1 Petrus 1:12 - Porjanjian Boharu Torjomahan Baso Dilakng Soari-ari

¹² Allah momadahannyo ko sia' obai polayatan sia' nantai bukainyo pakai' sia' siku', apo pakai' kaitn. Ia'an, watu ni'in Kabar Boi' mongona'i kosolamant'an nantai udah diboritoan ko kaitn. Nantai tojadi obai Roh Allah inyo diutus doi' sorugo monyoroto'i boko urakng nantai pakai' momboritoan Kabar Boi' nantai. Boko molekat pan honda' mongotohu'i mongona'i Kabar Kosolamant'an nantai.

1 Petrus 1:12 ပူးပေါင်းရင်းမြစ်များ

Matius 11:25

Timpu nantai Yesus bodoa, “Bopai, Duatn umputn somuo dunia ni'in. Aku bosukur obai Duatn kinyo moombakan somuo nantai doi' urakng pintar-corodi', apo Duatn monyatoan somuonyo nantai ko masrakat kocit.

Matius 11:27

Ongko Yesus bopandir ko boko urakng, “Bopai-Ku udah moonju' somuo hal ko Aku. Co nyiant siku' pan inyo mongonal Ana' solaitn Bopai, nyiant siku' pan inyo mongonal Bopai solaitn Ana', huatan boko urakng inyo dipokonalan Ana' agatn Bopai.

Matius 16:17

Kato Yesus ko io, “Simon ana' Yunus, kolai udah diborokati Allah Bopai-Ku inyo di sorugo. Obai kolai mondapat pongorotian mongona'i hal nantai doi' Sio, bukainyo doi' monsio.

Markus 16:15

Lalu Sio bopandir ko sia', “Botula'cam ko soluruh dunia. Boritoancam Kabar Boi' kosomuo urakng.

Lukas 15:10

Nah, porotiancam ni'in: samo sama'an nantai jam, Allah huatan boko molekat di sorugo kotakng rindakng aman siku' urakng botongga' bulah dosa lalu hidup monyonangan Allah.”

Lukas 2:26

Roh Allah udah momadahan ko Simeon komainyo obai io kinyo tajahan mati sobolupm moniant Rajo Inyo Dijanjian Allah.

Lukas 9:6

Jadi boko murid Yesus botula' ko boko laman, momboritoan Kabar Boi' mongonaꞌi Koraja'an Allah, monyamani urakng boponyakit di mono-mono.

Yohanes 15:26

Aku paca'an moutus Ponulukng ko kaitn, ia'an Roh inyo boasal doi' Allah. Roh Allah nantai inyo monunju'an somuo inyo bondar. Sio paca'an bosasi mongona'i Aku.

Kisah Boko Rasul 10:44

Watu Petrus ija' bopandir, Roh Allah turutn momonuhi somuo urakng inyo mondinga' borito nantai.

Kisah Boko Rasul 16:10

Doi' poniant'an nantai, koi monyimpulan obai Allah moningkau koi pakai' momboritoan Kabar Boi' ko boko urakng Makedonia. Jadi, koi lansukng bogoyap tumpakan inyo botula' ko su'utan.

Kisah Boko Rasul 2:33

Lopas nantai, Sio udah noi' ko sorugo obai kuaso Allah. Yesus pan udah monorima' Roh Allah obai Roh Allah nantai udah dijanjian Bopai-Nyo. Jadi, watu ni'in Yesus moonji'i Roh Allah ko koi. Nanam kojadian inyo udah kaitn tiat huatan dinga' molalu'i boko urakng inyo bopandir agatn bomacapm baso di si'itn.

Kisah Boko Rasul 4:31

Lopas jadi bodoa, tompat sia' bokumpul nantai boguyakng. Roh Allah monguaso'i sia' somuo, jadi sia' mongkitn borani momboritoan pomandiran Allah.

Kisah Boko Rasul 4:8

Lopas nian, Roh Allah monguaso'i Petrus. Kato io, “Boko Totuho pomimpitn banso huatan agama.

Kisah Boko Rasul 8:25

Lopas nantai, koduo rasul nantai monyampaian borito doi' Tuhatn. Sia' momboritoan mongona'i pongalapan sia' siku' bosamo Yesus. Ongko, sia' bobali' ko Yerusalem. Dalapm pojalatan pulakng, sia' momboritoan Kabar Boi' mongona'i Yesus di banya' laman bukai di doerah Samaria nantai.

Roma 1:15

Nantaiam sobabnyo aku honda' momboritoan Kabar Boi' ko kaitn inyo bodiapm di Roma.

Roma 1:17

Obai, dalapm Kabar Boi' nantai, Allah monunju'an caronyo monsio dapat monjadi bondar di pohadapan-Nyo, ia'an agatn pocayo ko Yesus, huatan torus pocayo sampai ahirnyo. Sama'an pomandiran ni'in inyo totulis di Buku Suci: “Boko urakng inyo pocayo paca'an monjadi bondar di pohadapan Allah, jadi sia' paca'an bodapat hidup inyo sobondar-bondarnyo.”

Roma 10:15

Ongko co mungkitn monsio ulih momboritoan mongona'i Sio aman monsio nantai kinyo diutus pakai' momboritoan. Samo sama'an pomandiran ni'in inyo totulis di Buku Suci: “Kotakan monyonangan kodatakan urakng inyo mombaba' kabar boi'!”

Roma 15:19

Sio pan momakai bomacapm mujisat ongko kuaso Roh Allah. Ubo nianam caronyo aku momboritoan soluruh Kabar Boi' mongona'i Kristus doi' kota Yerusalem sampai ko doerah Ilirikum.

1 Korintus 2:10

Apo Allah udah monyatoan roncana-Nyo nantai ko kito. Allah molabuhan nantai molalu'i Roh-Nyo inyo Sio onju' ko kito. Obai, Roh nantai mongotohu'i huatan ulih monorakan somuo hal, malahan boko hal mongona'i Allah inyo tobumbutn dalapm diri-Nyo.

2 Korintus 1:22

Sio udah monyegel kito monjadi umputn-Nyo huatan moonju' Roh-Nyo di dalapm hati kito. Agatn molabuhan nantai Allah monjamin Sio paca'an moonji'i somuo inyo Sio janjian.

2 Korintus 6:6

Koi molayati agatn hati inyo jujur, agatn pongotohuan doi' Allah, agatn sabar, agatn boi' hati, agatn dibimbikng Roh Allah, agatn kasih inyo sobondarnyo.

Galatia 1:12

Obai aku co monorima' borito nantai doi' monsio. Co nyiant urakng inyo moajari aku mongona'i borito nantai. Yesus Kristus siku', inyo monyatoan Kabar Boi' nantai ko aku.

Galatia 1:16

monyatoan Yesus ko aku. Allah molabuhan nantai oca' aku momboritoan ko boko urakng bukai Yahudi mongona'i Yesus. Jadi, aku dapat pongorotian mongona'i Yesus lansukng doi' Sio siku' huatan aku co minto siku' urakng pan momadahiku.

Efesus 3:10

Apo, Allah moatur somuonyo sama'an nantai oca' watu ni'in somuo kuaso di langit ulih moniant obai Sio hala bohikmat dalapm somuo hal. Allah monunju'an nantai ko sia' molalu'i la'apo inyo Sio pulah pakai' somuo urakng inyo pocayo, urakng Yahudi ongko urakng bukainyo urakng Yahudi.

1 Tesalonika 2:9

Boko somadikan, pasti kaitn ingant kotakng kuat koi bokorojo watu koi ado bosamo agatn kaitn di Tesalonika. Koi uyuh-jorih bokorojo siakng malapm pakai' momonuhi kopontikan koi siku'. Jadi, watu koi momboritoan Kabar Boi' doi' Allah, kaitn kinyo gola' momonuhi kopontikan koi.

1 Timotius 3:16

Sobondarnyo la'apo inyo tosimpatn dalapm kopocaya'an kito kotakan luar biaso! Boko hal nantai monunju'an caro hidup inyo monyonangan Allah. Boko hal nantai ia'an: “Yesus moniant'an diri-Nyo dalapm rupo monsio. Roh Allah monyatoan obai inyo dilabuhan Yesus bondar. Yesus monyatoan diri-Nyo ko boko molekat. Boko urakng momboritoan mongona'i Yesus ko somuo banso. Boko urakng di soluruh dunia monjadi pocayo ko Yesus. Allah bulah Yesus noi' ko sorugo dalapm komulia'an.”

Ibrani 11:13

Somuo urakng inyo disobutan tontai totap pocayo ko Allah biar pan sia' mati sobolupm sia' mondapat boko hal inyo dijanjian-Nyo. Sia' totap yakitn obai moniant doi' jouh obai Allah tajahan monopat'i janji-Nyo. Sia' monorima' nantai agatn sonang hati sampai sia' moaku'i sia' ia'an urakng asikng ongko porantau di bumi.

Ibrani 2:4

Malahan Allah mombutian Pomandiran nantai bondar obai Sio moonju' kuaso ko sia' pakai' molabuhan somuo macapm mujisat ongko obai sia' bodapat bomacapm komampuan husus inyo dionju' ulih Roh Allah sosuai agatn kohonda'-Nyo.

Ibrani 4:2

Obai, Kabar Boi' nantai udah dipadahan ko kito samo sama'an ko angki-bayatn kito komai. Apo, borito nantai kinyo boguno pakai' sia' obai sia' kinyo pocayo watu mondinga'nyo.

1 Petrus 1:25

Apo, Pomandiran Tuhatn tahatn sampai somanah-manahnyo.” Boko somadikan, Pomandiran Tuhatn Allah nantai am Kabar Boi' inyo udah diboritoan ko kaitn.

1 Petrus 4:6

Nantaiam sobabnyo Kabar Boi' udah diboritoan jam ko boko urakng mati. Ia'an, oca' sia' dihakipi dalapm bukakng-tubuh samo sama'an somuo monsio. Apo oca' Roh Allah dapat mohidupi sia' jam monuruti kohonda' Allah.

Wahyu 5:11

Lalu, dalapm poniant'an nantai, aku mondinga' saro banya' molekat di sokolilikng tahta, boko mahluk, ongko boko pomimpitn nantai. Ado boribu-ribu molekat nantai, malahan jutaan.