1 Korintus 7:6 - Porjanjian Boharu Torjomahan Baso Dilakng Soari-ari

⁶ Aku bomasud pakai' moonji'i ijitn. Apo nantai bukainyo porintah.

1 Korintus 7:6 ပူးပေါင်းရင်းမြစ်များ

2 Korintus 8:8

Aku momadahan nantai bukainyo sobagai porintah. Aku momadahan mongona'i bantu'an doi' boko urakng di Makedonia sobagai contoh pakai' kaitn. Agatn ubo nian aku honda' mouji aman kaitn bondar-bondar mongasihi boko somadikan kaitn inyo bukai.

1 Korintus 7:25

Ni'inan, mongona'i boko urakng inyo bolupm kawitn. Aku co nyiant porintah doi' Tuhatn mongona'i nantai. Apo obai Sio monunju'an koboi'an-Nyo ko aku, ongko aku jadi urakng inyo ulih dipocayo moonji'i nosihat.

1 Korintus 7:12

Ko boko urakng bukai, aku moonji'i porintah ni'in - sobondarnyo porintah ni'in kinyo doi' Tuhatn Yesus, apo monurut aku palikng boi'. Porintah ni'in ko boko lolaki pocayo inyo bisi bini bolupm pocayo. Aman bini kaitn totap honda' hidup bosamo agatn kaitn, jangan monyaya'nyo.

2 Korintus 11:17

Jadi aku honda' momuji diriku siku' apo bukainyo Tuhatn monyiuh aku mongatoan nantai. Apo pandirku momuji diri samo sama'an urakng inyo budu.

1 Korintus 7:10

Ko boko urakng inyo udah kawitn, aku moonji'i porintah ni'in sobondarnyo porintah ni'in kinyo bayo doi' aku, apo doi' Tuhatn Yesus siku': Siku' urakng bini co ulih saya' doi' lakinyo.

1 Korintus 7:40

Apo pondapatku botina' balu nantai paca'an lobih sonang hidupnyo aman io kinyo kawitn agi'. Aku bopikir pondapatku nantai doi' Roh Allah inyo monyoroto'i aku jam.