1 Petrus 2:23 - Porjanjian Boharu Torjomahan Baso Dilakng Soari-ari

²³ Pas urakng momojah sio, Sio co mombalas momojah sia'. Pas urakng monyisa Sio, Sio co moancapm. Apo Sio monyorahan pokaro-Nyo ko Allah inyo hala mohakipi agatn adil.

1 Petrus 2:23 ပူးပေါင်းရင်းမြစ်များ

Lukas 23:41

Sobondarnyo hukupan kito duo memang sosuai agatn porbuatan kito. Apo Sio samo sokali kinyo bosalah!”

Lukas 23:46

Lalu Yesus mondorah agatn saro kotakng borakng, “Bopai! Ko dalapm kuaso Duatn Ku sorahan kosih-Ku!” Lopas jadi bopandir ubo nantai, Io pan matiam.

Lukas 23:9

Ongko, Herodes banyaꞌ botakutn ko Yesus, apo Yesus co monimbasi samo sokali.

Kisah Boko Rasul 17:31

Kito gola' moninggalan dosa obai Allah paca'an mohakipi somuo urakng agatn adil. Sio udah monontuan sombilo ponghakipan nantai paca'an tojadi. Sio jam udah momilih siku' Urakng pakai' monjadi Hakipm. Allah mombutian somuo nantai agatn caro mombulah Urakng nantai bobali' hidup doi' komatian.”

Kisah Boko Rasul 4:29

Jadi ni'inan, Au Tuhatn, porotiancam ancapan sia' ko koi. Tulukngcam koi boko hulutn Duatn. Pulahcam koi borani pakai' momboritoan pomandiran Duatn, ia'an Borito Boi' mongona'i Yesus.

Kisah Boko Rasul 7:59

Timpu boko urakng monikapi Stefanus agatn batu, io bodoa, “Tuhatn Yesus, torima'cam rohku.”

Kisah Boko Rasul 9:1

Somontaro boko rasul momboritoan Kabar Boi', Saulus kotakan godi bondar. Io moancapm boko murid Tuhatn Yesus. Katonyo io paca'an mombunuh sia'. Jadi, io botula' ko Imam Agukng.

Roma 2:5

Apo kaitn tikakan. Hati kaitn kinyo honda' borubah. Obai nantaiam, kaitn siku' mombulah hukupan kaitn botambah lobih borat agi'. Nantai tojadi timpu ari Kiamant nononyo watu Allah monyatoan Sio kotakan godi tohadap dosa, ongko mohukupm urakng agatn adil.

Efesus 6:9

Ko boko habakng aku momadahan: kaitn pan gola' boi' hati ko boko hulutn kaitn. Jangan hala moancapm sia'. Ingantcam! Tuhatn di sorugo ia'an Tuhatn inyo bokuaso di pucu' sia' ongko kaitn. Sio kinyo momihak ko boko urakng totontu.

2 Tesalonika 1:5

Nantaiam butinyo obai Allah moadili monsio agatn adil. Kaitn dianggap cucu' monjadi warga Koraja'an Allah. Nianam alasan kaitn ajab sonsaro obai kaitn hidup di Koraja'an Allah nantai.

2 Timotius 1:12

Niannam obainyo aku moalapi somuo ajab sonsaro ni'in. Apo aku co malu obai aku udah tohu sopo Yesus sobondarnyo. Aku pocayo ko Sio. Aku udah monyorahan polayatan ni'in ko Sio. Aku yakitn Sio paca'an monjago oca' polayatanku kinyo balakng. Sio paca'an monjago polayatanku sampai ari Sio bobali' agi' ko dunia ni'in.

2 Timotius 4:8

Tuhatn udah monyiap'an hadiah inyo bondar ko aku. Sio nantai Hakipm inyo paca'an mohakipi somuo urakng agatn adil. Watu nantai, Sio paca'an moonji'i hadiah nantai pakai' aku huatan somuo urakng inyo rindu Sio datakng bobali' agi' ko dunia ni'in.

Ibrani 12:3

Timpu boko urakng bodosa kotakng molawatn-Nyo, Sio botahatn mohadapi pondorita'an nantai. Jadi, ingantcamtoladatn Sio nantai oca' kaitn kinyo monjadi lomah ongko putus asa.

1 Petrus 3:9

Aman ado urakng inyo bulah kojahatan agatn kaitn, jangan mombalasnyo agatn kojahatan. Aman ado urakng inyo momojah kaitn, jangan mombalas agatn momojahnyo. Apo, kaitn gola' mondoa'an oca' Allah momborokati sia' inyo jahat ubo nantai. Obai, Allah moningkau kaitn oca'nyo mondapat'an borokat.

1 Petrus 4:19

Obai nantai, aman boko urakng mondorita' obai nantai kohonda' Allah, jangan am sia' botongga' bulah koboi'an. Apo sia' gola' monyorahan diri ko Sio inyo mombulah sia'. Sio hala sotia monopat'i somuo janji-Nyo.

Wahyu 19:11

Lopas nian, aku moniant sorugo tobuka', wah, ado siku' kuda putih. Urakng inyo monunggaki kuda nantai bodamoan “Inyo Sotia” huatan “Inyo Bondar”. Sio mohakipi huatan boparakng agatn adil.