1 Petrus 1:8 - Porjanjian Boharu Torjomahan Baso Dilakng Soari-ari

⁸ Kaitn bolupm kalo moniant Sio, apo kaitn totap mongasihi-Nyo. Watu ni'in, kaitn culih moniant Sio, apo kaitn totap pocayo ko Sio. Jadi, kaitn rindakng rigah ongko sonang-nyamanam inyo kotakan luar biaso sampai kinyo tokatoan.

1 Petrus 1:8 ပူးပေါင်းရင်းမြစ်များ

Matius 10:37

Sotiap urakng inyo mongasihi Bopai damo indainyo lobih daripado Aku, io kinyo cucu' monjadi pongikut-Ku. Ubo nian jam, sotiap urakng inyo mongasihi ana'nyo lolaki damo botina' lobih daripado Aku, io kinyo cucu' monjadi pongikut-Ku.

Yohanes 14:15

“Aman kaitn mongasihi Aku, kaitn paca'an monaati boko porintah-Ku.

Yohanes 14:21

Sotiap urakng inyo monorima' boko porintah-Ku huatan molabuhannyo jam, io ia'an urakng inyo bondar-bondar mongasihi Aku. Sotiap urakng inyo mongasihi Aku, io paca'an dikasihi Bopai-Ku. Aku pan paca'an mongasihi io. Aku paca'an moniant'an diri-Ku ko io.”

Yohanes 14:24

Apo urakng inyo co mongasihi Aku, io kinyo monuruti pomandiran-Ku. Pomandiran-Ku inyo kaitn dinga', sobondarnyo kinyo doi' Aku siku', apo doi' Allah Bopai inyo moutus Aku.

Yohanes 16:22

Ubo nian jam agatn kaitn. Watu ni'in kaitn salu'. Apo Aku paca'an botomu agi' agatn kaitn. Timpu nantai, hati kaitn paca'an sonang. Conyiant ado siku' urakng pan inyo ulih monguti' kosonangan kaitn nantai.

Yohanes 20:29

Kato Yesus ko io, “Kolai pocayo obai kolai udah moniant Aku. Apo diborokati sia' inyo pocayo biar pan sia' co moniant Aku.”

Yohanes 8:42

Kato Yesus ko sia', “Soandainyo Allah bondar Bopai kaitn, pasti kaitn paca'an mongasihi Aku. Obai, Aku datakng doi' Allah. Huatan, Aku datakng bukainyo kohonda'-Ku siku', apo kohonda' Sio inyo moutus Aku.

Roma 14:17

Obai, Koraja'an Allah bukainyo soal poraturan pomakatn ongko minuman, apo soal hidup inyo bondar, hidup agatn damai, ongko hidup agatn sonang-nyamanam. Somuo nantai doi' Roh Allah.

Roma 15:13

Boko somadikan! Allah inyo moonji'i harapan ko kito. Aku bodoa obai kaitn pocayo ko Kristus, jadi Allah tajahan bulah kaitn kotakan sonang-nyamanam ongko hidup agatn sonang-asau. Aku bodoa pakai' nantai oca' kuaso Roh Allah bulah kaitn mongkitn boharap ko Sio.

1 Korintus 16:22

Biaram somuo urakng inyo kinyo mongasihi Tuhatn Yesus monorima' hukupan! Datakngcam, Tuhatn!

2 Korintus 1:22

Sio udah monyegel kito monjadi umputn-Nyo huatan moonju' Roh-Nyo di dalapm hati kito. Agatn molabuhan nantai Allah monjamin Sio paca'an moonji'i somuo inyo Sio janjian.

2 Korintus 4:18

Obai nantai am, koi co momikiran boko hal di duniani'in inyo ulih ditiat. Apo koi momikiran boko hal di sorugo inyo kinyo kotiat'an. Obai, boko hal inyo di dunia bayo somontaromo, apo boko hal inyo di sorugo tahatn sampai somanah-manahnyo.

2 Korintus 5:7

Obai, caro hidup koi bodasaran boko hal inyo koi pocayo'i bukainyo boko hal inyo koi tiat.

2 Korintus 9:15

Bosukurcam ko Allah obai poonju'-Nyo inyo kotakan borogo nantai!

Galatia 5:22

Apo aman kaitn hidup sosuai agatn kohonda' Roh Allah, ia'an: hala mongasihi, rindakng-rigah, hidup sonang dalapm hati, sabar, gala' monulukng, gala' bulah koboi'an, sotia,

Galatia 5:6

Obai, hal bosunant kata'an kinyo bosunant co nyiant bedanyo di kito inyo ado di dalapm Kristus Yesus. Inyo pontikng ia'an aman kito pocayo ko Yesus huatan kopocaya'an nantai monyurukan kito pakai' mongasihi urakng bukai.

Efesus 3:19

Kasih-Nyo kotakng bosar sampai kinyo ado urakng inyo ulih momahami somuonyo. Apo aku totap bodoa oca' kaitn ulih mongonal kasih nantai. Agatn sama'an nantai, hati huatan pikiran kaitn paca'an monjadi mongkitn bisi agatn somuo hal inyo ado di dalapm diri Allah.

Efesus 6:24

Aku bodoa oca' Sio monunju'an kasih karunia ko kaitn somuo inyo mongasihi Tuhatn kito Yesus Kristus agatn kasih inyo kinyo tohu botongga'.

Filipi 1:25

Jadi, aku yakitn mongona'i ni'in: Aku tajahan totap diapm di dunia ni'in bosamo agatn kaitn oca' kaitn mongkitn kuat pocayo ongko mongkitn sonang-nyamanam obai nantai.

Filipi 3:3

Sobondarnyo, umant Allah ia'an kito inyo dibimbikng Roh-Nyo pakai' monyombah Sio. Ni'inan tando ‘sunant’ inyo bondar. Kito bosukur obai Kristus Yesus monyolamant'an kito. Kito co boharap ko boko porbuatan monsio.

Filipi 4:4

Somuo kaitn gola' hala sonang-nyamanam di dalapm Tuhatn! Sokali agi' ku padahan: Sonang-nyamancam!

Ibrani 11:1

Aman kito pocayo ko Allah, rotinyo kito bondar-bondar yakitn mongona'i somuo inyo kito harapan. Kito yakitn obai Sio tajahan momonuhi somuo janji-Nyo, biar pan kito bolupm ulih moniantnyo.

Ibrani 11:27

Obai Musa pocayo, jadi io borani moninggalan Mesir. Io kinyo gola' dikogodi'i Rajo Mesir. Io totap botahatn mohadapi pondorita'an soakatn-akatn io ulih moniantAllah inyo kinyo ulih di tiat pakai' mato.

1 Petrus 1:6

Sonangcam agatn hal nantai, biar pan somontaro watu ni'inan kaitn gola' monjadi salu' obai bomacapm-macapm poncoba'an.

1 Petrus 2:7

Yesus Kristus kotakan borogo pakai' kaitn inyo pocayo. Sio samo sama'an Batu inyo pontikng. Apo pakai' urakng inyo kinyo pocayo bolaku samo sama'an inyo totulis di dalapm Buku Suci, “Ado Batu inyo dibuakan boko tukakng bangunan. Apo, Batu nantai udah monjadi Batu ponjuru.”

1 Petrus 5:4

Lalu, watu Kristus datakng, ia'an Gombala inyo moirikan somuo gombala, jadi kaitn paca'an mondapat'an mahkota inyo mulia. Mahkota nantai kinyo hilakng komulia'annyo.