1 Korintus 7:30 - Porjanjian Boharu Torjomahan Baso Dilakng Soari-ari

³⁰ Sotiap urakng inyo bulikng gola' bolaku ubo urakng inyo kinyo bulikng. Sotiap urakng inyo rindakng-rigah gola' bolaku ubo urakng inyo kinyo rindakng-rigah. Sotiap urakng inyo momboli sosuatu gola' bolaku ubonyo barakng nantai kinyo umputn io.

1 Korintus 7:30 ပူးပေါင်းရင်းမြစ်များ

Yohanes 16:22

Ubo nian jam agatn kaitn. Watu ni'in kaitn salu'. Apo Aku paca'an botomu agi' agatn kaitn. Timpu nantai, hati kaitn paca'an sonang. Conyiant ado siku' urakng pan inyo ulih monguti' kosonangan kaitn nantai.

Lukas 6:25

Allah tajahan mohukupm kaitn bayakan inyo konyang watu ni'in, obai kaitn nononyo paca'an kolaparan. Allah tajahan mohukupm kaitn inyo rindakng totao watu ni'in, obai kaitn nononyo paca'an monangis ongko bulikng undu'.

Lukas 6:21

Diborokati kaitn bayakan kolaparan watu ni'in, obai kaitn paca'an dikonyangan nononyo! Diborokati kaitn inyo monangis watu ni'in, obai kaitn tajahan rindakng totao nononyo!

Wahyu 18:7

Io udah monikmati hidup inyo tohormat huatan mewah socaro luar biaso. Jadi watu ni'in, pulahcam io sonsaro huatan bulikng socaro luar biaso jam. Obai io bopandir dalapm hatinyo, ‘Aku ninam ratu inyo momorintah! Aku bukainyo balu. Aku co paca'an kalo mooso bulikng!’

Wahyu 7:17

Nianam koadaan sia' obai Ana' Domba inyo di tongah tahta nantai inyo monjago'i sia' samo sama'an siku' gombala. Sio paca'an moirikan sia' ko sumber ara'i inyo moonji'i kohidupan. Allah paca'an mohapus somuo ara'i mato doi' mato sia'.”

Lukas 16:25

Apo Abrahapm bopandir, ‘Ana'ku, ingant watu di dunia, kolai monorima' hidup inyo boonsu'an apo Lazarus monorima' hidup inyo ajab sonsaro. Ni'in, io sonang apo kolai ajab sonsaro.

1 Korintus 7:29

Boko somadikan, masudku ubo ni'in: Co manah agi' watu ni'in paca'an boahir. Obai nantai, mula'i doi' ni'in sotiap urakng inyo bobini gola' bolaku ubo urakng kinyo bobini.

1 Korintus 7:31

Jadi, sotiap urakng inyo bourusan agatn kodampuan la'apo ja' gola' bolaku ubonyo io co nyiant urusan agatn kodampuan dunia nantai. Obai, co manah agi' dunia inyo kito konal ni'in paca'an boahir.