1 Korintus 7:14 - Porjanjian Boharu Torjomahan Baso Dilakng Soari-ari

¹⁴ Obai siku' urakng lolaki inyo bolupm pocayo udah monjadi umputn Allah obai bininyo pocayo. Ubo nian jam siku' urakng bini inyo bolupm pocayo udah monjadi umputn Allah obai lakinyo pocayo. Aman cado ubo nian, poana'an sia' pan co monjadi umputn Allah. Apo sobondarnyo poana'an sia' udah monjadi umputn Allah jam.

1 Korintus 7:14 ပူးပေါင်းရင်းမြစ်များ

Titus 1:15

La'apo pan ia'an suci bagi boko urakng suci. Apo bagi boko urakng inyo pikirannyo jahat huatan kinyo pocayo, co nyiant inyo suci, obai pikiran huatan hati sia' udah jahat.

1 Timotius 4:5

Obai somuo pomakatn dipulah monjadi suci agatn doa huatan pomandiran Allah.

Roma 11:16

Aman bagian potamo doi' adonan roti monjadi husus umputn Allah, jadi soluruh roti nantai monjadi husus umputn Allah. Ubo nian jam agatn banso Yahudi. Boko urakng Yahudi inyo potamo samo sama'an urat kayu jaitun inyo dikobolo. Obai sia' monjadi urat inyo husus umputn Allah, jadi boko dahatn kayu nantai jam monjadi husus umputn Allah.

1 Korintus 7:13

Ubo nian jam ko boko botina' pocayo inyo bisi laki bolupm pocayo. Aman laki kaitn totap honda' hidup bosamo agatn kaitn, jangan monyaya'nyo.