1 Korintus 8:3 - Porjanjian Boharu Torjomahan Baso Dilakng Soari-ari

³ Apo urakng inyo mongasihi Allah, urakng nantai dikotohu'i Allah. Ongko urakng nantai bondar-bondar pintar-corodi'.

1 Korintus 8:3 ပူးပေါင်းရင်းမြစ်များ

Matius 7:23

Watu nantaiam Aku paca'an mohukupm sia'. Aku paca'an bopandir agatn torus-torakng ko sia', ‘Sobondarnyo somuo kaitn urakng jahat. Aku co kalo konal agatn kaitn. Botula'cam doi' pohadapan-Ku!’ ”

Yohanes 10:14

Apo Aku ninam pongombolo inyo boi'. Samo agatn Allah Bopai mongonal Aku huatan Aku mongonal Bopai, ubo nian jam Aku mongonal boko domba-Ku huatan sia' mongonal Aku. Aku monyorahan hidup-Ku pakai' monyolamant'an sia'.

Yohanes 21:17

Lopas nantai, Yesus botakutn agi', kotigo kalinyo. Kato-Nyo, “Simon, ana' Yohanes, kata'an kolai mongasihi Aku ai?” Petrus mooso kotakan salu' obai Yesus botakutn nantai sampai tigo kali. Kato Petrus ko Sio, “Tuhatn, Duatn tohu boko sosuatu. Duatn tohu obai aku mongasihi Duatn!” Kato Yesus ko io, “Kobolocam boko domba-Ku.

Roma 11:2

Allah co monula' urakng inyo bondar-bondar umat-Nyo inyo udah Sio pilih doi' komaimo. Pasti kaitn ingant pomandiran nabi Elia inyo totulis dalapm Buku Suci. Timpu io mongaduan banso Israel ko Allah. Katonyo,

1 Korintus 13:12

Agatn poumpamoan bukai, kito watu ni'in samo sama'an kito moniant dalapm coromin suatu kombayakan inyo kinyo jolas. Apo nono watu kito ado di sorugo kito paca'an moniant socaro lansukng. Ni'inan kito bayo mongonal Allah socaro kurakng sompurna. Apo nono kito paca'an mongonal Sio agatn sompurna. Samo sama'an Allah udah mongonal kito agatn sompurna.

1 Korintus 2:9

Apo sama'an inyo ditulis dalapm Buku Suci, “Allah jadi monyiap'an boko hal pakai' boko urakng inyo mongasihi Sio. Apo kinyo kalo ado urakng inyo moniant boko hal nantai. Kinyo kalo mombayakan boko hal nantai.”

Galatia 4:9

Apo ni'in kaitn udah ado hubukan agatn Allah. Kata'an lobih topat aman aku mongatoan obai Allah inyo bulah hubukan agatn kaitn. Obai nantai, jangan bobali' agi' monaati boko roh dunia inyo co bokuaso huatan co nyiant gunonyo. Jangan monjadi boko hulutn sia'.

2 Timotius 2:19

Apo Allah bulah pondasi inyo kuat, inyo kinyo toguyakng. Di pucu' pondasi nantai totulis, “Tuhatn mongonal boko urakng inyo bondar-bondar umputn Sio,” huatan “Urakng inyo bopandir aman io nantai umputn Allah, urakng nantai gola' botongga' molabuhan inyo jahat.”

Yakobus 1:12

Allah momborokati urakng inyo botahatn mohadapi poncoba'an. Aman io botahatn, lalu Allah paca'an moonji'i io kohidupan somanah-manahnyo di sorugo. Nianam upah inyo Allah udah janjian ko somuo urakng inyo mongasihi Sio.

Yakobus 2:5

Boko somadikan inyo ku kasihi! Dinga'anbo ni'in! Allah momilih boko urakng jaro di dunia pakai' monjadi urakng inyo bondar-bondar konal agatn Sio. Obai sia' pocayo ko Yesus, jadi sia' monjadi ahli waris Koraja'an Allah. Nantaiam kodampuan inyo Allah janjian ko somuo urakng inyo mongasihi Sio.

1 Petrus 1:8

Kaitn bolupm kalo moniant Sio, apo kaitn totap mongasihi-Nyo. Watu ni'in, kaitn culih moniant Sio, apo kaitn totap pocayo ko Sio. Jadi, kaitn rindakng rigah ongko sonang-nyamanam inyo kotakan luar biaso sampai kinyo tokatoan.

1 Yohanes 4:19

Kito gola' mongasihi, obai Allah lobih doholu mongasihi kito.

1 Yohanes 4:7

Boko somadikanku inyo tokasih, marabo kito hala mongasihi. Obai, kasih boasal doi' Allah. Urakng inyo mongasihi siku'-monyiku' nianam ana' Allah, huatan io mongonal Allah.

Wahyu 2:13

Aku tohu obai kota kaitn ia'an tompat tahta Rajo Sitatn. Apo kaitn totap sotia ko aku. Somadikan Antipas momboritoan mongona'i Aku agatn sotia. Sio dibunuh di kota kaitn, ia'an nantai kota tompat kodiapan Rajo Sitatn. Biar pan ubo nantai, watu nantai kaitn totap moaku'i obai kaitn pocayo ko Aku.

Wahyu 2:19

Aku tohu somuo inyo kaitn labuhan, ia'an kaitn mongasihi urakng bukai, kaitn pocayo ko aku, kaitn bokorojo molayati Aku, kaitn botahatn mohadapi ajab sonsaro. Aku tohu kaitn molabuhan lobih banya' porbuatan boi' watu ni'in daripado komai watu kaitn hoyu' pocayo ko aku.

Wahyu 2:9

Aku tohu obai kaitn didorako'i obai pocayo ko Aku. Aku tohu obai kaitn jaro, apo ingant cam obai sobondarnyo kaitn dampu! Aku tohu obai kaitn dipojahat ulih boko urakng inyo monyobut dirinyo urakng Yahudi. Apo sobondarnyo sia' bukainyo anggota umant Allah. Sia' anggota umant Rajo Sitatn!