1 Korintus 9:12 - Porjanjian Boharu Torjomahan Baso Dilakng Soari-ari

¹² Aman urakng bukai bohak mondapat'an kopontikan hidup nantai doi' kaitn, sobondarnyo koi lobih bohak agi' mondapat'an kopontikan hidup nantai doi' kaitn. Apo koi co kalo monuntut hak nantai. Koi totap monanggukng la'apo pan. Obai, koi co honda' bulah sosuatu inyo ulih mohalaki urakng mondinga' Kabar Boi' mongona'i Kristus.

1 Korintus 9:12 ပူးပေါင်းရင်းမြစ်များ

2 Korintus 11:12

Apo ninam alasan ku co kalo minto duit doi' kaitn samo sama'an boko urakng totontu nantai: Ia'an nantai, oca' sia' conyiant kosompatan pakai' momuji diri agatn bopandir sia' samo sama'an koi.

1 Korintus 9:18

Jadi, la'apo upahku? Upahku ia'an aku dionji'i kosompatan pakai' momboritoan Kabar Boi' biar pan co nyiant bayaran! Nantaiam alasanku kinyo monuntut hakku pakai' mondapat'an kopontikan hidup doi' pokoroja'an nantai.

1 Korintus 9:15

Apo aku co kalo monuntut hak nantai. Aku pan kinyo monulisan ni'in oca' kaitn mula'i moonji'i bantu'an ko aku. Lobih boi' aku mati daripado nantai. Co nyiant urakng inyo ulih mohilakan porasa'an bompangkakanku nantai.

1 Korintus 9:2

Mungkitn ado urakng bukai inyo kinyo moaku'i aku sobagai rasul. Apo pasti kaitn moaku'i aku sobagai rasul. Obai, hidup kaitn di dalapm Tuhatn ia'an buti aku ni'inam rasul.

2 Korintus 11:20

Kaitn siap monorima' boko urakng nantai inyo momacalan kaitn, inyo monguaso'i kaitn, inyo monipu goyap kountukan doi' kaitn, inyo ongkah bompopangkakng am, inyo mohanyam kaitn.

2 Korintus 6:3

Koi kinyo honda' polayatan koi disalahan. Obai nian, koi bousaha kinyo moonji'i alasan ko sosopo pan pakai' molabuhan hal nantai.

1 Korintus 6:7

Jangan pan botula' bopokaro ko urakng inyo bukai umputn Allah, aman ado potikakan di antaro kaitn boroti kaitn udah gagal. Lobih boi' kaitn dipolakuan co adil damo dirugian.

Roma 15:22

Obai polayatanku nantai, lalu hala ado halakan sampai culihku monjongu' kaitn.

Kisah Boko Rasul 18:3

Pokoroja'an sia' samo sama'an Paulus. Sia' bulah tenda pakai' dijual. Jadi, Paulus tinggal huatan bokorojo bosamo sia'.

Lukas 11:52

“Allah tajahan mohukupm kaitn boko guru agama Yahudi, obai ponyongkal pakai' mombuka' lawakng pongotohuan mongonaꞌi Allah kaitn kuti', apo kaitn siku' kinyo honda' mansu' ko dalapm pakai' bogoyap pongotohuan nantai. Sobali'nyo kaitn hala mohalaki boko urakng inyo bousaha mansu'.”

1 Korintus 9:14

Samo sama'an nantai jam, Tuhatn Yesus udah bulah poraturan ni'in: Boko urakng inyo momboritoan Kabar Boi', sia' bohak mondapat'an kopontikan hidup doi' pokoroja'an nantai.

1 Korintus 9:16

Masudku, aku co bohak bompangkakan diri watu momboritoan Kabar Boi' doi' Allah. Obai, nantai inyo memang soharusnyo ku labuhan. Biar pan aku colako aman co momboritoan Kabar Boi' nantai.

1 Korintus 13:7

Urakng inyo mongasihi nantai ia'an urakng inyo ulih tahatn mohadapi la'apo pan. Io hala pocayo. Io hala yakitn huatan boharap ko Allah dalapm somuo koadaan. Io hala sabar mohadapi la'apo pan.

2 Korintus 2:12

Timpu aku ko kota Troas pakai' momboritoan Kabar Boi' mongona'i Kristus, Tuhatn udah monunju'an jalatn pakai' molayati Sio di su'utan.