1 Korintus 9:8 - Porjanjian Boharu Torjomahan Baso Dilakng Soari-ari

⁸ Aku momandiran boko hal nantai kinyo bayo obai mansu' akal pakai' somuo monsio. Apo buku Hukupm Torat pan momandiran mongona'i nantai.

1 Korintus 9:8 ပူးပေါင်းရင်းမြစ်များ

Roma 3:31

Aman kito monjadi bondar obai kito pocayo, apobai nantai boroti kito bopikir obai Hukupm Torat kinyo ado gunonyo? Samo sokali cado! Sobali'nyo justru obai kito pocayo, jadi kito monuruti la'apo inyo Allah masud agatn moonju' Hukupm Torat.

Roma 3:5

Apo sama'an apo aman ado urakng inyo monggunoan pomikiran monsio, ongko bopandir sama'an ni'in, “Timpu kito jahat, hal nantai monunju'an obai Allah bondar. Jadi, aman Allah mohukupm kito, rotinyo Allah kinyo adil, pan?”

Roma 6:19

(Aku tohu kaitn ija' manah mongoroti boko hal rohani. Jadi, aku momakai contoh ni'in mongona'i hulutn oca' kaitn lobih mudah mongoroti.) Komai kaitn monyorahan diri kaitn monjadi hulutn dosa. Boko anggota bukakng kaitn digunoan pakai' bulah boko hal inyo kotor huatan jahat. Apo watu ni'in kaitn gola' monyorahan diri kaitn monjadi hulutn Allah oca' boko anggota bukakng-tubuh kaitn ulih digunoan pakai' bulah boko hal inyo bondar huatan borosih doi' dosa.

1 Korintus 14:34

Samo sama'an boko poraturan inyo dituruti somuo kolompok urakng pocayo. Watu kaitn bokumpul pakai' sombayakng, boko botina' gola' lolangunt. Sia' co ulih bopandir. Apo sia' gola' tundu'. Ni'in sosuai agatn pomandiran inyo ditulis di buku Hukupm Torat.

1 Korintus 7:40

Apo pondapatku botina' balu nantai paca'an lobih sonang hidupnyo aman io kinyo kawitn agi'. Aku bopikir pondapatku nantai doi' Roh Allah inyo monyoroto'i aku jam.

Galatia 1:11

Boko somadikan, aku somombondarnyo honda' oca' kaitn mongoroti mongona'i Kabar Boi' inyo aku boritoan. Kabar Boi' nantai kinyo bodasaran doi' pikiran monsio.

1 Tesalonika 2:13

Koi hala bosukur ko Allah obai timpu koi momboritoan Kabar Boi' ko kaitn, kaitn pocayo nantai bondar-bondar doi' Allah huatan bukainyo doi' pikiran monsio. Kopocaya'an kaitn nantai pan udah morubah caro hidup kaitn.

1 Tesalonika 4:8

Jadi, aman ado di antaro kaitn inyo monula' ajaran ni'in, io kinyo monula' monsio apo io monula' Allah. Ingantcam! Allah jam inyo moonji'i Roh-Nyo inyo suci ko kaitn.