1 Korintus 7:21 - Porjanjian Boharu Torjomahan Baso Dilakng Soari-ari

²¹ Contohnyo agi', aman kaitn siku' urakng hulutn watu kaitn ditingkau Allah, nantai kinyo mosalah mo. Apo memang, soumpamo kaitn bodapat kosompatan pakai' monjadi bebas, gunoan cam kosompatan nantai.

1 Korintus 7:21 ပူးပေါင်းရင်းမြစ်များ

Kolose 3:11

Dalapm hidup boharu ni'in, bukai-mombukai antaro urakng kinyo pontikng, contohnyo antaro urakng Yahudi agatn urakng inyo bukainyo urakng Yahudi, antaro urakng bosunant agatn urakng inyo kinyo bosunant, antaro urakng doi' banso Barbar inyo co dikonal agatn urakng doi' banso Skit inyo dorako, antaro hulutn agatn urakng bebas. Apo inyo palikng pontikng ia'an Kristus. Sio ado di dalapm boko urakng inyo pocayo.

Lukas 12:29

Jangan bulah tujuan kohidupan kaitn bayo momikiran mongonaꞌi makatn-minum. Jangan kuatir hal nantai.

1 Petrus 5:7

Jangan bogonang mongona'i la'apo pan, apo bodoacam ko Tuhatn oca' Sio mourus somuo mosalah kaitn. Obai, Sio mongombolo kaitn.

Ibrani 13:5

Jangan cinta duit. Puasan aja'am diri kaitn agatn kodampuan inyo udah jadi umputn kaitn. Obai, Allah udah bopandir, “Aku kinyo kalo tajahan moninggalan kolai. Aku kinyo kalo tajahan mombiaran kolai sonsiku'an.”

Filipi 4:11

Agatn pandir mongona'i ni'in, aku co bomasud aku ija' ado kokurakan. Obai, aku udah bolajar mooso tokosih dalapm koadaan lapo ja'.

Filipi 4:6

Jangan gola' mongona'i lapo pan, apo bodoacam mongona'i la'apo pan. Agatn oso sukur, padahan cam ko Allah lapo inyo honda' kaitn pinto.

Galatia 3:28

Kaitn somuo monjadi satu dalapm Kristus Yesus. Allah kinyo monyongkayoan antaro urakng Yahudi damo urakng bukainyo Yahudi; antaro hulutn damo urakng bebas; antaro lolaki damo botina'.

Lukas 21:34

“Jagocam diri kaitn. Jangan sampai ado boko hal di dunia ni'in inyo moncaci' pikiran kaitn, ubo mabu', porbuatan jahat inyo dilabuhan aman udah komabu'an, boko mosalah kohidupan ni'in. Aman pikiran kaitn samaꞌan nian, nononyo kaitn co siap timpu ari nantai datakng. Obai ari nantai tajahan datakng pakai' somuo urakng, conyiant inyo tohu, samo samaꞌan joyat ntobukan mongujut bonatakng.

1 Korintus 7:20

Sokali agi', aku mongatoan: Hidupcam dalapm koadaan inyo samo watu kaitn ditingkau Allah.

1 Korintus 7:22

Obai, watu siku' urakng hulutn ditingkau Tuhatn, io monjadi siku' urakng bebas dalapm pomandakan Tuhatn. Ubo nian jam, watu siku' urakng bebas ditingkau, io monjadi siku' urakng hulutn inyo molayati Kristus.