1 Petrus 2:20 - Porjanjian Boharu Torjomahan Baso Dilakng Soari-ari

²⁰ Aman kaitn bulah kojahatan jadi kaitn dipoduda'an, ongko kaitn totap kuat mohadapi pondorita'an, nantai kinyo ado rotinyo. Apo, aman kaitn mondorita' obai kaitn bulah koboi'an, ongko kaitn totap kuat mohadapi pondorita'an nantai, jadi Allah tajahan momborokati kaitn.

1 Petrus 2:20 ပူးပေါင်းရင်းမြစ်များ

1 Petrus 2:19

Aman kaitn sadar obai kohonda' Allah, kaitn kuat monanggukng pondorita'an inyo kinyo cucu' kaitn tanggukng jadi Allah paca'an momborokati kaitn.

1 Petrus 3:17

Lobih boi' kaitn mondorita' obai bulah koboi'an, aman nantai kohonda' Allah, daripado kaitn mondorita' obai bulah kojahatan.

1 Petrus 3:14

Apo, mungkitn tajahan ado boko urakng inyo monyakiti kaitn obai kaitn bulah kobondaran di hadapan Allah. Aman ubo nian, kaitn tajahan diborokati. Jadi, jangan gola' agatn sia'. Jangan kuatir,

Lukas 6:32

Aman kaitn bayo mongasihi urakng inyo mongasihi kaitn, nian kinyo pogota'an istimewa apotolagi' sampai patut dihormati. Urakng bodosa pan mongasihi samaꞌan nian jam, jadi urakng nian kinyo patut di hormati, huatan co nyiant jasanyo sampai ulih dihormati.

Matius 5:47

Aman kaitn monyampaian salapm bayo ko boko somadikan kaitn mo, nantai bukainyo porbuatan inyo lobih boi' doi' urakng bukai. Obai boko urakng inyo bolupm mongonal Allah bulah ubo nian jam.

1 Korintus 4:11

Malahan sampai watu ni'in, koi kolaparan ongko korahakan. Pakai'an inyo koi kona'an udah buru'am. Koi hala dipoduda'an. Koi co nyiant kodiapan obai hala bojalatn konuang-konaing momboritoan Kabar Boi'.

Markus 14:65

Lalu boboropo urakng moigahi Yesus. Sia' monutup mato-Nyo huatan bodularan Sio. Sia' mohanyam Sio agatn bopandir, “Aman Duatn bondar-bondar nabi, butianbo, sopo inyo bodularan Duatn?” Boko ponjago nantai pan jumpat monompilikng Yesus.

Matius 26:67

Lalu sia' moigahi mato-muho Yesus ongko monompilikng-Nyo. Boko urakng bukainyo boduda'an Sio.

Filipi 4:18

Ni'in, aku udah ado somuo inyo ku pontikan, malahan lobih doi' nantai, obai aku udah monorima' doi' Epafroditus somuo inyo kaitn kiripan. Allah sonang agatn poonju' kaitn nantai inyo samo sama'an posombahan inyo bou harupm damo kurbatn bonatakng inyo Sio torima' agatn sonang hati.

Efesus 5:10

Kaitn gola' bousaha bolajar la'apo inyo monyonangan Tuhatn.

Galatia 4:18

Memang boi' aman kaitn rajitn apo aman kaitn rajitn agatn tujuan inyo boi'. Kaitn gola' hala mongikuti ajaran inyo bondar, bukainyo bayo aman aku ado bosamo agatn kaitn.