1 Korintus 8:4 - Porjanjian Boharu Torjomahan Baso Dilakng Soari-ari

⁴ Nah, mongona'i potakutan ni'in: Ulih cado kito bopua' dagikng bonatakng inyo diposombahan ko boko duato? Kito tohu, “co nyiant boko duato di dunia ni'in inyo bondar-bondar hidup.” Kito pan tohu, “Bayo ado siku' mo Allah inyo bondar. Co nyiant am inyo bukai.”

1 Korintus 8:4 ပူးပေါင်းရင်းမြစ်များ

Markus 12:29

Timbas Yesus, “Porintah inyo kotakng pontikng ia'an ni'in: ‘Oi somuo urakng Israel, dinga'ancam! Tuhatn Allah kito siku'mo.

Kisah Boko Rasul 14:15

“Boko pokawalan, jangan kaitn molabuhan nantai. Koi bayo urakng biaso, samo ubo kaitn. Koi datakng ko si'itn pakai' momboritoan Kabar Boi' mongona'i Yesus ko kaitn. Koi honda' oca' kaitn ongkah monyombah Allah inyo hidup ja'am, bukainyo boko duato inyo kinyo boguno. Allah inyo bulah langit, bumi, lout ongko agatn somuo isinyo.

Kisah Boko Rasul 15:20

Apo, soharusnyo kito monulis surat ko sia'. Kito momadahan ko sia' oca' jangan momporajoan. Jangan momua'i pomakatn inyo diposombahan ko boko duato. Jangan momua'i isi lou' inyo mati dikoci'. Jangan momua'i darah.

Kisah Boko Rasul 19:26

Apo ni'inan kaitn siku' udah mondinga' ajaran Paulus. Io mongajar obai boko lompatukng sama'an inyo kito pulah, bukainyo duato apo bayo pulahan monsio mo. Kaitn siku' udah moniant obai Paulus udah morubah pomikiran banya' urakng, boi' pondudu' Efesus huatan pondudu' doi' somuo doerah di propinsi Asia.

1 Korintus 8:1

Ni'in mongona'i dagikng bonatakng inyo diposombahan ko boko duato. Ado boko urakng bopandir, “Somuo kito ado pongotohuan.” Apo aman siku' urakng ado ‘pongotohuan husus’, ongko urakng nantai jadi buhau. Sobondarnyo kito gola' mongasihi urakng bukai. Nantaiam caronyo kito bulah urakng bukai monjadi lobih kuat socaro rohani.

1 Korintus 8:10

Misalnyo, aman ado urakng inyo hatinyo kurakng yakitn lopas nantai moniant kolai tongahan dudu' makatn di dalapm rumah adat, kolai paca'an bohiri'i io oca' jumpat makatn jam, io mooso hal nantai salah.

1 Korintus 8:11

Agatn ubo nantai ‘pongotohuan’ kaitn mongona'i nantai, bulah io molabuhan dosa, sampai io monjadi bonaso agatn caro nantai, kaitn bodosa tohadap io. Padohal, Kristus mati pakai' monyolamant'an io jam.

Galatia 4:8

Apo komai, kaitn bolupm ado hubukan agatn Allah. Kaitn monyombah boko duato inyo kinyo bondar. Kaitn monjadi boko hulutn boko duato nantai.

Efesus 4:6

Ongkah ado siku' Allah, siku' Bopai somuo urakng inyo pocayo. Sio bokuaso di pucu' somuo hal, bokorojo molalu'i somuo hal, ongko ada'an dalapm somuo hal.

1 Timotius 1:17

Marabo kito mohormati ongko momuji kobosaran Allah sampai somanah-manahnyo! Sio nanam Rajo inyo momorintah somanah-manahnyo, Allah inyo kinyo ulih ditiat huatan kinyo paca'an kalo mati. Ongkah Sio nanam Allah! Amin.

1 Timotius 2:5

Obai, bayo siku' Allah inyo bondar. Bayo siku' Porontaro antaro Allah agatn somuo monsio, ia'an Kristus Yesus.

Yudas 1:25

Allah monyolamant'an kito molalu'i porbuatan Yesus Kristus, Tuhatn inyo bokuaso di pucu' kito. Allahnam inyo mulia, bosar, kuat, huatan bokuaso sobolupm dunia dipulah, sampai watu ni'in huatan pakai' somanah-manahnyo. Amin!