1 Korintus 7:38 - Porjanjian Boharu Torjomahan Baso Dilakng Soari-ari

³⁸ Jadi, urakng bukai inyo kawitn agatn tunangannyo bulah koboi'an. Apo urakng inyo kinyo kawitn agatn tunangannyo nantai bulah lobih boi' agi'.

1 Korintus 7:38 ပူးပေါင်းရင်းမြစ်များ

Ibrani 13:4

Somuo urakng gola' mohormati pokawitan. Sotiap laki-bini gola' sotia ko pasakannyo. Obai, Allah tajahan mohukupm urakng inyo bodosa bomporajoan huatan urakng inyo bomporajoan.

1 Korintus 7:37

Apo, aman siku' lolaki udah bulah koputusan di dalapm hatinyo pakai' co kawitn agatn tunangannyo, ongko io kinyo toposo momutusan hal nantai, huatan io ulih monahan napsunyo, jadi boi' aman io totap co kawitn.

1 Korintus 7:8

Ko boko botina' balu huatan boko urakng bukai inyo kinyo kawitn, aku moonji'i nosihat ni'in: Lobih boi' kaitn totap cado kawitn, samo sama'an aku.

1 Korintus 7:26

Obai nantai watu ajab sonsaro paca'an hagar datakng, pondapatku ia'an sotiap urakngsoboi'nyo hidup dalapm Koadaannyo sokarakng ni'in.

Matius 5:32

Apo Aku moonju' porintah ni'in ko kaitn: Siku' urakng lolaki inyo monyaya' bininyo aman bukai obai bininyo bomporajoan io mombulah bininyo bomporajoan huatan urakng inyo kawitn agatn botina' inyo disaya' nantai bomporajoan jam.”

1 Korintus 7:39

Mongona'i boko botina' balu agi'. Siku' urakng bini co ulih kawitn agatn urakng bukai somanah lakinyo ija' hidup. Apo aman lakinyo udah mati, botina' nantai uliham kawitn agi' agatn sopo ja' inyo io kohonda'i, asal urakng nantai pocayo ko Yesus.