1 Korintus 9:19 - Porjanjian Boharu Torjomahan Baso Dilakng Soari-ari

¹⁹ Sobondarnyo aku kinyo hulutn sopo pan. Apo aku bulah diriku monjadi hulutn somuo urakng. Aku molabuhan nantai oca' monulukng lobih banya' urakng sampai sia' pocayo ko Yesus.

1 Korintus 9:19 ပူးပေါင်းရင်းမြစ်များ

Galatia 5:13

Boko somadikan, kaitn udah dipilih Allah pakai' monjadi urakng inyo bebas. Apo nantai kinyo boroti kaitn bebas pakai' hidup sosuai agatn kohonda' diri kaitn inyo jahat. Sobali'nyo, hala molayati siku'-monyiku' agatn ponuh kasih.

Matius 18:15

“Aman somadikan kaitn bulah dosa, botula'cam socaro sonsiku'an ko io pakai' monosihat'i io. Aman io mondinga'an kaitn, ongko kaitn udah moarahan io agi' pakai' hidup agatn caro inyo bondar.

1 Korintus 10:33

Pulahcam samo sama'an inyo ku pulah. Aku hala bousaha oca' somuo porbuatanku kinyo bulah sopo pan tosinggukng. Aku hala moutamoan inyo toboi' pakai' urakng banya', daripado inyo toboi' pakai' diriku siku'. Aku molabuhan somuo nantai oca' sia' ulih disolamant'an.

1 Timotius 4:16

Jagocam diri kolai oca' kolai hidup agatn caro inyo boi' huatan oca' kolai mongajar boko ajaran inyo bondar. Totap labuhan somuonyo nantai agatn sotia. Agatn caro nantai, Allah paca'an monyolamant'an kolai huatan monyolamant'an boko urakng inyo mondinga'an ajaran kolai.

2 Timotius 2:10

Jadi, aku botahatn mohadapi somuo macapm ajab sonsaro oca' boko urakng inyo dipilih Allah dapat kosolamant'an molalu'i Kristus Yesus huatan hidup tohormat somanah-manahnyo.

2 Korintus 4:5

Obai bukainyo diri koi siku' inyo koi boritoan. Apo, koi momboritoan mongona'i Yesus Kristus sobagai Tuhatn. Sio inyo moutus koi pakai' monjadi polayatn kaitn.

1 Petrus 3:1

Ubo nian jam, kaitn boko bini: Kaitn gola' mohormati laki kaitn sobagai kopala' koluarga, biar pan laki kinyo monuruti Pomandiran Allah. Kaitn gola' molabuhan nantai oca' sia' dapat monjadi pocayo. Kaitn pompadohan mongatoan la'apo pan ko sia'.

1 Korintus 9:1

Allah udah mombebasan aku. Malahan aku udah moniant Yesus, Tuhatn kito. Aku bondar-bondar rasul inyo diutus Tuhatn. Malahan, kaitn pan ia'an hasil pokoroja'an inyo ku labuhan bagi Tuhatn.

Roma 1:14

Aku mooso wajib molayati somuo urakng, ia'an urakng Yunani damo urakng doi' boko banso inyo bukainyo Yunani, urakng inyo bopondidikan damo urakng inyo co bopondidikan.

Galatia 5:1

Kristus udah mombebasan kito oca' kito bondar-bondar bebas. Obai nantai am, jangan bobali' agi' samo sama'an hulutn inyo gola' momikul bobatn.

1 Korintus 7:16

Obai co nyiant inyo tohu la'apo inyo paca'an tojadi. Hai boko bini, kaitn mungkitn ja'am bulah laki kaitn disolamant'an. Hai boko laki, kaitn mungkitn ja'am bulah bini kaitn disolamant'an.

Roma 11:14

Agatn ubo nian, aku mungkitn ulih bulah banso ku siku' monjadi tungi. Aku boharap agatn boboropo urakng doi' sia' honda' pocayo ko Yesus jam sampai sia' monjadi solamant.

1 Korintus 10:29

Kohonda'ku cado saro hati kocit kolai, apo saro hati kocit urakng nantai. Mongkitn ado doi' kaitn inyo botakutn, “Hibo kobebasaku gola' dibatasi ulih saro hati kocit urakng bukai?

2 Korintus 4:15

Koi mohadapi somuo pondorita'an nantai pakai' koboi'an kaitn. Nantai tojadi oca' mongkitn banya' urakng moalapi koboi'an Allah. Jadi, lobih banya' urakng bosukur ko Allah. Agatn ubo nantai, Sio dimuliaan.

2 Korintus 12:14

Porotianbo! Aku udah siap monjongu' kaitn kotigo kalinyo. Timpu nantai, aku totap kinyo tajahan jadi bobatn pakai' kaitn. Obai, aku cuku goyap kodampuan kaitn apo aku monggoyapi kaitn. Nantai wajar, obai kaitn samo sama'an boko bobia'ku. Boko bobia' kinyo gola' mongumpulan kodampuan pakai' urakng tuhonyo. Urakng tuhonam inyo gola' mongumpulan kodampuan pakai' poana'annyo.