1 Petrus 2:25 - Porjanjian Boharu Torjomahan Baso Dilakng Soari-ari

²⁵ Komai, kaitn samo sama'an domba inyo sosat. Apo ni'in kaitn udah tuyut Kristus. Sio samo sama'an gombala inyo molinduki jiwa kaitn.

1 Petrus 2:25 ပူးပေါင်းရင်းမြစ်များ

Kisah Boko Rasul 20:28

Kaitn gola' monjago diri kaitn huatan urakng bukai inyo udah pocayo agatn Yesus oca' totap pocayo. Allah udah monobus monsio doi' hukupan dosa agatn darah-Nyo sikuꞌ. Jadi, sia' udah monjadi umant Allah siku'. Kaitn udah dipilih Roh Allah pakai' momimpitn sia' nantai. Obai nantai, kaitn gola' monjago sia' samo sama'an gombala monjago kabatn dombanyo.

Matius 9:36

Watu Sio moniant urakng banya' nantai, Sio salu' agatn sia' obai sia' dalapm kosusahan huatan kotakng momontikan potulukan, samo sama'an boko domba inyo kinyo bisi gombala.

Matius 18:12

Pikirancam mongona'i contoh ni'in: Soumpamonyo ado siku' urakng inyo bisi soratus iku' domba. Aman io kohilakan siku' domba obai domba nantai sosat, pasti io paca'an moninggalan inyo sombilatn puluh sombilatn iku' domba bukainyo di bukit oca'nyo ulih botula' monggoyapi domba inyo sosat nantai.

1 Petrus 5:4

Lalu, watu Kristus datakng, ia'an Gombala inyo moirikan somuo gombala, jadi kaitn paca'an mondapat'an mahkota inyo mulia. Mahkota nantai kinyo hilakng komulia'annyo.

Ibrani 13:20

Aku bodoa ko Allah inyo moonji'i sonang-asau. Sio mombulah Tuhatn kito, Yesus, bobali' hidup doi' komatian. Agatn sama'an nantai, darah Yesus monsahan pojanjianinyo Allah pulah agatn monsio pakai' somanah-manahnyo. Yesus monjadi Gombala Agukng inyo mombimbikng kito, boko domba-Nyo.

Ibrani 3:1

Obai nantai boko somadikan, inyo ditingkau jam monjadi boko urakng inyo husus umputn Allah, kaitn gola' bondar-bondar momporhatian Yesus inyo kito tuyut'i. Sio diutus Allah. Sio monjadi Imam Agukng kito.

Ibrani 5:2

Imam agukng kinyo togas agatn boko urakng inyo sosat huatan bolupm mongoroti jalatn inyo bondar. Obai, io siku' kurakng kuat huatan bulah dosa samo sama'an sia'.

1 Petrus 3:20

Ia'an nantai, boko roh doi' boko urakng watu joman Nuh inyo mati molalu'i pasakng obai sia' kinyo taat ko Allah. Allah sabar agatn sia' somanah Nuh mombulah kapal bosarnyo nantai. Apo bayo boboropo urakng mo disolamant'an, ia'an nantai dolapatn urakng. Sia' disolamant'an molalu'i ara'i nantai.