1 Korintus 8:12 - Porjanjian Boharu Torjomahan Baso Dilakng Soari-ari

¹² Jadi, aman kaitn bodosa tohadap urakng bukai inyo pocayo apo hatinyo kurakng pocayo, nantai samo sama'an kaitn bodosa tohadap Kristus.

1 Korintus 8:12 ပူးပေါင်းရင်းမြစ်များ

Matius 18:6

Yesus pan bopandir, “Sotiap urakng inyo bulah salah siku' bobia' kocit inyo pocayo ko Aku oca' bulah dosa, Allah paca'an mohukupm urakng nantai. Jadi, lobih boi' aman batu bosar dikokalai dikobat'an ko lihi'nyo, lalu io dibuakan ko dalapm lout.

Matius 25:45

Rajo nantai paca'an monimbas sia', ‘Dinga'an cam! Timpu kaitn co molabuhan boko hal sama'an nantai pakai' salah siku' urakng doi' somadikan-Ku inyo kotakng jaro ni'in, nantai samo sama'an kaitn co molabuhan boko hal nantai pakai' Aku jam.’

1 Korintus 12:12

Ado banya' urakng inyo bukai-mombukai pocayo ko Kristus. Ado boko urakng Yahudi inyo pocayo ko Kristus. Ado jam boko urakng inyo bukainyo urakng Yahudi. Ado hulutn inyo udah pocayo. Ado jam urakng bebas. Apo kito totap sokolompok mo obai kito somuo dibaptis agatn Roh inyo samo. Apo kito somuo pan monorima' Roh inyo samo dalapm hati kito. Obai nantai, kito inyo udah pocayo samo sama'an sobukakng-sotubuh. Bukakng-tubuh nantai sobuti' apo ado banya' bagiannyo.

Matius 25:40

Rajo nantai, paca'an monimbas sia', ‘Pondinga'ancam! Watu kaitn molabuhan boko hal sama'an nantai pakai' salah siku' urakng doi' somadikan-Ku inyo kotakan jaro ni'in, nantai samo sama'an kaitn molabuhan boko hal nantai pakai' Aku.’

Matius 18:21

Lopas nantai Petrus datakng ko Yesus. Kato io, “Tuhatn, aman somadikanku bulah dosa ko aku, sampai boropo kali kiro aku gola' moamputinyo? Sampai tujuh kali?”

Matius 18:10

Ingantcam, jangan mohayam salah siku' doi' boko urakng kocit ni'in. Obai, dinga'anbo ni'in: Ado boko molekat di sorugo inyo monjago'i sia'. Boko molekat nantai hala ado di hadapan Bopai-Ku di sorugo. [

Markus 9:42

Yesus pan bopandir, “Aman ado urakng inyo mombulah siku' doi' boko bobia' kocit inyo pocayo ko aku oca' bulah dosa, jadi lobih boi' pakai' io aman ado batu bosar dikobat'an di lihi'nyo ongko ditonggolapan ko dalapm lout.

Lukas 17:2

Jadi, lobih boi' pakai' sia' aman batu bosar dikokalai ongko dikobat'an ko lihi'nyo, ongko dibuakan ko dalapm lout oca' sia' mati daripado mombulah salah siku' doi' boko urakng inyo kinyo pontikng ni'in bodosa.

Roma 14:20

Jangannam kolai morusa' lapo inyo dikorojoan Allah bayo obai mosalah pomakatn. Conyiant ado pomakatn inyo campah. Apo, aman kolai bopua' sosuatu inyo somadikan kolai bopikir nantai campah, lalu hal nantai bulah io jatu' dalapm dosa, rotinyo kolai bosalah.