Bukai doi' nantai, bosukurcam ko Allah.

Roma 14:17

Obai, Koraja'an Allah bukainyo soal poraturan pomakatn ongko minuman, apo soal hidup inyo bondar, hidup agatn damai, ongko hidup agatn sonang-nyamanam. Somuo nantai doi' Roh Allah.

Roma 12:18

Sodapat-dapatnyo aman nantai bogantukng doi' diri kolai siku' bousahacam pakai' hidup damai agatn somuo urakng.

3 Yohanes 1:11

Somadikanku inyo tokasih, jangannam monumpakng boko hal inyo jahat. Tumpakngcam inyo boi'. Urakng inyo bulah koboi'an, io boasal doi' Allah. Apo urakng inyo bulah kojahatan, io co kalo mongonal Allah.

Yakobus 4:17

Kaitn udah mongotohu'i la'apo inyo boi'. Jadi, urakng inyo udah mongotohu'i nantai, apo co molabuhannyo, urakng ubo nian bodosa.

Ibrani 13:16

Jangan kolupatn bulah koboi'an ongko monulukng urakng bukai, obai boko hal nantai samo sama'an kurbatn posombahan jam inyo monyonangan hati Allah.

1 Timotius 6:18

Poringant'ancam sia' oca' sia' bulah koboi'an. Sia' gola' banya' molabuhan porbuatan boi'. Sia' gola' onsi' agatn urakng, hala bobagi doi' kodampuan sia' pakai' monulukng urakng bukai.

Galatia 6:10

Obai nantai, huncapm kito bulah koboi'an sotiap kali ado kosompatan. Huncapm kito bulah koboi'an ko somuo urakng, hususnyo ko sosamo urakng inyo pocayo agatn Yesus.

Galatia 5:22

Apo aman kaitn hidup sosuai agatn kohonda' Roh Allah, ia'an: hala mongasihi, rindakng-rigah, hidup sonang dalapm hati, sabar, gala' monulukng, gala' bulah koboi'an, sotia,

Roma 8:6

Boko urakng inyo monuruti kohonda' Roh Allah hidup agatn sonang-nyamanam doi' Allah ongko mondapat'an kohidupan inyo bondar. Apo boko urakng inyo monuruti kohonda' monsio, hidup jouh doi' Allah. Sia' mondapat'an hukupan mati somanah-manahnyo

Roma 7:21

Kosimpulannyo, ado kobiasa'an ni'in inyo tojadi dalapm hidupku: Aku honda' bulah koboi'an, apo justru kojahatan inyo aku pulah.

Roma 5:1

Watu ni'in, kito udah monjadi bondar obai kito pocayo ko Yesus. Jadi, kito ado damai agatn Allah. Nantai tojadi obai apo inyo Tuhatn Yesus Kristus labuhan pakai' kito.

Yohanes 17:15

Aku co minto oca' Duatn monguti' sia' doi' dunia ni'in, apo oca' Duatn molinduki sia' doi' inyo jahat, ia'an Rajo Sitatn.

Matius 6:13

Jangan mombaba' koi ko dalapm poncoba'an apo lopasan koi doi' kuaso jahat. Obai Duatn inyo umputn koraja'an, kuaso agatn komulia'an sampai somanah-manahnyo. Amin’.

Matius 5:45

Obai, Allah Bopai kaitn di sorugo monunju'an kasih-Nyo ko somuo urakng. Sio monumbuhan matoari pakai' urakng inyo jahat huatan urakng inyo boi'. Sio bulah hujatn turutn pakai' urakng inyo hidup bondar huatan urakng inyo hidup kinyo bondar di hadapan-Nyo. Jadi, aman kaitn botindak sama'an Sio, kaitn paca'an monjadi boko poana'an-Nyo.

Roma 7:19

Jadi, aku kinyo molabuhan boko porbuatan boi' inyo aku honda' labuhan. Sobali'nyo, aku molabuhan boko porbuatan jahat inyo aku kinyo honda' labuhan.

Lukas 6:35

Jadi kaitn sobondarnyo gola' mongasihi musuh. Huatan bulah koboi'an agatn sia'. Jadi pinjapan ko sia' apo co momikiran pomulakannyo. Aman kaitn udah molabuhan ubo nian, kaitn tajahan mondapat upah, inyo bosar ongko monjadi Ana' Allah Inyo Maho Tinggi. Obai Sio totap mongasihi urakng inyo kinyo tohu agatn botorima' kasih, samaꞌan nian jam agatn urakng jahat.

Lukas 6:9

Yesus bopandir agatn sia' nantai, “Aku honda' botakutn ko kaitn: La'apo inyo ulih kito korojoan timpu Ari Sabat? Bulah koboi'an ai kata'an bulah kojahatan. Monyolamant'an urakng kata'an mombonasoannyo?”

Markus 14:7

Aman kaitn honda', kaitn hala ado mo kosompatan pakai' monulukng boko urakng jaro obai sia' hala bosamo agatn kaitn. Apo Aku kinyo paca'an hala bosamo agatn kaitn.

1 Petrus 3:12

Obai, Tuhatn sonang agatn boko urakng inyo hidup bondar di hadapan-Nyo. Tuhatn monimbas doa sia'. Apo mato muho Tuhatn molawatn boko urakng inyo bulah kojahatan.”