1 Petrus 1:9 - Porjanjian Boharu Torjomahan Baso Dilakng Soari-ari

⁹ Kaitn sonang sama'an nantai obai hidup kaitn udah disolamant'an. Nianam tujuan kaitn pocayo ko Yesus.

1 Petrus 1:9 ပူးပေါင်းရင်းမြစ်များ

Roma 6:22

Apo watu ni'in, kaitn udah bebas doi' kuaso dosa. Kaitn monjadi hulutn Allah. Kaitn ulih hidup borosih doi' dosa. Caro hidup nantai ado hasil, ia'an kaitn mondapat'an hidup inyo kokal.

Yakobus 1:21

Jadi, kaitn gola' botongga' molabuhan boko hal inyo kotor huatan jahat. Lopas nian, jangan buhau. Apo torima'cam Pomandiran Allah agatn rondah hati. Allah udah monyimpatn Pomandiran-Nyo dalapm hati kaitn. Pomandiran-Nyo nantai ado kuaso pakai' monyolamant'an hidup kaitn.

Ibrani 11:13

Somuo urakng inyo disobutan tontai totap pocayo ko Allah biar pan sia' mati sobolupm sia' mondapat boko hal inyo dijanjian-Nyo. Sia' totap yakitn obai moniant doi' jouh obai Allah tajahan monopat'i janji-Nyo. Sia' monorima' nantai agatn sonang hati sampai sia' moaku'i sia' ia'an urakng asikng ongko porantau di bumi.

1 Petrus 3:20

Ia'an nantai, boko roh doi' boko urakng watu joman Nuh inyo mati molalu'i pasakng obai sia' kinyo taat ko Allah. Allah sabar agatn sia' somanah Nuh mombulah kapal bosarnyo nantai. Apo bayo boboropo urakng mo disolamant'an, ia'an nantai dolapatn urakng. Sia' disolamant'an molalu'i ara'i nantai.