1 Korintus 9:27 - Porjanjian Boharu Torjomahan Baso Dilakng Soari-ari

²⁷ Apo aku molatih bukakng-tubuhku agatn koras. Aku mongondalian diriku. Aku molabuhan boko hal nantai oca' lopas momboritoan Kabar Boi' ko urakng bukai, jangan sampai aku malahan kinyo cucu' di hadapan Allah.

1 Korintus 9:27 ပူးပေါင်းရင်းမြစ်များ

Roma 8:13

Obai, aman kaitn hidup monuruti kohonda' monsio, kaitn tajahan mati bosongkayo doi' Allah. Apo agatn potulukan doi' Roh Allah, kaitn gola' moninggalan boko porbuatan kaitn inyo jahat nantai. Aman kaitn molabuhan nantai, jadi kaitn tajahan mondapat'an kohidupan inyo kokal.

1 Korintus 9:25

Ubo nian jam, somuo urakng inyo tuyut dalapm potandikan gola' mongondalian diri dalapm somuo hal pakai' bolatih koras. Sia' molabuhan nantai pakai' mondapat'an hadiah. Hadiah sia' kinyo tahatn manah. Apo kito inyo pocayo mongondalian diri dalapm somuo hal oca' bodapat hadiah inyo kinyo paca'an rusa' somanah-manahnyo.

Kolose 3:5

Obai nantai, kaitn gola' momastian caro hidup kaitn inyo manah nantai bondar-bondar udah mati. Jangan dikuaso'i boko kohonda' duniawi, sama'an: bomporajoan, boko kolaku'an inyo kinyo sonunuh, hawa napsu, kohonda' jahat, kaha' agatn duit. Kohonda' pakai' duit nantai samo ja'am agatn monyombah boko duato.

1 Petrus 2:11

Boko somadikan inyo ku kasihi. Kaitn samo sama'an urakng asikng diapm somontaro mo di dunia ni'in. Jadi, aku bondar-bondar momuhun ko kaitn oca' jangan monuruti boko kohonda' bukakng-tubuh inyo jahat. Somuo kohonda' nantai boparakng molawatn hati kaitn.

1 Korintus 8:13

Obai nantai, aman la'apo inyo aku pua'i bulah salah siku' doi' sia' bodosa, aku co paca'an bopua' dagikng agi' soumur hidupku. Bolai'ku bulah urakng bukai inyo pocayo bodosa.

Lukas 9:25

Ado urakng inyo kinyo honda' monjadi murid-Ku obai honda' mondapat'an somuo hal di dunia ni'in. Sobondarnyo io kinyo botuah. Obai io co ulih bodapat kohidupan somanah-manahnyo di sorugo.

2 Timotius 2:22

Timotius, padohan sonjumpat'an kolaku'an urakng muda' inyo jahat. Apo bousahacam oca' kolai bulah inyo bondar di hadapan Allah. Totap sotia ko Allah huatan kasihicam urakng bukai. Bousahacam oca' hidup damai agatn urakng bukai. Labuhancam somuo nantai bosamo agatn boko urakng inyo monyombah Tuhatn agatn hati inyo somombondarannyo.

2 Korintus 11:27

Aku bosusah payah, bokorojo koras, opat kurakng tidu', opat kolaparan ongko korahakan, opat co makatn, opat kodinginan obai pakai'anku kinyo cukup.

2 Petrus 2:15

Sia' udah moninggalan caro hidup inyo bondar. Sia' tuyut caro hidup inyo salah. Sia' tuyut caro hidup Bileam, ana' Beor. Timpu joman komai, nabi Bileam nantai opat monorima' upah doi' porbuatan inyo jahat.

Lukas 18:5

Apo botina' balu ni'in hala mongganggu' aku. Jadi, lobih boi' aku monorima' pongaduannyo. Aman cado, io tajahan hala datakng ongko monyusahan aku.’ ”