1 Korintus 7:19 - Porjanjian Boharu Torjomahan Baso Dilakng Soari-ari

¹⁹ Obai, aman kito disunant damo kinyo disunant, nantai kinyo pontikng. Inyo pontikng kito monaati boko porintah Allah.

1 Korintus 7:19 ပူးပေါင်းရင်းမြစ်များ

Matius 5:19

Obai nantai, aman ado urakng inyo mohilakan salah sobuti' Hukupm Torat nantai, biar pan porintah nantai dianggap kinyo pontikng, huatan io mongajar urakng bukai jam pakai' mohilakannyo, ongko io paca'an dianggap kinyo pontikng di dalapm Koraja'an Sorugo. Apo aman ado urakng inyo molabuhan somuo porintah Allah huatan mongajar urakng bukai pakai' molabuhannyo, io paca'an dianggap pontikng di dalapm Koraja'an Sorugo.

Yohanes 15:14

Kaitn nam boko pokawalan-Ku, ia'an aman kaitn molabuhan la'apo inyo Ku porintahan ko kaitn.

Roma 3:30

Ongkah ado siku' Allah. Jadi, caronyo monjadi bondar di hadapan-Nyo ia'an caro inyo samo pakai' urakng Yahudi inyo bosunant huatan pakai' urakng bukai Yahudi inyo co bosunant. Caronyo ia'an pocayo ko Yesus.

1 Korintus 8:8

Sobondarnyo, kito kinyo monjadi lobih boi' di hadapan Allah aman kito kinyo bopua' pomakatn totontu. Allah pan kinyo moanggap kito lobih boi' aman kito bopua' pomakatn totontu.

Galatia 3:28

Kaitn somuo monjadi satu dalapm Kristus Yesus. Allah kinyo monyongkayoan antaro urakng Yahudi damo urakng bukainyo Yahudi; antaro hulutn damo urakng bebas; antaro lolaki damo botina'.

Galatia 5:6

Obai, hal bosunant kata'an kinyo bosunant co nyiant bedanyo di kito inyo ado di dalapm Kristus Yesus. Inyo pontikng ia'an aman kito pocayo ko Yesus huatan kopocaya'an nantai monyurukan kito pakai' mongasihi urakng bukai.

Galatia 6:15

Disunant kata'an co bosunant nantai co nyiant bedanyo. Inyo pontikng ia'an kito hidup agatn caro inyo boharu.

Kolose 3:11

Dalapm hidup boharu ni'in, bukai-mombukai antaro urakng kinyo pontikng, contohnyo antaro urakng Yahudi agatn urakng inyo bukainyo urakng Yahudi, antaro urakng bosunant agatn urakng inyo kinyo bosunant, antaro urakng doi' banso Barbar inyo co dikonal agatn urakng doi' banso Skit inyo dorako, antaro hulutn agatn urakng bebas. Apo inyo palikng pontikng ia'an Kristus. Sio ado di dalapm boko urakng inyo pocayo.

Wahyu 22:14

Sonang nyamanam cam somuo urakng inyo monopasi jubah sia'. Sia' paca'an dapat hak pakai' bopua' buah doi' kayu inyo moonji'i kohidupan. Sia' paca'an ulih mansu' ko dalapm kota nantai molalu'i boko pintu gerbakngnyo.