1 Korintus 7:17 - Porjanjian Boharu Torjomahan Baso Dilakng Soari-ari

¹⁷ Pokoknyo, ko somuo urakng pocayo aku monosihat'i: Hidupcam dalapm koadaan inyo samo watu kaitn ditingkau Allah monjadi umat-Nyo. Niannam koadaan inyo udah ditontuan Tuhatn pakai' kaitn. Aku moajaran porintah nantai di somuo jomaat.

1 Korintus 7:17 ပူးပေါင်းရင်းမြစ်များ

1 Korintus 4:17

Aku moutus Timotius ko kaitn oca' monulukng kaitn monuruti toladatnku. Io sama'an ana' inyo kokidahku. Io jam sotia monulukngku molayati Tuhatn. Io paca'an moingant'an kaitn mongona'i caroku hidup dibabah kuaso Kristus Yesus. Caro hidup nantai samo sama'an la'apo inyo udah kuajaran disotiap jomaat di mono-mono.

1 Korintus 7:24

Sokali agi', Boko somadikan, aku momandiran ko kaitn: Hidupcam bosamo agatn Allah dalapm koadaan inyo samo watu kaitn ditingkau.

2 Korintus 8:18

Kinyo haja' Titus, koi pan moutus siku' somadikan koi ko kaitn. Somuo jomaat mohormati io obai io monulukng dalapm polayatan momboritoan Kabar Boi'.

2 Korintus 11:28

Banya' kosusahan agi' kinyo paca'an ku sobut, solaitn ni'in: Sotiap ari aku mooso dibobati obai boko pomosalahan mongona'i somuo jomaat.

1 Korintus 7:18

Umpamonyo, aman ado urakng inyo udah disunant watu io ditingkau Allah, padohan urakng nantai bousaha mohilakan boko tando sunant nantai. Aman ado urakng inyo kinyo disunant watu io ditingkau Allah, jangan nam urakng nantai minto disunant.

1 Korintus 7:7

Sobondarnyo aku honda' oca' sotiap urakng samo sama'an aku. Apo sotiap urakng ado komampuan husus masikng-masikng doi' Allah. Inyo siku' ado komampuan husus ni'in. Inyo bukainyo ado jam komampuan husus inyo bukai.

1 Korintus 14:33

Somuo komampuan doi' Roh Allah paca'an dipakai socaro toatur. Obai Allah kinyo mongohonda'i kokacauan. Sio mongohonda'i oca' kito ado kodamaian.

Matius 19:12

Obai, ado urakng inyo dilahiran kinyo ulih kawitn. Ado jam urakng inyo kinyo ulih kawitn obai dipulah sama'an nantai ulih urakng bukai. Ado jam urakng inyo obai kohonda' siku' pakai' co kawitn oca' ulih molayati husus pakai' Koraja'an Sorugo. Boko urakng inyo ulih mongoroti pomandiran nantai, kuba'annyo sia' mongoroti.”

1 Korintus 16:1

Ni'inan aku honda' monulis mongona'i duit inyo paca'an dikumpulan pakai' monulukng boko jomaat di Yerusalem. Aku honda' oca' kaitn moikuti poraturan inyo udah ku onju' ko jomaat di doerah Galatia. Ni'innam poraturannyo:

1 Korintus 10:32

Jangan molabuhan sosuatu inyo monyinggukng hati urakng bukai, boi' nantai urakng Yahudi, sama'an nian jam urakng Yunani huatan boko urakng dalapm kolompok urakng inyo pocayo ko Yesus.

1 Korintus 11:16

Aman ado urakng inyo honda' bopandir molawatn kobiasa'an ni'in, gola' diingant'an, koi co nyiant kobiasa'an inyo songkayo doi' nantai. Somuo kumpulan urakng pocayo monuruti kobiasa'an nantai.

1 Korintus 11:34

Aman ado urakng inyo kolaparan, soboi'nyo io makatn doholu di rumahnyo. Labuhan cam somuo nantai oca' aman kaitn bokumpul, kaitn co monyobab'an Allah mohukupm kaitn. Watu aku datakng ko Korintus, aku paca'an mongajar kaitn mongona'i boko hal inyo bukai agi'.

Galatia 1:22

Obai nantai, boko jomaat Kristus di Yudea bolupm kalo botomu agatn aku socaro lansukng.

1 Tesalonika 2:14

Butinyo ia'an kaitn sonjumpat'an caro hidup inyo samo sama'an boko urakng inyo pocayo ko Kristus Yesus di doerah Yudea. Lopas kaitn monjadi pocayo, kaitn didorako'i boko urakng doi' banso kaitn siku'. Sama'an nantai jam, lopas boko urakng Yahudi di doerah Yudea monjadi pocayo, sia' didorako'i boko urakng doi' banso sia' sikuꞌ.

2 Tesalonika 1:4

Obai nantai, koi bangga mongisahan mongona'i kaitn ko boko jomaat inyo bukai. Koi mongisahan obai kaitn didorako'i huatan moalapi banya' kosusahan obai kaitn pocayo ko Yesus. Apo kaitn totap botahatn huatan pocayo.