1 Korintus 9:11 - Porjanjian Boharu Torjomahan Baso Dilakng Soari-ari

¹¹ Jadi, aman koi udah monanam Kabar Boi' ko kaitn, aku pikir kinyo bolobihan aman koi boharap potulukan hidup doi' kaitn.

1 Korintus 9:11 ပူးပေါင်းရင်းမြစ်များ

Roma 15:27

Agatn sonang hati, urakng bukainyo urakng Yahudi nantai bulah koputusan pakai' monulukng urakng Yahudi. Memang sia' wajib molabuhan nantai obai ubonyo sia' bohutakng ko urakng Yahudi. Masudku, urakng Yahudi ado hubukan agatn Allah ongko sia' mombagian borokat nantai agatn urakng bukainyo urakng Yahudi. Obai nantai, urakng bukainyo urakng Yahudi wajib mombagian borokat doi' dunia ni'in pakai' monulukng urakng Yahudi.

Galatia 6:6

Urakng inyo monorima' ajaran doi' Allah gola' monulukng kohidupan urakng inyo mongajarnyo.

2 Korintus 11:15

Jadi, kinyo hiratn aman boko urakng inyo molayati Rajo Sitatn bulah samo sama'an nantai jam. Sia' bulah urakng bopikir, sia' nantai boko rasul inyo mongajar mongona'i hidup inyo bondar di hadapan Allah. Ahirnyo, sia' paca'an monorima' hukupan sosuai agatn boko porbuatan sia' inyo jahat.

Matius 10:10

Jangan mombaba' tas pobokalan, pakai'an posalitn, sandal ponggonti, damo tungkah. Jangan dibaba' somuo nantai obai sotiap urakng bokorojo totap mondapat pomakatn.

1 Korintus 9:14

Samo sama'an nantai jam, Tuhatn Yesus udah bulah poraturan ni'in: Boko urakng inyo momboritoan Kabar Boi', sia' bohak mondapat'an kopontikan hidup doi' pokoroja'an nantai.

Filipi 4:17

Aku momandiran nantai bukainyo pakai' bogoyap bantu'an agi' doi' kaitn. Apo aku honda' oca' Tuhatn somongkitn momborokati kaitn obai kaitn udah monulukngku.