1 Petrus 2:12 - Porjanjian Boharu Torjomahan Baso Dilakng Soari-ari

¹² Kaitn gola' hidup agatn caro inyo boi' di antaro boko urakng inyo bolupm mongonal Allah. Agatn ubo nantai, biar pan sia' mongatoan kaitn jahat, sia' tajahan moniant porbuatan kaitn inyo boi'. Akibatnyo, sia' pan tajahan momuliaan Allah watu Sio datakng nononyo.

1 Petrus 2:12 ပူးပေါင်းရင်းမြစ်များ

Matius 10:25

Udah cukup aman siku' urakng murid monjadi samo sama'an gurunyo huatan siku' urakng hulutn monjadi samo sama'an habakngnyo. Aku ni'in pomimpitn kaitn huatan sia' udah moningkau Aku sobagai Rajo Sitatn. Jadi, pasti paca'an mompolakuan kaitn agatn lobih jahat agi'!.”

Matius 5:11

Diborokaticam urakng inyo dihanyam, didorako'i, dituduhan inyo jahat obai kaitn pocayo ko Aku.

Matius 5:16

Porbuatan boi' kaitn samo sama'an torakng. Jadi, kaitn gola' bulah koboi'an di hadapan urakng oca' sia' ulih moniant nantai. Lalu sia' paca'an momuji Allah Bopai kaitn di sorugo.”

Matius 9:8

Watu boko urakng moniant nantai, sia' gola' obai kuaso-Nyo. Sia' momuji Allah inyo moonji'i kuaso sama'an nantai ko monsio.

Lukas 1:68

“Topujicam Tuhatn, Allah banso Israel! Allah datakng monulukng huatan mombebasan umant-Nyo.

Lukas 6:22

Diborokati kaitn inyo dibonci', ditula', dihanyam, ditunju' jahat obai Ana' Monsio.

Yohanes 13:31

Lopas Yudas botula', Yesus bopandir, “Watu ni'in Ana' Monsio dimuliaan, huatan Allah pan dimuliaan molalu'i Ana' Monsio.

Kisah Boko Rasul 15:14

Simon Petrus udah mongisahan pongalapannyo komai. Io mongisahan caro Allah monunju'an koboi'an ko boko banso bukai. Allah momilih boko urakng doi' antaro sia' oca' monjadi umant-Nyo.

Kisah Boko Rasul 24:13

Boko urakng ni'in inyo monuduh aku, co ulih monunju'an buti la'apo pan ko duatn.

Kisah Boko Rasul 25:7

Lopas jadi Paulus dibaba' mansu' ko ruakan nantai, somuo urakng Yahudi inyo datakng doi' Yerusalem bodiritn mongoliliki io. Sia' moajuan banya' tuduhan inyo borat tohadap io. Apo sia' kinyo ulih mombutiannyo.

Kisah Boko Rasul 28:22

Apo koi kalo mondinga' mongona'i kopocaya'an inyo kolai jumpati nantai. Banya' urakng di mono-mono bopandir molawatn kopocaya'an nantai. Jadi, koi honda' mondinga' lansukng doi' kolai mongona'i kopocaya'an kolai nantai.”

Roma 12:17

Aman ado boko urakng inyo bulah kojahatan agatn kaitn, jangannam kaitn mombalas agatn kojahatan ko sia'. Apo, bulah koboi'an cam agatn somuo urakng.

Roma 13:13

Kito gola' hidup agatn caro inyo sopatn sama'an urakng inyo hidup dalapm torakng. Jangannam kito ruah-runsakan ongko hala komabu'an. Jangannam kito bulah dosa kojahatan ongko tuyut kohonda' bukakng inyo jahat. Janganam kito tungi ongko hala bokolohi.

Roma 14:18

Urakng inyo molayati Kristus agatn caro hidup ubo nantai, io monyonangan Allah ongko dihormati monsio.

Roma 15:9

Kristus jam bulah boko banso bukai momuji Allah obai kasih-Nyo. Samo sama'an inyo totulis dalapm Buku Suci: “Obai nantai, watu aku ado di tongah-tongah urakng bukainyo urakng Yahudi, aku tajahan momuji Duatn, au Allah. Aku tajahan bonyanyi pakai' momuji damo Duatn.”

1 Korintus 14:25

Obai kaitn monyampaian posatn-pontal doi' Allah, ongko somuo inyo dibumbutn dalapm hati urakng nantai paca'an dikotohu'i. Jadi, io paca'an moncungkukng huatan monyombah Allah kapikng mongatoan, “Allah bondar-bondar ado di tongah-tongah kaitn.”

2 Korintus 1:12

Boko somadikan, koi bangga mongona'i ni'in: Dalapm hati koi siku', koi tohu obai caro hidup koi di dunia ni'in kinyo salah, hususnyo dalapm hubukan koi agatn kaitn. Koi molabuhan boko hal agatn hati inyo tulus ongko borosih. Hati ubo nantai doi' Allah. Koi molabuhan somuonyo agatn koboi'an-Nyo, bukainyo agatn Kobijaksana'an monsio.

2 Korintus 13:7

Koi bodoa ko Allah oca' kaitn jangan bulah kojahatan. Nantai bukainyo pakai' mombutian obai koi memang lulus ujian sobagai rasul Kristus. Nantai bukainyo tujuan koi. Tujuan koi ia'an oca' kaitn bulah koboi'an, monjumpati ajaran inyo bondar. Ongko biar pan kotiat'annyo koi co lulus ujian kinyo apo-apo.

2 Korintus 8:21

Koi honda' molabuhan boko la'apo pan agatn jujur, bukainyo bayo di hadapan Tuhatn, apo di hadapan monsio jam.

Efesus 2:3

Sobondarnyo, komai kito somuo hidup agatn caro inyo sama'an nantai am. Kito monjumpati boko kohonda' bukakng-tubuh kito. Kito hidup sosuai agatn pikiran huatan kohonda' kito siku'. Porangai kito ia'an porangai boko urakng inyo soharusnyo dihukupm Allah samo sama'an boko urakng bukai.

Efesus 4:22

Kaitn diajar pakai' moninggalan caro hidup kaitn inyo manah nantai, ia'an kohidupan kaitn inyo monjadi rusa' obai kaitn monjumpati boko kohonda' inyo monipu kaitn.

Filipi 1:27

Lapo ja' inyo tojadi ko aku, inyo pontikng ia'an kaitn hidup sosuai agatn Kabar Boi' mongona'i Kristus. Agatn ubo nian, aman aku ulih datakng botomu agatn kaitn damo cuku datakng ongko bayo mondinga' mongona'i kaitn, jadi aku tajahan tohu obai kaitn totap kuat pocayo. Aku tajahan tohu kaitn bosatu hati ongko bojuakng bosamo pakai' kopocaya'an inyo sosuai agatn Kabar Boi' nantai.

Filipi 4:8

Ahirnyo, boko somadikan ku, kaitn gola' hala momikiran mongona'i boko hal inyo bondar, inyo patut dirogo'i, inyo adil, inyo borosih doi' kojahatan, inyo manis, inyo loma' didinga'. Pokoknyo, pikiran cam mongona'i la'apo pan inyo boi' ongko patut dipuji.

1 Tesalonika 4:12

Jadi, kaitn kinyo paca'an hidup bogantukng ko urakng bukai. Aman kaitn hidup agatn caro sama'an nantai, boko urakng inyo bolupm pocayo ko Yesus paca'an mohormati kaitn.

1 Timotius 2:2

tomansu' boko rajo huatan somuo pomimpitn. Bodoacam oca' timpu kito hidup taat ko Allah huatan bulah koboi'an ko somuo urakng, kito ulih hidup agatn tenang huatan sonang-asau.

1 Timotius 4:12

Jangan sampai ado urakng inyo mohayam kolai obai kolai ija' muda'. Kolai gola' monjadi contoh pakai' boko urakng pocayo, dalapm pomandiran huatan kolaku'an, dalapm mongasihi urakng bukai huatan sotia ko Tuhatn. Hidup co bulah dosa.

1 Timotius 5:10

Botina' balu nantai gola' dikonal sobagai urakng inyo hala bulah koboi'an. Contohnyo: io mombosaran poana'annyo agatn caro boi', io gola' agatn coraca'an bosodia moonji'i koluntukan, io gola' rondah hati molayati boko urakng pocayo huatan mombasu'i kaki sia', io gala' monulukng urakng inyo moalapi kosusahan. Io gola' moutamoan boko porbuatan boi' sama'an nantai dalapm kohidupannyo.

Ibrani 13:18

Hala bodoa cam pakai' koi. Koi hala honda' hidup bondar. Jadi, koi yakitn obai hati koi borosih dihadapan Allah.

Ibrani 13:5

Jangan cinta duit. Puasan aja'am diri kaitn agatn kodampuan inyo udah jadi umputn kaitn. Obai, Allah udah bopandir, “Aku kinyo kalo tajahan moninggalan kolai. Aku kinyo kalo tajahan mombiaran kolai sonsiku'an.”

Yakobus 3:13

Aman kaitn bopikir kaitn ado hikmat huatan pongotohuan, kaitn gola' monunju'annyo agatn caro hidup kaitn. Kaitn gola' molabuhan porbuatan inyo boi' agatn boi' hati. Obai, boi' hati datakngnyo doi' hikmat inyo bondar.

1 Petrus 2:15

Kaitn gola' monaati somuo pomimpitn nantai obai ni'inan kohonda' Allah. Ia'an, oca' kaitn bulah koboi'an lalu boko urakng budu kinyo bopandir la'apo pan pakai' monjahai'an kaitn.

1 Petrus 3:16

Apo, timbas cam sia' agatn hormat, lomah-lombut, tulus hati di hadapan Allah. Kaitn gola' molabuhan nantai oca' watu boko urakng monjahai'an mongona'i porbuatan boi' kaitn dalapm Kristus, jadi sia' tajahan komaluan.

1 Petrus 4:11

Aman ado urakng inyo dionji'i komampuan pakai' bopandir, io gola' bopandir monyampaian Pomandiran Allah. Aman ado urakng inyo dionji'i komampuan pakai' molayati urakng bukai, io gola' molayati agatn kokuatan inyo Allah onju' ko io. Pakaicam somuo komampuan kaitn oca' urakng bukai momuliaan Allah obai Yesus Kristus inyo bulah somuo nantai dapat tojadi. Sionam inyo mulia ongko bokuaso somanah-manahnyo. Amin!

2 Petrus 3:11

Jadi, obai somuo hal tajahan hancur sama'an nantai, soharusnyo kaitn hidup agatn caro inyo mono? Kaitn gola' kinyo bodosa ongko hidup sama'an Allah kohonda'i.