1 Korintus 7:36 - Porjanjian Boharu Torjomahan Baso Dilakng Soari-ari

³⁶ Mongona'i lolaki inyo tongahan botunangan. Mungkitn lolaki nantai bopikir aman io boulahan tunangannyo nantai agatn caro inyo salah. Aman lolaki nantai mooso kinyo molabuhan sopantasnyo ko tunangannyo damo aman tunangannyo nantai mungkitn tuho huatan io mooso pontikng bobini agatn tunangannyo nantai, lolaki nantai ulih am bobini. Hal nantai bilonyo dosa.

1 Korintus 7:36 ပူးပေါင်းရင်းမြစ်များ

1 Korintus 7:37

Apo, aman siku' lolaki udah bulah koputusan di dalapm hatinyo pakai' co kawitn agatn tunangannyo, ongko io kinyo toposo momutusan hal nantai, huatan io ulih monahan napsunyo, jadi boi' aman io totap co kawitn.

1 Korintus 7:9

Apo, aman kaitn co ulih monahan kohonda' diri kaitn, lobih boi' kaitn kawitn. Obai, lobih boi' urakng kawitn daripado hala bokohonda'an apo co kalo mooso'i ponyaman.

Matius 1:18

Kolahiran Yesus Kristus, Rajo Inyo Dijanjian Allah nantai, tojadi dinga' ni'in: Maria nantaiam indai Yesus. Sobolupm nantai, io botunangan agatn Yusuf. Apo sobolupm sia' kawitn, ruponyo Maria udah buntikan. Nantai tojadi obai kuaso Roh Allah.

Matius 5:40

Aman urakng minto baju dalapm kaitn, onju' jam baju luar kaitn.

1 Korintus 7:35

Aku cado mongatoan somuo ni'in pakai' bulah pantakng-pomali ko kaitn. Aku bomasud pakai' monulukng kaitn oca' kaitn hidup agatn caro inyo boi', oca' kaitn ulih molayati Tuhatn agatn soboboi'nyo huatan co nyiant gangga'-gua'an la'apo pan.