1 Petrus 2:2 - Porjanjian Boharu Torjomahan Baso Dilakng Soari-ari

^2-3 Aman kaitn bobondar udah moalapi obai Tuhatn nantai boi', jadi kaitn gola' ado kohonda' bolajar lobih dalapm mongona'i ajaran inyo bondar, ia'an Pomandiran Allah. Samo sama'an bobia' inyo hoyu' lahir honda'an susu inyo murni. Agatn ubo nian, kaitn tajahan tumbuh di dalapm Kristus ongko disolamant'an.

1 Petrus 2:2 ပူးပေါင်းရင်းမြစ်များ

Matius 18:3

Kato Sio, “Dinga'anbo! Kaitn gola' morubah caro hidup ongko rondah hati sama'an bobia' kocit ni'in. Aman cado, kaitn kinyo paca'an mansu' ko dalapm Koraja'an Sorugo.

Matius 19:14

Apo Yesus bopandir, “Biaran ja'am boko bobia' kocit nantai datakng ko Aku! Jangan morarakng sia'. Obai boko urakng inyo monjadi samo sama'an boko bobia' kocit ni'in ia'an anggota koluarga Koraja'an Sorugo”

Markus 10:15

Dinga'anbo! Aman urakng kinyo monyambut Koraja'an Allah sama'an bobia' kocit, io co paca'an mansu' ko dalapm Koraja'an Allah.”

Lukas 18:17

Aku bopandir ko kaitn: Aman urakng kinyo monorima' Koraja'an Allah samaꞌan siku' bobia' kocit, pasti io co tajahan monjadi anggota koluarga Koraja'an Allah.”

Roma 6:4

Dalapm baptisan nantai, kito mati huatan dipasar bosamo Kristus oca' kito pan mondapat'an kohidupan boharu, samo sama'an Allah Bopai mombulah Kristus bobali' hidup doi' komatian ulih kuaso-Nyo inyo mulia.

1 Korintus 14:20

Boko somadikan, jadicam sama'an boko bobia' dalapm hal kojahatan obai boko bobia' kinyo tohu porbuatan jahat. Apo jangan monjadi sama'an boko bobia' dalapm kaitn bopikir mongona'i boko komampuan husus doi' Roh Allah. Dalapm hal nantai, kaitn gola' bopikir agatn pintar-corodi' sama'an urakng tuho.

Efesus 2:21

Sio mombulah somuo bagian rumah nantai, ia'an kito inyo bobeda, huatan monjadi tosusutn rapi sampai rumah nantai monjadi mongkitn bosar. Rumah nantai monjadi Rumah Allah inyo husus pakai' Tuhatn.

Efesus 4:15

Apo kito pocayo agatn kuat ajaran inyo bondar huatan agatn hati inyo mongasihi urakng bukai. Agatn sama'an nantai, kito botumbuh monjadi samo sama'an Kristus, pomimpitn kito. Sio samo sama'an kopala'

2 Tesalonika 1:3

Boko somadikan, koi bosukur ko Allah obai kaitn. Cucu' mo koi bosukur obai kaitn mongkitn kuat pocayo ko Yesus. Somuo kaitn pan mongkitn mongasihi siku'-monyiku'.

1 Petrus 1:23

Obai, kaitn dionji'i kohidupan boharu ibaratnyo kaitn lahir agi'. Kaitn dilahiran agi' bukainyo obai monsio inyo ulih mati apo obai kaitn pocayo agatn Pomandiran Allah mongona'i Kristus. Pomandiran Allah nantai hidup ongko botahatn sampai somanah-manahnyo.

2 Petrus 3:18

Apo, kaitn gola' botumbuh somongkitn mongonal Yesus Kristus, Ponyolamant huatan Tuhatn inyo bokuaso dipucu' kito. Kironyo kaitn somongkitn sadar mongona'i koboi'an-Nyo. Topujicam Sio, watu ni'in sampai somanah-manahnyo. Amin!