1 Petrus 2:22 - Porjanjian Boharu Torjomahan Baso Dilakng Soari-ari

²² Apo, Sio siku' co kalo bulah dosa. Sio co kalo mongatoan la'apo pan pakai' mongontumbuki monsio.

1 Petrus 2:22 ပူးပေါင်းရင်းမြစ်များ

Matius 27:19

Pilatus tongahan dudu' di krosi tompat io moadili pokaro. Watu nantai, bininyo mongiripm posatn ko io, “Sari ni'in, obai pokaro Urakng nantai mombulah aku bomimpi inyo bogola'i. Mimpi nantai bulahku mondorita'. Obai nianam, jangan kolai sonjumpat'an pokaro Urakng inyo kinyo bosalah nantai.”

Matius 27:4

Katonyo, “Aku udah bodosa monjual urakng inyo kinyo bosalah sampai Sio dihukupm mati.” Apo sia' monimbas, “Koi co poduli. Kolai botanggukng jawab doi' porbuatan kolai siku'.”

Lukas 23:41

Sobondarnyo hukupan kito duo memang sosuai agatn porbuatan kito. Apo Sio samo sokali kinyo bosalah!”

Lukas 23:47

Timpu kopala' pasukan moniant la'apo inyo udah tojadi, io momuji Allah. Lalu io bopandir, “Bondaram, Sio kinyo bosalah!”

Yohanes 1:47

Kato Filipus ko io, “Hincapm! Tiatcam numbo!” Watu Yesus moniant Natanael datakng, Sio bopandir mongona'i Natanael. Kato-Nyo, “Tiat! urakng ni'in asli urakng Israel! Kinyo ado kopalsuan dalapm dirinyo.”

Yohanes 8:46

Sopo di antaro kaitn inyo ulih mombutian obai Aku bulah dosa? Aman Aku mongatoan kobondaran, hibo kaitn co pocayo pomandiran-Ku?

2 Korintus 5:21

Kristus kinyo bodosa, apo Allah bulah Sio monanggukng hukupan dosa kito. Allah molabuhan nantai oca' di dalapm Kristus, kito ulih monjadi bondar di hadapan Allah.

Ibrani 4:15

Imam Agukng kito jumpat jam moosoan boko kolomahan kito. Obai, timpu Sio ado di dunia ni'in, Sio mohadapi poncoba'an samo sama'an kito. Apo Sio kinyo bulah dosa sama'an kito.

Ibrani 9:28

Sama'an nian jam, Kristus momposombahan diri-Nyo sokali mo pakai' monanggukng hukupan dosa urakng banya'. Sio paca'an datakng agi' inyo koduo kalinyo, bukainyo pakai' monanggukng dosa agi', apo pakai' monyolamant'an boko urakng inyo monantian kodatakan Sio.

1 Yohanes 2:1

Boko poana'anku! Aku monulis somuo ni'in ko kaitn oca' kaitn jangan bulah dosa. Apo, aman ado di antaro kito inyo bulah dosa, kito ado siku' urakng inyo monulukng kito di hadapan Allah. Urakng nantai ia'an Yesus Kristus inyo adil.

1 Yohanes 3:5

Kaitn tohu obai Kristus datakng pakai' moamputi dosa monsio. Sio samo sokali co bodosa.

Wahyu 14:5

Sia' co kalo tumbukan. Sia' murni co nyiant cacat colo.