1 Petrus 1:1 - Porjanjian Boharu Torjomahan Baso Dilakng Soari-ari

¹ Surat ni'in doi' aku, rasul Petrus, inyo diutus Yesus Kristus. Surat ni'in pakai' boko urakng inyo dipilih Allah inyo tongahan morantau di doerah Pontus, Galatia, Kapadokia, Asia Kocit huatan Bitinia.

1 Petrus 1:1 ပူးပေါင်းရင်းမြစ်များ

Matius 10:2

Ni'in daptar damo koduo bolas rasul nantai: Potamo, Simon (inyo Yesus damo'i Petrus jam), Andreas (somadikan Simon nantai), Yakobus (ana' Zebedeus) ongko somadikannyo Yohanes,

Matius 24:22

Soandainyo, watu nantai co dipulah lobih copat, lalu co nyiant siku' urakng pan inyo botahatn hidup. Apo obai boko urakng inyo dipilih Allah, watu nantai dipulah lobih copat.

Matius 4:18

Timpu Yesus tongahan bojalatn di pantai Danau Galilea, Sio moniant duo urakng nolayatn, ia'an Simon (inyo jam ditingkau Petrus) ongko Andreas, somadikannyo. Sia' tongahan monjalo ikatn di danau.

Lukas 18:7

Jadi, pasti Allah inyo boi' bulah koputusan inyo adil pakai' urakng pilihan-Nyo inyo bodoa ko Sio siakng malapm. Pasti Sio tajahan co kalo landai monulukng sia'.

Yohanes 11:52

Bukainyo pakai' banso nantai ja', apo Sio mati oca' somuo poana'an Allah inyo topisah-pisah somuonyo, ulih bokumpul monjadi satu.

Yohanes 7:35

Obai nantai, boko pomimpitn agama Yahudi bopandir ko siku'-monyiku', “Sio ni'in honda' botula' ko mono jadi kito culih monomuan Sio? Kata'an Sio honda' botula' ko boko urakng Yahudi inyo diapm di porantauan kironyo, di antaro urakng Yunani, lalu mongajar urakng Yunani?

Kisah Boko Rasul 18:2

Di su'utn io botomu agatn siku' urakng Yahudi inyo boasal doi' propinsi Pontus. Damonyo Akwila. Bininyo bodamo Priskila. Boboropo watu sobolupmnyo, sia' duo nantai tinggal di kota Roma di propinsi Italia. Apo Kaisar negara Roma inyo bodamo Klaudius, momorintahan oca' somuo urakng Yahudi gola' koluar doi' kota Roma. Obai nantai Akwila ongko Priskila pan pindah ko Korintus. Bolupm manah sia' bodiapm di kota Korintus, Paulus datakng ko rumah sia'.

Kisah Boko Rasul 18:23

Io pan monotap cukup manah di su'utn. Ongko, io botula' monjongu' agi' boko urakng pocayo di propinsi Galatia huatan Frigia. Io monulukng oca' boko somadikan nantai pocayo ko Yesus agatn lobih yakitn.

Kisah Boko Rasul 19:10

Io mongajar boko urakng Yahudi huatan boko urakng Yunani somanah duo tohutn. Jadi, somuo urakng inyo bodiapm di propinsi Asia mondinga' mongona'i Tuhatn Yesus.

Kisah Boko Rasul 6:9

Apo ado kolompok urakng Yahudi inyo molawatn io. Sia' doi' kolompok urakng inyo dibebasan. Anggota kolompok nantai ia'an pondudu' Yerusalem inyo datakng doi' kota Kirene, kota Aleksandria, propinsi Kilikia, ongko propinsi Asia. Sia' botikakng agatn Stefanus,

Kisah Boko Rasul 8:4

Boko urakng pocayo inyo rari doi' kota Yerusalem nantai tosebar. Sia' momboritoan Kabar Boi' ko mono ja' sia' botula'.

1 Korintus 16:19

Boko jomaat di propinsi Asia Kocit ni'in monyampaian salapm ko kaitn. Salapm jam doi' Akwila ongko Priskila huatan jomaat inyo bokumpul di rumah sia'. Sia' somuo monyampaian salapm agatn ponuh kasih dalapm Tuhatn.

2 Korintus 1:8

Boko somadikan, kohonda' koi oca' kaitn mongotohu'i mongona'i pondorita'an inyo koi alapi di propinsi Asia Kocit. Pondorita'an nantai kotakng borat sampai koi co sanggup botahatn. Koi putus asa, osonyo honda' mati ja'am.

Efesus 2:12

Watu nantai, kaitn bolupm mongonal Kristus. Kaitn ia'an urakng asikng, bukainyo warga banso Israel inyo dipilih Allah. Kaitn bukainyo urakng inyo bodapat la'apo pan inyo dijanjian Allah. Jadi, kaitn co nyiant harapan. Kaitn hidup di dunia ni'in kinyo mongonal Allah.

Efesus 2:19

Obai nantai, kaitn bukainyo urakng asikng agi'. Kaitn bukainyo urakng inyo jouh doi' Allah. Apo kaitn monjadi satu umant bosamo agatn boko urakng bukainyo inyo husus umputn Allah. Kaitn monjadi boko anggota koluarga Allah.

2 Timotius 1:15

Kolai udah mongotohu'i obai banya' urakng inyo pocayo di propinsi Asia udah monula' aku, tomansu' Figelus huatan Hermogenes.

Ibrani 11:13

Somuo urakng inyo disobutan tontai totap pocayo ko Allah biar pan sia' mati sobolupm sia' mondapat boko hal inyo dijanjian-Nyo. Sia' totap yakitn obai moniant doi' jouh obai Allah tajahan monopat'i janji-Nyo. Sia' monorima' nantai agatn sonang hati sampai sia' moaku'i sia' ia'an urakng asikng ongko porantau di bumi.

Yakobus 1:1

Pakai' somuo boko urakng inyo pocayo doi' koduo bolas suku umant Allah inyo tosebar di soluruh dunia. Salapm doi' ku, Yakobus, inyo molayati Allah ongko polayatn Yesus Kristus.

1 Petrus 2:11

Boko somadikan inyo ku kasihi. Kaitn samo sama'an urakng asikng diapm somontaro mo di dunia ni'in. Jadi, aku bondar-bondar momuhun ko kaitn oca' jangan monuruti boko kohonda' bukakng-tubuh inyo jahat. Somuo kohonda' nantai boparakng molawatn hati kaitn.

2 Petrus 1:1

Surat ni'in doi' ku, Simon Petrus, urakng inyo molayati Yesus Kristus. Aku pan diutus sobagai rasul-Nyo. Surat ni'in ko boko urakng inyo pocayo ko Yesus Kristus samo sama'an koi. Sio udah moonji'i kito kosompatan nantai obai Sio hala molabuhan inyo bondar. Sio nam Allah ongko Ponyolamant kito.

Wahyu 1:11

Saro nantai bopandir, “Kolai gola' monulis somuo hal inyo paca'an ditiatan ko kolai. Lalu, kolai gola' mongiripm buku nantai ko kotujuh jomaat ni'inan: Efesus, Smirna, Pergamus, Tiatira, Sardis, Filadelfia, ongko Laodikia.”