1 Korintus 9:21 - Porjanjian Boharu Torjomahan Baso Dilakng Soari-ari

²¹ Aman aku bosamo agatn boko urakng inyo hidup bebas doi' tuntutan pakai' monaati Hukupm Torat, aku pan hidup bebas doi' tuntutan monaati Hukupm Torat. Aku molabuhan nantai oca' monulukng sia' pakai' pocayo ko Yesus. Apo sobondarnyo aku kinyo bebas doi' monaati Porintah Allah. Aku sobondarannyo monaati Porintah Kristus.

1 Korintus 9:21 ပူးပေါင်းရင်းမြစ်များ

Roma 2:12

Obai somuo urakng inyo bodosa co bohukupm Torat paca'an bonaso agatn kinyo bohukupm Torat; agatn somuo urakng inyo bodosa di babah hukupm Torat paca'an di hakipi ulih hukupm Torat

Galatia 3:2

Timbasibo potakutanku ni'in: Ma'apo kaitn monorima' Roh Allah? Apobai kaitn monorima' Roh Allah obai kaitn monaati somuo porintah huatan poraturan Allah inyo ditulis Musa dalapm buku Hukupm Torat? Samo sokali cado! Kaitn monorima' Roh Allah obai kaitn pocayo Kabar Boi' mongona'i Yesus inyo aku boritoan ko kaitn!

Roma 2:14

Memang urakng inyo bukai Yahudi kinyo mondapat Hukupm Torat. Apo aman sia' ado kohonda' sia' siku' hidup sosuai agatn Hukupm Torat, jadi sia' monunju'an obai hati sia' sikuꞌ mombimbikng sia' samo sama'an Hukupm Torat mombimbikng urakng Yahudi.

Roma 8:4

Allah molabuhan somuo nantai oca' kito ulih hidup agatn caro inyo dimasud dalapm Hukupm Torat, ia'an nantai kito inyo hidup agatn caro inyo bondar, co monuruti kohonda' monsio apo monuruti Roh Allah.

Roma 7:22

Dalapm diriku, aku honda' somuo porintah huatan poraturan Allah dalapm Hukupm Torat.

Kisah Boko Rasul 21:25

Sodakan mongona'i boko urakng inyo bukainyo urakng Yahudi inyo udah pocayo agatn Yesus, koi udah bulah surat ko sia'. Dalapm surat nantai, koi monjolasan koputusan koi mongona'i boko porintah inyo mono gola' ditaati sia'. Ia'an, jangan bomporajoan. Jangan momua'i pomakatn inyo diposombahan ko boko duato. Jangan momua'i dagikng bonatakng inyo mati dikoci'. Jangan momua'i darah.”

Kisah Boko Rasul 16:4

Jadi, Paulus, Silas ongko Timotius botula' doi' kota ko kota bukai mondataki boko jomaat di doerah nantai. Sia' monyampaian koputusan boko rasul huatan boko ponotua' doi' Yerusalem. Sia' monosihat'i boko jomaat oca' koputusan nantai dituruti.

Ibrani 8:10

Apo lopas watu nantai, sama'an ni'inan pojanjian inyo paca'an Aku pulah agatn umant Israel: Aku paca'an molota'an boko porintah-Ku dalapm pikiran sia'. Aku paca'an monulisnyo dalapm hati sia'. Aku paca'an monjadi Allah sia'. Sia' paca'an monjadi umant-Ku.

Kisah Boko Rasul 15:28

Koi inyo diirikan Roh Allah udah bulah koputusan ni'in: Kaitn kinyo gola' diposo monaati somuo poraturan agama Yahudi. Apo ado boboropo doi' poraturan nantai inyo pontikng ditaati.

Galatia 6:2

Kohonda'nyo kaitn gola' hala bontulukan, monulukng kosusahan urakng bukai. Nantaiam kaitn hidup sosuai agatn porintah Kristus pakai' salikng mongasihi.