1 Korintus 8:6 - Porjanjian Boharu Torjomahan Baso Dilakng Soari-ari

⁶ Apo pakai' kito, bayo ado siku' mo Allah, ia'an Allah Bopai kito. Sio inyo monjadian somuo hal. Kito hidup pakai' monyombah Sio. Pakai' kito, bayo ado siku' Tuhatn, ia'an Yesus Kristus. Somuo hal dipulah molalu'i Yesus Kristus. Kito bodapat hidup inyo sobondarannyo obai Yesus Kristus.

1 Korintus 8:6 ပူးပေါင်းရင်းမြစ်များ

Matius 11:27

Ongko Yesus bopandir ko boko urakng, “Bopai-Ku udah moonju' somuo hal ko Aku. Co nyiant siku' pan inyo mongonal Ana' solaitn Bopai, nyiant siku' pan inyo mongonal Bopai solaitn Ana', huatan boko urakng inyo dipokonalan Ana' agatn Bopai.

Matius 28:18

Yesus mohampiki sia' huatan bopandir, “Allah udah moonji'i kuaso ko Aku di sorugo ongko di bumi.

Yohanes 1:10

Sio ado di dunia. Dunia dipulah molalu'i Sio. Apo, boko urakng di dunia kinyo mongonal Sio.

Yohanes 1:3

Allah mombulah somuo la'apo pan molalu'i Sio. Conyiant Sio, conyiant ado la'apo pan inyo ulih dipulah.

Yohanes 10:30

Aku huatan Bopai-Ku siku'mo.”

Yohanes 13:13

Kaitn moningkau Aku, ‘Guru’ huatan ‘Tuhatn’. Nantai bondar, obai Aku memang Guru huatan Tuhatn.

Yohanes 14:20

Timpu nantai, kaitn paca'an tohu obai Aku bosatu agatn Bopai, kaitn bosatu agatn Aku, huatan Aku bosatu agatn kaitn.

Yohanes 17:3

Ninam hidup inyo kokal, ia'an obai sia' mongonal ongkah Duatam Allah inyo bondar, huatan pan obai sia' mongonal Yesus Kristus inyo udah Duatn utus.

Yohanes 20:17

Kato Yesus ko io, “Jangan moncanggapm Aku obai Aku bolupm noi' ko Bopai. Apo, botula'cam ko boko somadikan-Ku. Padahan ko sia' obai ni'in Aku paca'an botula' ko Bopai-Ku, Sio pan Bopai kaitn jam. Sio nam Allah-Ku huatan Allah kaitn jam.”

Kisah Boko Rasul 17:28

Obai Sio inyo moonji'i hidup ko kito, bulah kito mampu bogora' huatan moijitan kito ado di bumi. Samo sama'an ponulis puisi urakng kaitn inyo mangatoan, ‘Kito somuo ni'in boko koturutan-Nyo.’

Kisah Boko Rasul 2:36

Ongko Petrus monyimpulan, Obai somuo buti nantai, ongko somuo urakng Israel gola' tohu ni'in agatn pasti: Allah monotap'an Yesus monjadi Tuhatn inyo bokuaso. Allah jam monotap'an Yesus monjadi Kristus, ia'an golar pakai' Rajo Inyo Udah Dijanjian Allah doi' joman komai. Apo kaitn bulah Sio dihukupm mati di kayu salib.”

Kisah Boko Rasul 5:31

Yesus udah noi' ko sorugo ongko dudu' di tompat inyo kotakan tohormat di sopia' kanan Allah. Allah moonji'i kuaso ko Yesus pakai' momimpitn ongko monyolamant'an urakng. Allah molabuhan nantai oca' kito urakng Israel mondapat kosompatan pakai' diamputi, ia'an aman kito botongga' bulah dosa ongko monuruti Allah.

Roma 11:36

Obai, boko la'apo pan dipulah Allah. Somuonyo boasal doi' Allah ongko pakai' Allah. Topujicam Sio somanah-manahnyo! Amin.

1 Korintus 12:3

Obai nantai, aku gola' mongajar kaitn mongona'i ubo apo caro Roh Allah bokorojo dalapm hidup urakng inyo pocayo. Aman ado urakng inyo bondar-bondar dikuaso'i Roh Allah, pasti urakng nantai kinyo paca'an bopandir, “Yesus cucu'mo dihukupm!” Sobali'nyo, aman ado urakng inyo bopandir, “Yesus nantai Tuhatn inyo bokuaso!” pasti urakng nantai bondar-bondar dikuaso'i Roh Allah.

1 Korintus 6:13

Pomakatn dipulah pakai' moisi'i porut kito. Porut kito dipulah pakai' mooso'i pomakatn: Apo Allah paca'an mohancuran kododuonyo. Allah co bulah bukakng-tubuh kito pakai' bomporajoan. Bukakng-tubuh kito dipulah pakai' molabuhan boko hal inyo monyonangan Tuhatn Yesus. Tuhatn inyo monguaso'i bukakng-tubuh kito.

1 Korintus 8:4

Nah, mongona'i potakutan ni'in: Ulih cado kito bopua' dagikng bonatakng inyo diposombahan ko boko duato? Kito tohu, “co nyiant boko duato di dunia ni'in inyo bondar-bondar hidup.” Kito pan tohu, “Bayo ado siku' mo Allah inyo bondar. Co nyiant am inyo bukai.”

Efesus 1:3

Topujiam Allah, ia'an Bopai doi' Yesus Kristus, Tuhatn inyo bokuaso di pucu' kito. Allah udah moonji'i ko kito somuo borokat rohani doi' sorugo dalapm Kristus.

Efesus 3:14

Obai nantai aku tundu' monyungkapan di hadapan Allah Bopai.

Kolose 1:6

inyo udah disampaian ko kaitn. Kabar Boi' nantai tongahan diboritoan di mono-mono sampai bokombakng huatan bobuah. Sama'an nantaiam jam inyo tojadi di antaro kaitn, doi' watu kaitn mondinga' Kabar Boi' nantai lalu mongoroti koboi'an Allah inyo sobondarnyo.

1 Petrus 1:21

Ia'an, kaitn dapat monjadi pocayo ko Allah obai porbuatan Kristus nantai. Allah udah bulah Sio hidup agi' doi' antaro urakng mati lalu mombulah Sio monjadi mulia. Agatn ubo nantai, kaitn pocayo huatan boharap ko Allah.

Wahyu 1:18

Aku ninam inyo Hidup. Aku udah mati, apo porotiancam, Aku hidup pakai' somanah-manahnyo. Aku monjujut kunci huatan bokuaso tohadap komatian ongko dunia urakng mati