1 Petrus 2:10 - Porjanjian Boharu Torjomahan Baso Dilakng Soari-ari

¹⁰ Komai, kaitn bukainyo boko urakng umputn Allah. Apo ni'in kaitn udah monjadi boko urakng umputn-Nyo. Komai, Allah co monunju'an koboi'an-Nyo ko kaitn. Apo ni'in Allah udah monunju'an koboi'an-Nyo ko kaitn.

1 Petrus 2:10 ပူးပေါင်းရင်းမြစ်များ

Ibrani 4:16

Obai sama'an nian am Imam Agukng kito, mara cam kito borani bodoa ko Allah inyo monunju'an kasih karunia-Nyo. Agatn sama'an nantai, Allah paca'an monunju'an bolas kasih ongko kasih karunia-Nyo ko kito. Sio paca'an monulukng kito topat watunyo.

1 Timotius 1:13

Padohal, komai aku ninam urakng inyo mohayam Sio. Aku mondorako'i somuo urakng inyo pocayo ko Sio. Boko porbuatanku nantai kotakan jahat. Apo Yesus monunju'an kasih-Nyo ko aku. Sio molabuhan nantai obai aku bolupm pocayo ko Sio. Aku bolupm mongotohu'i boko porbuatanku nantai kotakan jahat.

Roma 10:19

Apo, aku botakutn: Apobai urakng Israel kinyo mongoroti kabar nantai? Pasti sia' ulih mongoroti! Mulonyo ado pomandiran Allah ni'in inyo disampaian Musa ko banso Israel: “Aku tajahan bulah kaitn monjadi hiri agatn boko banso bukai inyo co mongonal Aku. Ongko Aku mombulah kolai godi agatn banso inyo kinyo mongoroti la'apo pan.”

1 Korintus 7:25

Ni'inan, mongona'i boko urakng inyo bolupm kawitn. Aku co nyiant porintah doi' Tuhatn mongona'i nantai. Apo obai Sio monunju'an koboi'an-Nyo ko aku, ongko aku jadi urakng inyo ulih dipocayo moonji'i nosihat.

Roma 11:30

Komai, kaitn kinyo taat agatn Allah. Apo obai sia' co taat, jadi Allah monunju'an bolas-kasihan ko kaitn.