1 Korintus 8:9 - Porjanjian Boharu Torjomahan Baso Dilakng Soari-ari

⁹ Jadi, kaitn memang bebas aman honda' makatn. Apo, ingant agatn kaitn co bulah sia' inyo kurakng yakitn nantai molabuhan kosalahan.

1 Korintus 8:9 ပူးပေါင်းရင်းမြစ်များ

Galatia 5:13

Boko somadikan, kaitn udah dipilih Allah pakai' monjadi urakng inyo bebas. Apo nantai kinyo boroti kaitn bebas pakai' hidup sosuai agatn kohonda' diri kaitn inyo jahat. Sobali'nyo, hala molayati siku'-monyiku' agatn ponuh kasih.

1 Petrus 2:16

Kohonda'nyo kaitn hidup sobagai urakng merdeka, apo jangannam momakai komordekaan nantai pakai' monutupi kojahatan, apo hidup cam sobagai hulutn Allah.

2 Petrus 2:19

Boko guru palsu nantai bojanji obai urakng inyo tuyut ajaran sia' paca'an hidup bebas. Apo sia' siku' samo sama'an hulutn obai dosa udah mongalahan sia'. Sama'an inyo dipandiran: urakng monjadi hulutn ko sopo aja' inyo mongalahannyo.

1 Korintus 10:24

Jadi, watu kaitn molabuhan sosuatu, pikiran cam mongona'i inyo boi' pakai' urakng bukai, daripado inyo toboi' pakai' diri kaitn siku'.

1 Korintus 10:32

Jangan molabuhan sosuatu inyo monyinggukng hati urakng bukai, boi' nantai urakng Yahudi, sama'an nian jam urakng Yunani huatan boko urakng dalapm kolompok urakng inyo pocayo ko Yesus.

1 Korintus 9:22

Aman aku bosamo agatn boko urakng inyo lomah, aku hidup samo sama'an urakng inyo lomah. Aku molabuhan nantai oca' monulukng sia' pakai' pocayo ko Yesus lobih kuat. Pokoknyo, aku monyosuaian diri agatn caro hidup somuo urakng inyo aku layati. Aku molabuhan nantai oca' ado boboropo urakng di antaro sia' inyo disolamant'an.

1 Korintus 8:12

Jadi, aman kaitn bodosa tohadap urakng bukai inyo pocayo apo hatinyo kurakng pocayo, nantai samo sama'an kaitn bodosa tohadap Kristus.

1 Korintus 8:10

Misalnyo, aman ado urakng inyo hatinyo kurakng yakitn lopas nantai moniant kolai tongahan dudu' makatn di dalapm rumah adat, kolai paca'an bohiri'i io oca' jumpat makatn jam, io mooso hal nantai salah.

Wahyu 2:14

Apo, Aku moolikan kaitn obai boboropo hal ni'in: Ado boboropo urakng di antaro kaitn inyo tuyut ajaran salah samo sama'an ajaran Bileam joman komai. Bileam mongajar Balak pakai' bulah urakng Israel jatu' ko dalapm dosa, ia'an oca' sia' bopua' dagikng doi' bonatakng inyo diposombahan ko songiang-duato, ongko oca' sia' bulah dosa bomporajoan.

2 Korintus 11:21

Koi co boulahan kaitn ubo nian. Dalapm hal sama'an nantai koi memang lomah. Apo aman boko urakng totontu nantai borani momuji diri sia' jadi aku pan borani jam. (Rotinyo aku bopandir samo sama'an urakng inyo budu!)

1 Korintus 10:29

Kohonda'ku cado saro hati kocit kolai, apo saro hati kocit urakng nantai. Mongkitn ado doi' kaitn inyo botakutn, “Hibo kobebasaku gola' dibatasi ulih saro hati kocit urakng bukai?

Roma 15:1

Kito inyo kuat gola' monulukng urakng inyo kurakng kuat. Kito gola' momporhatian lapo inyo boi' pakai' monulukng urakng bukai monjadi lobih kuat pocayo. Kito gola' bousaha monyonangan siku'-monyiku'. Jangan kito bayo monyonangan diri kito siku'.

Matius 18:10

Ingantcam, jangan mohayam salah siku' doi' boko urakng kocit ni'in. Obai, dinga'anbo ni'in: Ado boko molekat di sorugo inyo monjago'i sia'. Boko molekat nantai hala ado di hadapan Bopai-Ku di sorugo. [

1 Korintus 10:28

Apo aman ado urakng bukai inyo momadahan ko kaitn, “Pomakatn ni'in udah diposombahan ko boko duato.” Jangan am dipua'i pomakatn nantai biar pan kolai kinyo bosalah aman momua'inyo. Obai kolai gola' borotian kopontikan urakng nantai huatan saro hati kocit.

2 Korintus 6:3

Koi kinyo honda' polayatan koi disalahan. Obai nian, koi bousaha kinyo moonji'i alasan ko sosopo pan pakai' molabuhan hal nantai.

2 Korintus 11:29

Aman ado anggota jomaat inyo lomah aku pan jumpat lomah jam. Aman ado anggota jomaat inyo disosatan, pasti hatiku oso ropu'-lolo.

Kolose 2:8

Boboi'cam jangan ado urakng inyo mongontumbuki kaitn agatn ajaran inyo kinyo boguno, ajaran inyo salah. Boko ajaran nantai doi' pondapat monsio, doi' boko roh inyo bokuaso di dunia ni'in, kinyo doi' Kristus.