1 Korintus 9:16 - Porjanjian Boharu Torjomahan Baso Dilakng Soari-ari

¹⁶ Masudku, aku co bohak bompangkakan diri watu momboritoan Kabar Boi' doi' Allah. Obai, nantai inyo memang soharusnyo ku labuhan. Biar pan aku colako aman co momboritoan Kabar Boi' nantai.

1 Korintus 9:16 ပူးပေါင်းရင်းမြစ်များ

Roma 1:14

Aku mooso wajib molayati somuo urakng, ia'an urakng Yunani damo urakng doi' boko banso inyo bukainyo Yunani, urakng inyo bopondidikan damo urakng inyo co bopondidikan.

Kolose 4:17

Lopas nantai sampaian posatn ni'in ko somadikan kito Arkhipus, “Pontiat'ancam boboi' oca' kolai monyolosaian tugas polayatan inyo Tuhatn onju' ko kolai.”

Lukas 9:62

Apo Yesus bopandir, “Aman siku' urakng pombajak mongilikng ko bolikat, io kinyo boguno. Samo jam, aman siku' urakng murid-Ku mongilikng ko bolikat, honda' bobali' ko boko hal inyo udah ditinggalan, io kinyo boguno pakai' Koraja'an Allah.”

Kisah Boko Rasul 4:20

Koi duo co paca'an langunt. Koi gola' momboritoan la'apo inyo udah koi tiat huatan dinga' doi' Yesus.”

Roma 15:17

Obai nantai, aku bangga mongona'i polayatan inyo Kristus Yesus kona'an ko aku pakai' Allah.

Kisah Boko Rasul 9:15

Apo Tuhatn bopandir ko io, “Botula'cam, obai Aku udah momilih io. Io paca'an monjadi hulutn-Ku. Io paca'an momboritoan mongona'i Aku ko boko urakng inyo kinyo Yahudi. Io pan paca'an momboritoan ko boko rajo sia'. Io paca'an momboritoan ko boko urakng Yahudi jam.

Kisah Boko Rasul 9:6

Ni'inan bodiritncam. Mansu' ko kota nantai. Di su'utn paca'an ado urakng inyo momadahan la'apo inyo gola' kolai labuhan.”

Roma 4:2

Soandainyo Abrahapm monjadi bondar obai porbuatannyo, jadi io ado alasan pakai' moninggian diri. Apo sobondarnyo, conyiant alasan pakai' Abrahapm moninggian diri di hadapan Allah.

1 Korintus 4:15

Biar pan kaitn ado boribuan urakng inyo mombimbikng kaitn pakai' jumpat Kristus, apo co nyiant urakng inyo samo sama'an Bopai kaitn. Ongkah aku inyo monjadi Bopai kaitn obai aku ninam urakng potamo inyo momboritoan ko kaitn Kabar Boi' mongona'i Kristus Yesus.

1 Korintus 9:12

Aman urakng bukai bohak mondapat'an kopontikan hidup nantai doi' kaitn, sobondarnyo koi lobih bohak agi' mondapat'an kopontikan hidup nantai doi' kaitn. Apo koi co kalo monuntut hak nantai. Koi totap monanggukng la'apo pan. Obai, koi co honda' bulah sosuatu inyo ulih mohalaki urakng mondinga' Kabar Boi' mongona'i Kristus.

1 Korintus 9:14

Samo sama'an nantai jam, Tuhatn Yesus udah bulah poraturan ni'in: Boko urakng inyo momboritoan Kabar Boi', sia' bohak mondapat'an kopontikan hidup doi' pokoroja'an nantai.

2 Korintus 2:12

Timpu aku ko kota Troas pakai' momboritoan Kabar Boi' mongona'i Kristus, Tuhatn udah monunju'an jalatn pakai' molayati Sio di su'utan.

Matius 25:16

Hulutn inyo monorima' lima' ribu pingkai' duit nantai, lansukng botula' huatan monjadiannyo modal usaha. Io bodapat kountukan lima' ribu pingkai' duit agi'.