1 Korintus 9:14 - Porjanjian Boharu Torjomahan Baso Dilakng Soari-ari

¹⁴ Samo sama'an nantai jam, Tuhatn Yesus udah bulah poraturan ni'in: Boko urakng inyo momboritoan Kabar Boi', sia' bohak mondapat'an kopontikan hidup doi' pokoroja'an nantai.

1 Korintus 9:14 ပူးပေါင်းရင်းမြစ်များ

Matius 10:10

Jangan mombaba' tas pobokalan, pakai'an posalitn, sandal ponggonti, damo tungkah. Jangan dibaba' somuo nantai obai sotiap urakng bokorojo totap mondapat pomakatn.

Galatia 6:6

Urakng inyo monorima' ajaran doi' Allah gola' monulukng kohidupan urakng inyo mongajarnyo.

1 Korintus 9:4

Sobondarnyo koi bohak pakai' mondapat'an pomakatn huatan minum doi' boko urakng pocayo inyo koi layati.

Lukas 10:7

Sopo aja' inyo monorima' kaitn dalapm rumah, bodiapm di santai ja'am sampai kaitn botula' doi' tompat nantai. Jangan bopindah-pindah doi' rumah ko rumah. Samo sama'an siku' urakng inyo bokorojo bohak monorima' upah, kaitn pan bohak monorima' tanggaian doi' boko urakng watu kaitn momboritoan mongonaꞌi Koraja'an Allah. Apo pua'i ja'am la'apo inyo sia' onju' ko kaitn.

Lukas 10:8

Di kota mono aja' kaitn ditorima' agatn boi', makatn la'apo aja' inyo tongahan pakai' kaitn.

Kisah Boko Rasul 18:3

Pokoroja'an sia' samo sama'an Paulus. Sia' bulah tenda pakai' dijual. Jadi, Paulus tinggal huatan bokorojo bosamo sia'.

1 Korintus 4:15

Biar pan kaitn ado boribuan urakng inyo mombimbikng kaitn pakai' jumpat Kristus, apo co nyiant urakng inyo samo sama'an Bopai kaitn. Ongkah aku inyo monjadi Bopai kaitn obai aku ninam urakng potamo inyo momboritoan ko kaitn Kabar Boi' mongona'i Kristus Yesus.

1 Korintus 9:11

Jadi, aman koi udah monanam Kabar Boi' ko kaitn, aku pikir kinyo bolobihan aman koi boharap potulukan hidup doi' kaitn.

1 Korintus 9:12

Aman urakng bukai bohak mondapat'an kopontikan hidup nantai doi' kaitn, sobondarnyo koi lobih bohak agi' mondapat'an kopontikan hidup nantai doi' kaitn. Apo koi co kalo monuntut hak nantai. Koi totap monanggukng la'apo pan. Obai, koi co honda' bulah sosuatu inyo ulih mohalaki urakng mondinga' Kabar Boi' mongona'i Kristus.

1 Korintus 9:16

Masudku, aku co bohak bompangkakan diri watu momboritoan Kabar Boi' doi' Allah. Obai, nantai inyo memang soharusnyo ku labuhan. Biar pan aku colako aman co momboritoan Kabar Boi' nantai.

2 Korintus 2:12

Timpu aku ko kota Troas pakai' momboritoan Kabar Boi' mongona'i Kristus, Tuhatn udah monunju'an jalatn pakai' molayati Sio di su'utan.

1 Tesalonika 1:5

Obai watu koi momboritoan Kabar Boi' ko kaitn, koi kinyo bayo momakai boko pomandiran koi modas. Apo kuaso Roh Allah monulukng koi monyampaiannyo huatan koi kotakng yakitn aman Kabar Boi' nantai bondar. Kaitn mongotohu'i somuo nantai obai kaitn udah moniant caro hidup koi. Watu koi ado di antaro kaitn, koi molayati kaitn.