1 Petrus 2:19 - Porjanjian Boharu Torjomahan Baso Dilakng Soari-ari

¹⁹ Aman kaitn sadar obai kohonda' Allah, kaitn kuat monanggukng pondorita'an inyo kinyo cucu' kaitn tanggukng jadi Allah paca'an momborokati kaitn.

1 Petrus 2:19 ပူးပေါင်းရင်းမြစ်များ

1 Petrus 2:20

Aman kaitn bulah kojahatan jadi kaitn dipoduda'an, ongko kaitn totap kuat mohadapi pondorita'an, nantai kinyo ado rotinyo. Apo, aman kaitn mondorita' obai kaitn bulah koboi'an, ongko kaitn totap kuat mohadapi pondorita'an nantai, jadi Allah tajahan momborokati kaitn.

1 Korintus 15:10

Apo obai koboi'an hati Allah, Sio udah bulah aku monjadi sama'an watu ni'in. Koboi'an hati inyo Allah udah labuhan nantai kinyo bopasal. Malahan, aku bokorojo koras momboritoan Kabar Boi', lobih koras daripado somuo rasul inyo bukai. Apo sobondarnyo aku kinyo molabuhan nantai agatn kokuatan siku'. Aku mampu molabuhan nantai bayo obai koboi'an hati Allah monyoroto'i aku.

Lukas 6:32

Aman kaitn bayo mongasihi urakng inyo mongasihi kaitn, nian kinyo pogota'an istimewa apotolagi' sampai patut dihormati. Urakng bodosa pan mongasihi samaꞌan nian jam, jadi urakng nian kinyo patut di hormati, huatan co nyiant jasanyo sampai ulih dihormati.

Roma 13:5

Nantaiam sobabnyo kolai gola' monaati pomorintah, bukainyo obai kolai gola' dihukupm ulih Allah, apo obai hati kolai tohu nian boi'.

Yohanes 15:21

Ado inyo paca'an mondorako'i kaitn obai kaitn ni'inan murid-Ku, obai sia' co mongonal Bopai inyo moutus Aku.

2 Timotius 1:12

Niannam obainyo aku moalapi somuo ajab sonsaro ni'in. Apo aku co malu obai aku udah tohu sopo Yesus sobondarnyo. Aku pocayo ko Sio. Aku udah monyorahan polayatan ni'in ko Sio. Aku yakitn Sio paca'an monjago oca' polayatanku kinyo balakng. Sio paca'an monjago polayatanku sampai ari Sio bobali' agi' ko dunia ni'in.

2 Korintus 8:1

Boko somadikan, koi honda' momadahan ko kaitn mongona'i caro Allah monunju'an koboi'an-Nyo ko boko jomaat di propinsi Makedonia ni'in.

2 Korintus 1:12

Boko somadikan, koi bangga mongona'i ni'in: Dalapm hati koi siku', koi tohu obai caro hidup koi di dunia ni'in kinyo salah, hususnyo dalapm hubukan koi agatn kaitn. Koi molabuhan boko hal agatn hati inyo tulus ongko borosih. Hati ubo nantai doi' Allah. Koi molabuhan somuonyo agatn koboi'an-Nyo, bukainyo agatn Kobijaksana'an monsio.

Kisah Boko Rasul 11:23

Pas Barnabas tuntukng ko su'utn, io moniant caro kohidupan sia' borubah obai Allah bulah koboi'an ko sia'. Obai nantai Barnabas mooso kotakan rindakng. Io monguat'an hati sia' oca' sia' somuo totap pocayo huatan monaati ko Tuhatn Yesus agatn soponuh hati.

Ibrani 10:2

Soandainyo sia' inyo monyombah Allah agatn caro nantai, bondar-bondar monjadi borosih doi' dosa sia', jadi sia' kinyo paca'an mooso obai sia' ija' bodosa. Lopasnyo sia' mombaba' sokali kurbatn posombahan, sia' kinyo paca'an mombaba' posombahan agi'.

1 Petrus 4:15

Jangannam ado di antaro kaitn inyo gola' mondorita' obai kaitn mombunuh urakng bukai, mongolit, bulah kojahatan damo bulah korusuhan.